Levhi 10:3 - Bhibhiliya Nya Guage

³ Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Levhi 10:3 Iomraidhean Croise

Genesi 18:25

Ahihi, u nga alakanyi gu gira silo nya nga isoso; gu songa u mbembisa va nya gululama gumogo ni sighohi, muthu nya gululame ni gighohi u va gira idzosaye! Ni vbadugwana, u nga giri kharato! Ina mulamuli nya litigo latshavbo a na sindrwa khu gu lamula, gani?”

Joba 2:10

Joba a di mu hakha, khuye: “Wa gu ganela kha nga nyamayi nya gipumbu. Ina hi yede gu hakha basi iso nya sadi khiyo ga Nungungulu, nyamba hakha iso nya guvivbe, gani?” Khu satshavbo soso, Joba gima kha dzi nyenyezisa khu gu ganela khu likana laye.

Dzindzimo 119:120

Mili wangu wu ngu ndrendremela mbeli gwago khu gu gu thava, khu kotani nya guthave milayo yago. Ain

Dzindzimo 148:14

Uye a ngu khusedza tshivba ya vathu vaye, gasi a rungudzwe khu sihathwa saye satshavbo, gasi a dhumiswe khu vathu vatshavbo va na Israyeli, a gu vathu a va golago. Aleluya! A na dhumiswe Pfhumu Nungungulu!

Dzindzimo 39:10

Nyi ndreyisele sitsayiso sago; u nga nyi vbedzi tshivba khu pama nya mandza yago.

Dzindzimo 39:9

Eni nya gu degula kha nyi tuli likana, kholu khuwe u giridego isoso.

Dzindzimo 46:10

Rulani, mu dzitini gukhenu: Eni nyi Nungungulu nyi guromo vbatshani nyi ngu khusedzwa vbakari nya mayigo, nyi ngu zundzwa khu litigo.

Dzindzimo 89:7

Khu lisine Nungungulu a ngu thavisega tshanganoni nya sihathwa; a ngu thavisega guvbindra sivangwa satshavbo si mu randredego.

Dzindzimo 93:5

Milayo yago yi tumbegide ngudzu; nyumba yago Pfhumu Nungungulu yi fanede gu aga kala gupindruga!

Ekisodha 14:17

Eni nyi na bangisa myonyo ya Vagipiti, va fela gubela va va landra, nyi na pwala gidhumo khu kotani nya esi nyi na girago ga Faro ni ga mabutho yaye yatshavbo nya nyimbi, ni dzikareta ni vakhileli nya dzikavalu.

Ekisodha 14:4

Khavbo avbo, Eni nyi na bangisa monyo wa Faro ni mabutho yaye yatshavbo nya nyimbi, khavbo va na dzitigo Vagipiti gukhavo Eni kheni Pfhumu Nungungulu. Avo va di gira kharato.

Ekisodha 19:22

Ambari vaphasi nya mhamba navo va hidzimelago ga Pfhumu Nungungulu, va na phele khu gu dzi agisa gasi Pfhumu Nungungulu a si va songi.”

Ekisodha 19:24

Pfhumu Nungungulu a di khuye: “Tshiga. U na lita gambe uwe gumogo ni Aroni. Aholu vaphasi nya mhamba ni vathu va nga tutumeli gu lita ga Pfhumu Nungungulu, gasi nyi si va songi.”

Ekisodha 30:30

U na todza Aroni ni sanana saye, u va wumbela gasi va nyi thumela kha nga vaphasi nya mhamba.

Isaya 39:8

Khavbo avbo, Ezekhiya a di embela Isaya, khuye: “Magana ya Pfhumu Nungungulu u nyi embedego khyadi.” A engedza gambe khuye, eni nyi di gu pimisa gukheni gu na manega gurula ni gukhadzisega matshiguni nya guvbanye gwangu.

Isaya 49:3

a nyi embela, khuye: “Uwe u githumi gyangu, khavbo ga Israyeli nyi yelago gu dhumiswa khavbo.”

Isaya 52:11

Dugani, dugani, khugani umomo! Mu nga kuhi ni gimwegyo gilo nya gunyenyeze. Dzi agiseni, mu duga vbakari gwaye, enu mu rwadego sombo sa Pfhumu Nungungulu.

Ezekiyeli 20:41

Khu hwane nya gu na nyi mi wuyiside khu mayigoni mu nga bani mu phalalegede umo, nyi mi tombanisa nyaluphye, nyi na hakha khu gutsaka miphaso yanu nya guvbiswe, mahoni ga mayigo yatshavbo, mu na nyiti gukhenu eni nyi agide.

Ezekiyeli 28:22

u va embela, khuwe: Mune Pfhumu Nungungulu, a ngu ganela kharati, khuye: Nyi na gu wugela uwe Sidhoni, nyi na dhumiswa vbakari gwago, va na nyiti gukhavo Eni kheni Pfhumu Nungungulu, gikhati nyi na gu gu lamulago nyi wonegisa guaga gwangu.

Ezekiyeli 38:16

U na hongola u ya sasela vathu vangu va na Israyeli, kha nga lipfhi li fenengedzago litigo. Khu matshigu nya guhegise nyi na gu rumela guya dhumela litigo langu, gasi mayigo ma nyiti, gikhati nyi na gu dzi agisago khavbo gwago, uwe Gogi.

Ezekiyeli 40:46

Aholu likhuvi li guromo khu phuvbo ga Wuronga la gu lumba vaphasi nya mhamba va thumelago vbagiluvelotunu; a gu avo sanana sa Sadhoki, vbakari nya sanana sa Levhi, va yelago gu hidzimela vbafuvbi ga Pfhumu Nungungulu gasi gu mu thumela.

Ezekiyeli 42:13

Khavbo avbo, mwama a di nyi embela, khuye: “Makhuvi ya Wuronga ni ayo ya Marandzi, ma guromo mbeli nya mihubhe nya Nyumba ya Nungungulu, makhuvi nya guage, umo vaphasi nya mhamba va thumelago Pfhumu Nungungulu nyumbani nya miphaso, va na hodzago ni gu vega umo sombo nya guage ngudzu, a gu miningelo nya dzimbewu niyo nya ditshedzo nya sighoho ni gutsetselela milandru; kholu wulanga wu agidego.

Levhi 21:15

A gumba gira kharato, a na nyenyezisa melego waye vbakari ga valongo vaye. Eni kheni Pfhumu Nungungulu nyi mu hathidego.”

Levhi 21:17

“Ganela ga Aroni, u mu embela, khuwe: Ga situgulwana sago nya melana wu nga gutago khu mbeli, ni moyo nya ava va hasidego a nga hidzimeli a ta ningela guhodza nya miphaso ga Nungungulu waye.

Levhi 21:21

Ni moyo vbakari nya situgulwana sa muphasi nya mhamba Aroni, a gu bani na haside, a nga hidzimeli a ta ningela phaso nya guvbiswe ga Pfhumu Nungungulu. Oyu a sa vbelelago gululama mili waye, a nga hidzimeli a ta ningela guhodza nya miphaso ga Nungungulu waye.

Levhi 21:6

Va na khale vathu va phasedwego Nungungulu wawe, va nga nyenyezisi lina la Nungungulu, kholu khavo va ningelago miphaso nya guvbiswe ni eyi nya sibaba ga Pfhumu Nungungulu. Khu guralo, gu vbwetega vari vathu va agidego.

Levhi 21:8

Mu wone kha nga muthu a agidego kholu khuye a bikelago guhodza nya miphaso ga Nungungulu wago. Muthu a agidego mahoni gwanu, kholu Eni Pfhumu Nungungulu nyi mi agisago, nyi agide.

Levhi 22:9

Va na landrise milayo yangu, gasi va si mani nandru khu silo sesi va dzi vangela lufu khu gu dzi nyenyezisa. Eni kheni Pfhumu Nungungulu, nyi va agisago.

Levhi 8:35

“Khu guralo, mu na khalani livbandre na mavili matshigu nyangwani nya Tshatsha nya Tshangano, wutshigu ni mihani, mu landrisa kharato sileletelo sa Pfhumu Nungungulu, gasi mu sifi; kholu khidzo nyi nga leletedwago khidzo.”

Mitengo 16:5

A di ganela ga Kore gumogo ni tsawa waye, khuye: “Mindru, gu ngari dzimindru, Pfhumu Nungungulu a na va yeyedza avo va gu vaye, ni gu khu mani a agidego a na gu mu hidzimisa avbo gwaye; khu guralo, wule a na gu mu hathago a na mu vbohisa avbo gwaye.

Mitengo 20:12

Pfhumu Nungungulu a di embela Mosi ni Aroni, khuye: “Kholu mu ngamba khodwa gwangu, gasi mu nyi agisa mbeli ga va na Israyeli, kha mu na bedza tshangano yoyu ga litigo nyi na gu va ninga.”

Matewu 10:37

“Uye a golago babe mwendro mayi guvbindra idzo a nyi golago khidzo, kha nyi faneli. Ni uye a golago mwanaye nya gikhwathana mwendro nya gyagadzyana guvbindra idzo a nyi golago khidzo, kha nyi faneli.

Johane 12:28

Baba, dhumisa lina lago!” Khavbo avbo, li dita lito khu Ndzadzini, khilo: “Gale na nyi li dhumiside, gambe nyi nga na gu li dhumisa.”

Johane 14:13

Ni gevbini mu na lombago khu lina langu, nyi na mi girelani, gasi Babe afela gu dhumiswa khu Mwanaye.

Dhewuteronome 32:51

kholu enu mwa vavili mu nyi ghohede vbakari ga sanana sa na Israyeli, vbafuvbi ni mati ya Meribha ni ya Kadesi, giwulani ga Zimi, kholu kha mwa nyi agisani vbakari ga sanana sa na Israyeli.

2 Vatesalonika 1:10

A na bani ari litshigu Pfhumu atago guta dhumiswa khu vatshavbo vale a va hathidego, a na wonwa khu vatshavbo va dzumedego gukhodwa. Enu mu hakhide gwadi mahungu yathu.

1 Pedro 4:17

Kholu gikhati nya gulamudwe gi vbohile. Avo va lumbago Nungungulu va na hegula khavo va lamudwa. Olu hi na phelago khethu hi lamudwa, ginani gi na gu dugelelago ga vale va ngamba hakha Mahungu nya Yadi ya Nungungulu?

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.

1 Samuweli 3:18

Khavbo avbo, Samuweli a di mu embeledzela satshavbo nyamba siha ni gimwegyo. Eli a di khuye: “Pfhumu Nungungulu a na gire iso a si wonago na siri sadi.”

1 Samuweli 6:20

Khavbo avbo, vathu va Bheti-Semesi, va di ganela, khavo: Khu mani a yelago gu ema mbeli ga Pfhumu Nungungulu, Nungungulu yoyu nya gukatege? Ngasa yaye hi na yi rumela hayi gasi yi kodza gu manega hwindzo nethu?