Levhi 11:32 - Bhibhiliya Nya Guage

³² Ni gevbini girengo nya nga egi gya gufa gi thegela gyomboni, gyombo gyogyo gi na nyenyeza: Sombo nya guvatwe khu simbo, guambala, malowo, dzisaku, ni sombo satshavbo esi si thumiswago, si na nyenyeza kala gupfolani nya lidambo. Khu guralo si fanede gu handzwa; khavbo si na agiswago.

Levhi 11:32 Iomraidhean Croise

Levhi 11:31

Vbakari nya sivangwa satshavbo si dzi khuthago mafuni, khiso mu fanelago gu si pima gukhenu si nyenyezide, uye a kuhago sirumbi sakone, a na bani a nyenyezide kala gupfolani nya lidambo.

Levhi 14:46

Oyu a na belago nyumbani matshiguni yi na gu bani yi khothidwe, a na nyenyeza kala gupfolani nya lidambo.

Levhi 15:12

Khali nya libumba ya gu khuhwa khu oyu a dugelago wusila khu milini gwaye yi na pandrwa, aholu gyombo nya guvatwe khu simbo, gi na handzwa khu mati.

Levhi 15:15

Muphasi nya mhamba a na ningela gimwegyo a gira phaso nya gulivbe nandru, ni gimbe nya phaso nya guvbiswe, a gira nayo nya guagiswe wusila waye, mbeli ga Pfhumu Nungungulu.

Levhi 16:26

Wule a nga vbelegedzago nyamabhongwe ga Azazeli, a na handza guambala, a hamba mili waye khu mati, khavbo a na dzi kodzago gu bela gambe lizumboni.

Levhi 17:15

Muthu watshavbo, gani givelegwa mwendro muluveli, a gu hodza girengo nya gufe gyabune, mwendro nya gusongwe khu sirengo nya likhabi, a na handza guambala gwaye, aya hamba matini, ambari ulo a na nyenyeza kala gupfolani nya lidambo; hwane nya ugo, a na aga.

Levhi 22:6

Muthu a kuhago satshavbo sesi, a na nyenyeza kala gupfolani nya lidambo, a nga hodzi miningelo nya guage, kala aya hamba mili waye matini.

Levhi 6:28

Khali nya libumba yi na gu phuledwago umo nyama yi na pandrwa; ya gu bani yiri ya gikete, yi na guhwa yi handzwa khu mati.

Mitengo 19:15

Ni sombo satshavbo si ngamba fenengedzwa, si gu mwalo gifenengedzo nya guhungwe khigyo, si na bani si nyenyezide.

Mitengo 19:7

Khavbo avbo, muphasi nya mhamba a na handza dzingandzu dzaye, a hamba givili gyaye khu mati, khu hwane a bela lizumboni, a na bani na lolede kala gupfolani nya lidambo.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Tito 3:5

Uye a hi vbanyiside khu kotani nya lihaladzo laye basi, nasiri khu kotani nya mithumo yathu nya yadi. Nungungulu a hi agiside khu tshivba nya Liphuvbo nya Guage; a hi velegide nyaluphye a gu hi ninga guvbanya nya guphya.