Levhi 10:6 - Bhibhiliya Nya Guage

⁶ Mosi a di embela Aroni ni sanana saye, Eliyazari ni Itamari, khuye: “Mu nga vbalulini ndzudzu mu pferula dzingandzu dzanu mwendro gumba samula, kholu mwa gu gira kharato, mu nafa, mu wusa likhulo la Pfhumu Nungungulu li vbisela tshangano watshavbo. Digani vandriyanu ni ndranga ya Israyeli va lila vale Pfhumu Nungungulu a va mbembisidego khu nilo.

Levhi 10:6 Iomraidhean Croise

2 Samuweli 24:1

Likhulo la Pfhumu Nungungulu li di engedza li wugela va na Israyeli; a di kutsedzela Dhavhidhe gu va wugela a ganela, khuye: “Gimbila u ya saya va na Israyeli ni va na Judha.”

Ezira 7:5

mwamana wa Abhisuwa mwamana wa Fineya, mwamana wa Eliyazari, mwamana wa Aroni, muphasi nya khongolo nya mhamba.

Ekisodha 33:5

Pfhumu Nungungulu a di embede Mosi, khuye: “Embela sanana sa Israyeli, khuwe: Enu mu vathu nya gubange mihungo. Nya gu manega gikhati gi dugwana basi vbakari gwanu, nyi na mi mbembisa, khu kharato, tshulani esi mu dzi mburisedego khiso, gasi eni nyi giti egi nyi na gu girago.”

Ekisodha 6:23

Aroni a di dzegana ni Eliseba, nyamahegyane wa Aminadhabhi, ndruye wa Nahasomi, a velega naye Nadhabhi, Abhiyu, Eleyazari ni Itamari.

Jeremiya 7:29

Vbalulani ndzudzu wa hungoni gwanu mu dzudzuga hwindzo; wombani huwa ni gu lila musigomoni nya gulaphe, kholu Pfhumu Nungungulu hambanide ni gitugulwana gegi gi wusidego likhulo laye, a gi diga.

Levhi 13:45

Muthu a beledwego khu madwali yoyo nya sokono, fanede gu pferula guambala gwaye gu khala sitsangala, a vhilinganyisa ndzudzu, a fenengedza likana, a gulumela, khuye: Nya gunyenyeze! Nya gunyenyeze.”

Mikeya 1:16

Vbalulani ndzudzu hungoni, mu lila sanana sanu mu si golago; vbalulani mihungo yanu yi fanana ni uwo nya lighama, kholu sanana sanu si dzegidwe si yiswa wugumbini.

Mitengo 1:53

Aholu, va na Levhi, va na ghova khu vbavbandze nya Tshatsha nya Gidzumeledzwano va wu randrela, kha nga vawoneleli, gasi likhulo la Nungungulu li si wugeli va na Israyeli.”

Mitengo 14:6

Khu guralo, Josuwa, mwamana wa Nuni gumogo ni Kalebi, mwamana wa Jefoni, a gu vamowo nya vale va nga hongolago guya holelela litigo, va di pferula guambala gwawe,

Mitengo 16:22

Aholu avo va di thega vbavbatshi khu khovbe va ganela, khavo: “Ama Nungungulu, Nungungulu nya maphuvbo ya vathu vatshavbo! Muthu moyo basi a ghohidego, ina U na gorogela tshangano watshavbo, gani?”

Mitengo 18:5

Mu na sayisa Wulangani nya Guage ni vbagiluvelotunu; gasi gu si manegi gambe likhulo nya guwugedwe va na Israyeli.

Mitengo 20:25

Dzega Aroni ni mwanaye Eleyazari, u gwela navo gigomoni gya Hori.

Mitengo 5:18

Khavbo avbo, muphasi nya mhamba a na bikela nyamayi mbeli ga Pfhumu Nungungulu, a mu funungula hungo, a vega mandzani gwaye ningelo nya dzimbewu nya gualakanye, a gu ningelo nya dzimbewu nya gualakanye wufu, muphasi nya mhamba a na phara mandzani gwaye mati nya guvave ma girago givalo.

Dhewuteronome 33:9

wule U nga embelago babe ni mayi waye, khuwe: Gima nyi si gu mi woni; ni vandriyaye kha nga vati, uye a si khathaleligo sanana saye, kholu vegedzide magana yago ni gu landrisa gidzumeledzwano gyago.

Josuwa 22:18

Olu enu mwa gu vbweta gu wugela Pfhumu Nungungulu, gani? Muhuno enu mwa gu wugelani Pfhumu Nungungulu, mindru a na gorogela tshangano watshavbo wa Israyeli.

Josuwa 22:20

Ina kamwe Akani, mwamana wa Zera, kha gira gighoho khu mahungu nya silo nya gunyenyeze, gani? Pfhumu Nungungulu kha gorogela tshangano watshavbo wa na Israyeli, gani? Kholu khandruye ekha a fudego khu kotani nya gighoho gyaye!”

Josuwa 7:1

Va na Israyeli va dzi vangede nandru khu silo nya guphangwe; kholu Akani, mwamana wa Karimi, mwamana wa Zabhidhi, mwamana wa Zera, nya lihundzu la na Judha a di dzega silo nya gulolele. Pfhumu Nungungulu a di gorogela sanana sa Israyeli.

Josuwa 7:11

Israyeli ghohide, a hambanisa gidzumeledzwano gyangu, gile Eni nyi nga mu leletelago, a dzega silo nya gulolele, va si siha, va si pata gumogo ni sibubu sawe.