Levhi 11:39 - Bhibhiliya Nya Guage

³⁹ Gya gufa girengo nya esi mu dzumedziswago guhodza, oyu a kuhago girumbi gyakone, a na lolela kala gupfolani nya lidambo.

Levhi 11:39 Iomraidhean Croise

Ezekiyeli 4:14

Khavbo avbo, eni nyi di, kheni: Oh! Mune, Pfhumu Nungungulu! Eni gima kha nya dzi nyenyezisa. Gukhugela wudzahani gwangu kala olu, gima nyi si gu hodzi gilo nya gukari gi nga manwa na gi fude mwendro gu vbadzuledwa khu sirengo sa khabini. Gima kanani gwangu gu si gu beli nyama nya gukari nya gunyenyeze.

Levhi 11:24

Sirengo sesi, si ngu dzi kodza gu mi nyenyezisa; ni wevbini a na kuhago sirumbi sakone a na nyenyeza nuye kala gupfolani nya lidambo.

Levhi 11:28

Oyu a rwalago sirumbi sakone fanede gu handza dzingandzu dzaye, a na nyenyeza kala gupfolani nya lidambo. Esi sirengo nya gulolele avbo gwanu.

Levhi 11:31

Vbakari nya sivangwa satshavbo si dzi khuthago mafuni, khiso mu fanelago gu si pima gukhenu si nyenyezide, uye a kuhago sirumbi sakone, a na bani a nyenyezide kala gupfolani nya lidambo.

Levhi 11:38

aholu mbewu ya gu bani na yi lovegidwe yi ta thegedwa khu sirumbi sesi, mbewu yoyo yi nyenyezide gwanu.

Levhi 11:40

Oyu a hodzago nyama nya girengo gi ngafago gyabune, gu vbwetega a handza dzingandzu dzaye, gambe a na lolela kala gupfolani nya lidambo. Ni oyu a na rolago girumbi gyakone, fanede gu handza dzingandzu dzaye, a nyenyeza kala gupfolani nya lidambo.

Levhi 14:46

Oyu a na belago nyumbani matshiguni yi na gu bani yi khothidwe, a na nyenyeza kala gupfolani nya lidambo.

Levhi 15:15

Muphasi nya mhamba a na ningela gimwegyo a gira phaso nya gulivbe nandru, ni gimbe nya phaso nya guvbiswe, a gira nayo nya guagiswe wusila waye, mbeli ga Pfhumu Nungungulu.

Levhi 15:5

Oyu a kuhago lidawu la muthu a dugelelago wusila a na handza guambala gwaye, aya hamba khu mati, a na nyenyeza kala gupfolani nya lidambo;

Levhi 15:7

Oyu a kuhago mili wa muthu a dugelago wusila khu milini gwaye, a na handza guambala gwaye aya hamba khu mati, ambari ulo, a na nyenyeza kala gupfolani nya lidambo.

Levhi 16:26

Wule a nga vbelegedzago nyamabhongwe ga Azazeli, a na handza guambala, a hamba mili waye khu mati, khavbo a na dzi kodzago gu bela gambe lizumboni.

Levhi 17:15

Muthu watshavbo, gani givelegwa mwendro muluveli, a gu hodza girengo nya gufe gyabune, mwendro nya gusongwe khu sirengo nya likhabi, a na handza guambala gwaye, aya hamba matini, ambari ulo a na nyenyeza kala gupfolani nya lidambo; hwane nya ugo, a na aga.

Levhi 22:4

Gani khu mani vbakari nya sanana sa Aroni, a na bani ari ni madwali nya sokono mwendro gu dugelela wusila khu milini gwaye, a nga hodzi miningelo nya guage kala a agiswa. Khidzosaye gambe ni oyu a kuhago muthu a nyenyezisidwego khu girumbi; ni oyu a nga dugago mbewu nya livelego;

Levhi 22:6

Muthu a kuhago satshavbo sesi, a na nyenyeza kala gupfolani nya lidambo, a nga hodzi miningelo nya guage, kala aya hamba mili waye matini.

Levhi 22:8

A nga hodzi girengo nya gufe gyabune, mwendro nya gusongwe khu sirengo nya likhabi, gasi a si dzi nyenyezisi khigyo. Eni kheni Pfhumu Nungungulu.

Mitengo 19:11

Wule a na kuhago girumbi nya muthu, a na bani na nyenyezide livbandre na mavili matshigu.

Mitengo 19:16

Muthu watshavbo a na kuhago girumbi nya muthu a nga songwa khu litshari khabini, mwendro a ngafa, mwendro marambo nya muthu, mwendro lithowo, a na bani na nyenyezide livbandre na mavili matshigu.

Mitengo 19:7

Khavbo avbo, muphasi nya mhamba a na handza dzingandzu dzaye, a hamba givili gyaye khu mati, khu hwane a bela lizumboni, a na bani na lolede kala gupfolani nya lidambo.