Levhi 11:44 - Bhibhiliya Nya Guage

⁴⁴ Eni kheni Pfhumu Nungungulu wanu, Eni nyi na mi agisa mu simama na mu agide, kholu Eni nyi agide; mu nga dzi nyenyezisini mwabune khu kotani nya sirengo satshavbo soso nya gukhwirire si gimbilago mafuni.

Levhi 11:44 Iomraidhean Croise

Dzindzimo 99:5

Rungudzani Pfhumu Nungungulu wathu , khidzimani migondroni gwaye, kholu Uye agide.

Dzindzimo 99:9

Rungudzani Pfhumu Nungungulu wathu, mu khozeleni gigomoni gwaye nya gukatege! Kholu, Pfhumu Nungungulu wathu agide!

Ekisodha 16:12

“Nyi pwide gubhonga ga sanana sa Israyeli. Ganela u va embela, khuwe: Gupfolani nya lidambo mu na hodzani nyama, vbadzimindrutunu mu na khurani khu sibaba. Mu na dzitini gukhenu Eni kheni Pfhumu Nungungulu wanu.”

Ekisodha 19:10

Pfhumu Nungungulu a di embela gambe Mosi, khuye: “Indra ga vathu u ya va agisa muhuno ni mindru; va na handze guambala gwawe.

Ekisodha 19:6

Enu mu na khalani litigo nya vaphasi nya mhamba, litigo li agidego. Aya khu magana u na ya embelago sanana sa Israyeli.”

Ekisodha 20:2

“Eni kheni Pfhumu Nungungulu wago, nyi gu dusidego khu tigoni ga Egipito, nyumbani nya wugumbi.”

Ekisodha 22:30

U na gira idzosaye ni matiwula nya mombe yago ni dzinvuta dzago. Matiwula ma fanede gu khala livbandre na mavili matshigu ni mayi waye, khu eli nya livbandre na mararu matshigu, mu na ta gira ningelo avbo gwangu.

Ekisodha 22:31

Enu mu vathu mu agisedwego Eni. Gima mu nga hodzi nyama nya girengo gi songidwego khabini khu sirengo nya likhabi. Nyama nya guralo rinyelani dzimbwa.

Ekisodha 23:25

Khozelani Pfhumu Nungungulu wanu, Eni nyi na kategisa guhodza gwanu ni mati yanu; nyi na vbedza madwali vbakari gwanu.

Ekisodha 6:7

Nyi na mi dzegani mu khala vathu vangu, Eni nyi na khala Nungungulu wanu, mu na dzitini nya gukhenu eni kheni Pfhumu Nungungulu wanu, nyi mi dusago vbavbatshi nya mirwalo ya Vagipiti.

Isaya 43:3

Kholu eni kheni Pfhumu Nungungulu wago, Nyaguage wa Israyeli, Muvbanyisi wago; nyi ningede Egipito, gu khala mudzegisi wago, Etiyopiya ni Sebha wulangani gwago.

Isaya 51:15

Kholu eni kheni Pfhumu Nungungulu wago, nyi kutsungago linene ma khusega mavimbi. Lina langu, kheni Pfhumu Nungungulu nya Tshivba Yatshavbo.

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Levhi 11:43

Mu nga dzi nyenyezisi mwabune khu kotani nya sirengo soso nya gukhwirire si gimbilago mafuni. Mu nga dzi nyenyezisi khu gu si kuha, gasi mu si nyenyeziswi khiso.

Levhi 18:2

“Ganela ga sanana sa Israyeli, u si embela, khuwe: Eni kheni Pfhumu Nungungulu wanu.

Levhi 19:10

Thembweni gwago nya miuvha, u nga bweleli hwane u ya havedzela esi si tshaledzedego, mwendro gu roledzela dziuvha dzi thegidego vbavbatshi. U na tshiyela sisiwana ni valuveli. Eni kheni Pfhumu Nungungulu wanu.

Levhi 19:2

“Ganela ga tshangano watshavbo nya sanana sa Israyeli, u va embela, khuwe: Agani, kholu Eni Pfhumu Nungungulu wanu nyi agide.

Levhi 19:3

Moyo ni moyo nya enu a na ninge githawo mayi waye, ni babe waye, mu vegedza matshigu nya Sabhadho yanu. Eni kheni Pfhumu Nungungulu wanu.

Levhi 19:4

Mu nga khozelini vanungungulu nya malipha, gambe mu nga dzi gireleni vanungungulu nya gupfhudwe khu sikete. Eni kheni Pfhumu Nungungulu wanu.

Levhi 20:26

Agani mahoni gwangu, kholu Eni Pfhumu Nungungulu nyi agide, gambe nyi mi hathide vbakari nya mayigo, gasi mu khala vathu vangu.

Levhi 20:7

Khu guralo, dzi agiseni mu khala vathu va agidego, kholu Eni kheni Pfhumu Nungungulu wanu.

Levhi 21:8

Mu wone kha nga muthu a agidego kholu khuye a bikelago guhodza nya miphaso ga Nungungulu wago. Muthu a agidego mahoni gwanu, kholu Eni Pfhumu Nungungulu nyi mi agisago, nyi agide.

Amosi 3:3

Ina vathu vavili va ngu dzi kodza gu longoloka na va si pwanani, gani?

Mitengo 15:40

Khu guralo, mu na alakanyani gu landrisa sileletelo sangu satshavbo, mu na agani mbeli ga Nungungulu wanu!

Matewu 5:48

Khu kharato, lulamani mulisineni kha nga Babe wanu wa Ndzadzini a lulamidego.

Dhewuteronome 14:2

Kholu mu vathu va agidego mahoni ga Pfhumu Nungungulu wanu, gambe Pfhumu Nungungulu a mi hathide vbakari nya mayigo yatshavbo ya mafuni, gasi mu khale vathu Vaye.

1 Vatesalonika 4:7

Nungungulu kha hi ranela guvivba, a di hi ranela gu vbanya khu ndruda.

Josuwa 24:19

Khavbo avbo, Josuwa a di embela vathu, khuye: “Enu kha mu dzi kodzi gu thumela Pfhumu Nungungulu, kholu Uye Nungungulu a agidego, ni Nungungulu a khozedwago gikhati gyatshavbo, a si timiseligo sihoso ni sighoho sanu.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

Gutuledwa 22:11

Muthu nyambana ndruda a na simame ni mithumo yaye nya guwegele, muthu nya gunyenyeze a na simame ni gu dzi nyenyezisa gwaye, muthu nya gululame a na simame ni mithumo nya gululame gwaye. Ni uye a agidego a na simame gu dzi agisa.

1 Samuweli 2:2

Mwalo a lulamidego kha nga Pfhumu Nungungulu; kholu mwalo mumbe vbavbandze ga Uwe; gi mwalo Giwindri gi tiyidego, nya gufanane ni Nungungulu wathu.

1 Samuweli 6:20

Khavbo avbo, vathu va Bheti-Semesi, va di ganela, khavo: Khu mani a yelago gu ema mbeli ga Pfhumu Nungungulu, Nungungulu yoyu nya gukatege? Ngasa yaye hi na yi rumela hayi gasi yi kodza gu manega hwindzo nethu?