Levhi 10:13 - Bhibhiliya Nya Guage

¹³ Mu na yi hodzela avbo nya wulanga wu agidego, kholu khigyo gipandre gi gu lumbago ni sanana sago avbo nya miningelo yi vbisedwego Pfhumu Nungungulu, kholu khidzo nyi nga leletedwago khidzo.

Levhi 10:13 Iomraidhean Croise

Ezekiyeli 42:13

Khavbo avbo, mwama a di nyi embela, khuye: “Makhuvi ya Wuronga ni ayo ya Marandzi, ma guromo mbeli nya mihubhe nya Nyumba ya Nungungulu, makhuvi nya guage, umo vaphasi nya mhamba va thumelago Pfhumu Nungungulu nyumbani nya miphaso, va na hodzago ni gu vega umo sombo nya guage ngudzu, a gu miningelo nya dzimbewu niyo nya ditshedzo nya sighoho ni gutsetselela milandru; kholu wulanga wu agidego.

Levhi 10:12

Mosi a di embela Aroni ni sanana si nga mu tshalelago, Eliyazari ni Itamari, khuye: “Dzegani guhodza nya miphaso gu tshadego avbo nya miningelo yi vbisedwego Pfhumu Nungungulu, mu hodza nyamba thedwa mela; mu hodza vbafuvbi ni giluvelo kholu gilo gi agidego ngudzu.

Levhi 10:14

Gasi khana yi ningedwego khu gu ndziwitedwa khu nayo nya bikelo, gumogo ni litundru li kasidwego, mu naya hodzani, uwe gumogo ni sanana sago nya vama ni vanyamayi, wulangani wu agidego, kholu mu ningidwe kha nga gipandre gyanu uwe ni sanana sago avbo nya mhamba nya miphaso nya pwanano yi duswago khu sanana sa Israyeli.

Levhi 2:3

Esi si na tshalago vbaningelotunu sa gu lumba Aroni ni sanana saye. Egi gipandre gi agidego ngudzu, nya phaso wu vbisedwago Pfhumu Nungungulu.

Levhi 6:16

Esi si tshalago vbamiphasotunu sa gu lumba gu hodzwa khu Aroni ni sanana saye; va na hodza kha nga gibaba nyambana mela, vari wulangani wu agidego, likupakupani nya Tshatsha nya Tshangano.

Mitengo 18:10

U na si hodzela wulangani nya guage ngudzu; vama vatshavbo va na hodze. Si agide avbo gwago.

Mitengo 5:10

Muthu ni muthu a gu ni sombo nya guagiswe khyaye; aholu esi a na si bikelago ga muphasi nya mhamba sa gu lumba muphasi nya mhamba.”