Levhi 11:25 - Bhibhiliya Nya Guage

²⁵ Ni oyu a rwalago sirumbi sakone fanede guhandza dzingandzu dzaye, gambe a na nyenyeza kala gupfolani nya lidambo.

Levhi 11:25 Iomraidhean Croise

Dzindzimo 51:2

Nyi handze gighoho gyangu nyi agise ga giwono gyangu.

Dzindzimo 51:7

Nyi handze khu sasi, nyi na aga; nyi handze, nyi na aga ngudzu guvbindra hunguva.

Ekisodha 19:10

Pfhumu Nungungulu a di embela gambe Mosi, khuye: “Indra ga vathu u ya va agisa muhuno ni mindru; va na handze guambala gwawe.

Ekisodha 19:14

Khavbo avbo, Mosi a di tshiga khu gigomoni aya ga vathu. Uye a di agisa vathu, avo va di ya handza dzingandzu dzawe.

Levhi 11:24

Sirengo sesi, si ngu dzi kodza gu mi nyenyezisa; ni wevbini a na kuhago sirumbi sakone a na nyenyeza nuye kala gupfolani nya lidambo.

Levhi 11:26

Sirengo satshavbo nya mawundru mana nyamba kabanega khu sitsendro sivili, mwendro esi nyamba bhisela si wuya si tsagudzela, isoso satshavbo si ngu loledziswa avbo gwanu. Oyu a si kuhago, a na nyenyeza kala gupfolani nya lidambo.

Levhi 11:28

Oyu a rwalago sirumbi sakone fanede gu handza dzingandzu dzaye, a na nyenyeza kala gupfolani nya lidambo. Esi sirengo nya gulolele avbo gwanu.

Levhi 11:40

Oyu a hodzago nyama nya girengo gi ngafago gyabune, gu vbwetega a handza dzingandzu dzaye, gambe a na lolela kala gupfolani nya lidambo. Ni oyu a na rolago girumbi gyakone, fanede gu handza dzingandzu dzaye, a nyenyeza kala gupfolani nya lidambo.

Levhi 13:6

Khu litshigu nya livbandre na mavili a na mu khedzisa gambe: A gu wona gukhuye gilondra gi vbungugide kha gya engedzela gu dandra milini gwaye, muphasi nya mhamba a na tivisa gukhuye mudwali agide, kholu wuhaga basi a gu nawo. Muthu yoyo a na handza dzingandzu dzaye a khala muthu a agidego.

Levhi 14:46

Oyu a na belago nyumbani matshiguni yi na gu bani yi khothidwe, a na nyenyeza kala gupfolani nya lidambo.

Levhi 14:47

Oyu a na lalago nyumbani momo, a na handza guambala gwaye, ni oyu a na hodzelago umo, a na gu handza nuye.

Levhi 14:8

Wule a na agiswago, a na handza dzingandzu dzaye, a vbaludwa ndzudzu waye watshavbo, aya hamba, a na agiswa. Khavbo avbo, a ngu dzi kodza gu wuya lizumboni, aholu a na khala livbandre na mavili matshigu vbavbandze nya tshatsha waye.

Levhi 15:13

Aholu a gu hegisa gudugelela wusila khu milini gwaye, mudwali a na saya livbandre na mavili matshigu hwane nya gu na hawulugide; a handza dzingandzu dzaye, aya hamba matini ya tsongoni, a na aga.

Levhi 15:15

Muphasi nya mhamba a na ningela gimwegyo a gira phaso nya gulivbe nandru, ni gimbe nya phaso nya guvbiswe, a gira nayo nya guagiswe wusila waye, mbeli ga Pfhumu Nungungulu.

Levhi 15:5

Oyu a kuhago lidawu la muthu a dugelelago wusila a na handza guambala gwaye, aya hamba khu mati, a na nyenyeza kala gupfolani nya lidambo;

Levhi 16:26

Wule a nga vbelegedzago nyamabhongwe ga Azazeli, a na handza guambala, a hamba mili waye khu mati, khavbo a na dzi kodzago gu bela gambe lizumboni.

Levhi 16:28

Wule a nga ya si vbisago, a na handza dzingandzu dzaye, aya hamba mili waye khu mati, khavbo a na belago lizumboni.

Levhi 17:15

Muthu watshavbo, gani givelegwa mwendro muluveli, a gu hodza girengo nya gufe gyabune, mwendro nya gusongwe khu sirengo nya likhabi, a na handza guambala gwaye, aya hamba matini, ambari ulo a na nyenyeza kala gupfolani nya lidambo; hwane nya ugo, a na aga.

Levhi 22:6

Muthu a kuhago satshavbo sesi, a na nyenyeza kala gupfolani nya lidambo, a nga hodzi miningelo nya guage, kala aya hamba mili waye matini.

Zakariya 13:1

Khu litshigu lolo, gu na podwa nambo nyumbani ga Dhavhidhe ni ga vathu va vbanyago Jerusalema, gasi gu handza sighoho ni wuvivbi.

Mitengo 19:10

Uye a wodego nguma nya gimombyana a na handza dzingandzu dzaye, a na bani na lolede kala gupfolani nya lidambo; owu wu na wuri nari nayo nya gupindruge ga va na Israyeli ni ga muluveli a vbanyago vbakari gwawe.

Mitengo 19:19

Oyu a agidego, a na mitegedzela muthu yoyo nya gunyenyeze khu litshigu nya wuraru ni litshigu nya livbandre na mavili, a mu agisa; a na handza dzingandzu dzaye, bwelo khavbo a hamba givili gyaye, gupfolani nya lidambo a na bani na agide.

Mitengo 19:7

Khavbo avbo, muphasi nya mhamba a na handza dzingandzu dzaye, a hamba givili gyaye khu mati, khu hwane a bela lizumboni, a na bani na lolede kala gupfolani nya lidambo.

Mitengo 19:8

Uye a nga vbisago nuye, a na handza dzingandzu dzaye khu mati ni gu hamba givili gyaye, uye nuye a na bani a lolede kala gupfolani nya lidambo.

Mitengo 31:24

Mu na handza guambala gwanu khu litshigu nya livbandre na wuvili, gasi mu kodza gu aga; khu hwane nya isoso mu ngu dzi kodza gu bela lizumboni.”

Johane 13:8

Pedro a di engedza gambe, khuye: “Gima khu na nyi handza migondro!” Jesu a di mu hakha, khuye: “Nyamba gu handza khu lumbi tsawa wangu.”

Mithumo 22:16

U nga gu virela gambe ginani, khuga u bhapatiswe, u handzwe sighoho sago khu gu lombelela khu lina laye.’

Vahebheru 10:22

Hi na hidzimele ga Nungungulu khu monyo nya wadi ni gukhodwa nya gutiye, na hi agisidwe satshavbo si hi vivbisago monyo, sivili sathu na si handzidwe khu mati nya yadi.

Vahebheru 9:10

Miningelo ni dzimhamba dzodzo, a diri guhodza ni gusela ni yimbe mikhuwo nya gu dzi agise, yi nga bani yiri ni giphaso basi gikhati Nungungulu a nga bani a si gu vbindrugedzi silo satshavbo si gu khala siphya.

1 Pedro 3:21

Mati yale a diri giyeyedzo nya gubhapatiswe, mu vbanyiswago khugo enu, muhuno. Gubhapatiswa gogu khandri gwa gu handza givili khu vbavbandze, aholu, gitumbiso gi girwago ga Nungungulu, gi duga khu monyoni wu agidego. Guvbanyiswa gogu gwa guta khu guwuga ga Jesu Kristo.

1 Johane 1:7

Aholu, ha gu vbanya guwonegelani, kha nga olu Uye a guromo muguwonegelani, gu yeyedza gupwani hi ngu hengela gumogo ethu hatshavbo, gambe Novba wa Kristo, Mwamana waye, wu ngu handza sighoho sathu satshavbo.

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.