Levhi 11:2 - Bhibhiliya Nya Guage

² Ganela kharati ga sanana sa Israyeli, khuwe: “Esi khu sirengo mu yelago gu si hodza vbakari nya sirengo satshavbo si vbanyago mafuni:”

Levhi 11:2 Iomraidhean Croise

Ezekiyeli 4:14

Khavbo avbo, eni nyi di, kheni: Oh! Mune, Pfhumu Nungungulu! Eni gima kha nya dzi nyenyezisa. Gukhugela wudzahani gwangu kala olu, gima nyi si gu hodzi gilo nya gukari gi nga manwa na gi fude mwendro gu vbadzuledwa khu sirengo sa khabini. Gima kanani gwangu gu si gu beli nyama nya gukari nya gunyenyeze.

Dhaniyeli 1:8

Dhaniyeli a di funga khu monyoni gwaye gumba dzi nyenyezisa khu gu hodza ni gu sela vhinya yi sedwago khu mufumeli, khu guralo, a di ya lomba ga muthangeli nya sithumi gu mu dzumedzisa gumba hodza, gasi a si dzi nyenyezisi khiso.

Levhi 11:1

Pfhumu Nungungulu a di embela Mosi ni Aroni, khuye:

Levhi 11:11

Khu guralo si woneni kha nga silo si nyenyezidego gwanu; mu nga hodzi nyama yakone, gambe wonani sirumbi sakone kha nga ndzilo nya gunyenyeze.

Levhi 11:13

Vbakari nya sinyoni, esi si loledego gu si hodza, kholu si nyenyezide, khesi: Lighama ni likoti, ni ligwilili;

Levhi 11:21

Aholu vbakari nya sirengwanana si vbuvbago na siri ni migondro mina, mu ngu dzi kodza gu hodza esi si gu ni mawundru nya gu ndrage khayo mafuni.

Levhi 11:29

Ga satshavbo sirengwanana si khwirirago khu lididi mafuni, esi si loledzisidwego avbo gwanu, khesi: Tshukunyane, mendre, kwase khu mafumbu yaye yatshavbo, mavbele;

Levhi 11:3

Mu ngu dzi kodzani gu hodza sirengo satshavbo si gu na ni ngondro nya sitsendro sivili, si havago mwasi, si bhisela, si tsagudza nyaluphye.

Levhi 11:34

Guhodza gwatshavbo gu na nyenyeza gwa gu kuhwa khu mati ma guromo gyomboni momo. Wadwa watshavbo wu kuhwago khu mati yoyo wu na nyenyeza, ambari na wuri gyomboni nya gu wani; wu ngu loledziswa.

Levhi 11:39

Gya gufa girengo nya esi mu dzumedziswago guhodza, oyu a kuhago girumbi gyakone, a na lolela kala gupfolani nya lidambo.

Levhi 11:4

Aholu, mu nga hodzi esi si bhiselago si tsagudza nyaluphye basi, aholu siri mwalo ngondro nya sitsendro sivili mwendro esi si gu na ni ngondro nya sitsendro sivili aholu si si bhiseligo si wuya khavbo si tsagudzela gambe. Iso nya nga esi, si woneni kha nga sirengo si nyenyezidego, nya nga ngameriya yi bhiselago yi wuya yi tsagudzela, aholu yi gu mwalo ngondro nya sitsendro sivili;

Levhi 11:9

Ga sirengo satshavbo si vbanyago matini, mu ngu dzi kodza gu hodza esi: Ni gevbini gi gu na ni dziphesa ni magwaru na gi gu vbanya matini nya yiphwa mwendro nya tsongo, mu ngu dzi kodza gu hodza.

Matewu 15:11

Khandri gile gi belago khu kanani gi nyenyezisago muthu, aholu igyo gi dugago khu kanani gwaye khigyo gi mu nyenyezisago.”

Vahebheru 13:9

Mu nga dzi digi mu sengwa khu sihevbudzo nya guhambanehambane, si mi dusago ndzilani nya lisine. Kholu gwadi myonyo yathu yi hakhe tshivba nya wuhigo wa Nungungulu, nasiri khu gu landrisa sihena nya milayo nya guhodze; kholu avo va landrisago milayo yoyo, gimwalo giphaso va gi manago ga iyo.

Vahebheru 9:10

Miningelo ni dzimhamba dzodzo, a diri guhodza ni gusela ni yimbe mikhuwo nya gu dzi agise, yi nga bani yiri ni giphaso basi gikhati Nungungulu a nga bani a si gu vbindrugedzi silo satshavbo si gu khala siphya.