Levhi 12:6 - Bhibhiliya Nya Guage

⁶ Gikhati a enedzago matshigu nya guagiswe gwaye, gani gikhwathana ambari nari gyagadzyana, a nata bikela ga muphasi nya mhamba, nyangwatunu nya Tshatsha nya Tshangano, nvuta nya mwaga moyo, gasi gu gira phaso nya guvbiswe, ni gifondro nya lituva a gira phaso nya gughohe.

Levhi 12:6 Iomraidhean Croise

Genesi 15:9

Pfhumu Nungungulu a di mu hakha, khuye: “Nyi resele gimombyana nya nyamayi, phongo nya nyamayi ni nvutana; satshavbo nya myaga miraru nya guvelegwe. U resa gambe lituva ni gipomba.”

Levhi 12:2

“Ganela ga sanana sa Israyeli u si embela, khuwe: Nyamayi a gu khura mimba a gu velega gyanana nya gikhwathana, a na lolela livbandre na mavili matshigu, a na lolela idzosaye gukhwatshi khu matshigu a wonago migima yaye.

Levhi 12:5

A gu velega gyanana nya gyagadzyana, a na lolela dzisemana dzimbili, gukhwatshi khu matshigu a wonago migima yaye; a na virela mambe livbandre na limwedo magumi ni livbandre na limwedo matshigu nya wungozwa gasi gu agiswa novba waye.

Levhi 12:7

Muphasi nya mhamba a na si ningela mbeli ga Pfhumu Nungungulu, a mu girela nayo nya phaso nya gulivbe nandru; khavbo avbo, nyamayi a na agiswa novba a dusidego umo nya wungozwa waye. Owu khu nayo ga nyamayi a velegago gyanana nya gikhwathana mwendro gyagadzyana.

Levhi 14:22

A na dzega gambe, gukhedza khu gumanela gwaye, matuva mavili mwendro sipomba sivili: Limwedo nya gugire khilo phaso nya ditshedzo, limbe nya phaso nya guvbiswe.

Levhi 15:14

Khu litshigu nya livbandre na mararu, a na dzega matuva mavili mwendro sipomba sivili, aya bikela ga Pfhumu Nungungulu, nyangwatunu nya Tshatsha nya Tshangano, aya si ningela ga muphasi nya mhamba.

Levhi 15:29

Khu litshigu nya livbandre na mararu, a na dzega matuva mavili mwendro sipomba sivili, aya ningela ga muphasi nya mhamba, nyangwatunu nya Tshatsha nya Tshangano.

Mitengo 6:10

Khu litshigu nya livbandre na mararu a na resa ga muphasi nya mhamba matuva mavili, mwendro sifondro sivili nya sipomba, nyangwani nya Tshatsha nya Tshangano;

Luka 2:22

Na ma vbindride matshigu nya guagiswe gwaye, gasi gu landrisa Nayo wa Mosi, Mariya ni Josefe va di dzega gyanana va gu hongola nagyo Jerusalema, gasi guya gi bikela ga Pfhumu,

Johane 1:29

Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

Vahebheru 7:26

Jesu khuye Muphasi nya Khongolo nya mhamba hi mu vbwetago. Uye agide, uye mwalo gihoso ambari gighoho, uye hambanisidwe ni sighohi, a gu khusedzwa guvbindra vbatshani ndzadzini.