Levhi 10:1 - Bhibhiliya Nya Guage

¹ Sanana sa Aroni, Nadhabhi ni Abhiyu, moyo ni moyo a di phara gyombo gyaye nya guvbisele umo libani, va vega umo magala nya nilo, va thela libani khu vbatshani, va bikela ga Pfhumu Nungungulu nilo nyambasi uwo, va gira esi Uye a ngamba va leletela.

Levhi 10:1 Iomraidhean Croise

1 Dzipfhumu 18:38

Khavbo avbo, khu githugedza wu di thega nilo wa Pfhumu Nungungulu wu ta vbisa nyama yatshavbo wu tsagamisa phaso, dzikhuni, siwindri, bwelo khavbo wu minya ni mati ya umo nya sele.

Dzindzimo 141:2

Nombelo wangu wu na gwele kha nga libani li vbiswago mbeli gwago, mandza yangu ma na khugege iyo gwago kha nga phaso nya silambo.

Ekisodha 24:1

Nungungulu a di embela Mosi, khuye: “Lita ga Pfhumu Nungungulu wago, uwe, Aroni, Nadhabhi, Abhiyu gumogo ni vale nya livbandre na mavili magumi madhota ya Israyeli; mu ta khidzima khu hwindzo.

Ekisodha 24:9

Mosi, Aroni, Nadhabhi, Abhiyu gumogo ni livbandre na mavili magumi madhota ya Israyeli va di lita gigomoni,

Ekisodha 27:3

U na gira gambe sombo nya gu si thumise gu wola khiso nguma vbagiluvelotunu, mafosola, mikho nya guwole khiyo nilo ni dzimbiya ni sikalango nya guthele magala. Sombo sesi satshavbo u na si gira khu sugu.

Ekisodha 28:1

Vbakari nya sanana sa Israyeli, rana ndriyago Aroni ni sanana saye va hidzimela avbo gwago, u na va hatha va khala vaphasi nya mhamba mbeli gwangu. Aroni ni sanana saye a gu esi: Nadhabhi, Abhiyu, Eleyazari ni Itamari.

Ekisodha 31:11

mafura nya gutodze ni libani nya gunungele nya gu vegwe Makhuvini nya Guage. Va na gira satshavbo sileletelo nyi gu ningidego.”

Ekisodha 37:29

A di gira gambe mafura nya guagiswe nya gutodze, ni libani nya gunungele khu edzi va girago khidzo vapfangi nya sinungedziso.

Ekisodha 38:3

A di gira sombo satshavbo sa vbagiluvelotunu a gu esi: Siwolelo nya nguma, mafosola, dzimbiya, mikho nya gukhuthe khiyo nilo ni sikalango nya guthele umo magala; satshavbo sombo sesi si di girwa khu sugu.

Ekisodha 40:27

Khavbo avbo, a di vbisa libani nya gunungele kha nga idzo a nga leletedwago khidzo Mosi khu Pfhumu Nungungulu.

Ekisodha 6:23

Aroni a di dzegana ni Eliseba, nyamahegyane wa Aminadhabhi, ndruye wa Nahasomi, a velega naye Nadhabhi, Abhiyu, Eleyazari ni Itamari.

Ekisodha 8:27

Hi dige hi gira liendro nya matshigu mararu, hi hongola giwulani hi ya phasela Pfhumu Nungungulu wathu dzimhamba gukhedza khu edzi, Uye a na gu hi lombago khidzo.”

Jeremiya 19:5

Va giride siluvelo nya guphasele dzimhamba nya guvbiswe va vbisela nungungulu Bhahali, gasi va vbisela avbo sanana sawe; iso nyi ngamba va ruma gu gira ambari gu si alakanya monyoni gwangu.

Jeremiya 32:35

Va di emisa siluvelo nya guphasele Bhahali, kovani wa mwamana wa Hinomi, gasi gu ya vbisa iyoyo sanana sawe nya sikhwathana ni iso nya sagadzyana, va vbisela Moloki, iso Eni nyi ngamba va ruma ambari gu vbindra khu hungoni gwangu, va gira manyala nya nga ayoyo, gasi gu thela va na Judha mugighohoni.

Jeremiya 44:15

Khavbo avbo, vama vatshavbo va nga bani va dziti nya gukhavo vagadzi vawe va ngu vbisela libani vambe vanungungulu, ni vanyamayi vatshavbo va nga bani varomo vbale, ni gidzemo gyatshavbo nya vathu va nga bani va vbanya tigoni ga Egipito, gipandre gya Patrosi, va di phindrula Jeremiya, khavo:

Jeremiya 44:8

Khu ginani mu wusago likhulo langu khiso mu girago, nya guvbisele libani vambe vanungungulu tigoni ga Egipito, umo mu dzudego guta vbanya umo? Khu ginani mu dzi vangedego lufu, avbo mayigo yatshavbo ma mi wonago kha nga gilo nya gihegiso ni givalo mbeli gwawe.

Jeremiya 7:31

Va vbahide malanga nya gulaphe nya gukhozele umo tigoni ga Tofeti, kovani ga mwamana wa Hinomi, gasi guya vbisela umo sanana sawe nya sikhwathana nesi nya sagadzyana khu nilo; silo nyi ngamba va ruma ambari gu si alakanya monyoni gwangu.

Levhi 16:1

Hwane nya gufe ga sanana sivili sa Aroni, Pfhumu Nungungulu a di ganela ga Mosi, gikhati va nga hidzimela vbafuvbi ga Pfhumu Nungungulu.

Levhi 16:12

A na dzega givbiselo nya libani a gi tadza khu magala a nga dusago khu vbagiluvelotunu gi guromo mbeli ga Pfhumu Nungungulu, a baga sandza sivili nya libani li hindzidwego, a dzega satshavbo a bela naso makhuvini.

Levhi 22:9

Va na landrise milayo yangu, gasi va si mani nandru khu silo sesi va dzi vangela lufu khu gu dzi nyenyezisa. Eni kheni Pfhumu Nungungulu, nyi va agisago.

Levhi 9:24

Gu di duga nilo khu mbeli ga Pfhumu Nungungulu wu ngata tsagamisa nyama nya phaso nya guvbiswe ni mafura vbatshani nya giluvelo. Avbo va nga wona, vathu vatshavbo va di kulungela khu gunengela va noga va kuha vbavbatshi khu khovbe.

Mitengo 16:46

Mosi a di embela Aroni, khuye: Dzega givbiselo gyago nya libani u thela umo magala ya vbagiluvelotunu, u thela libani. Indra khu gu vbiredza vbakari nya tshangano u ya gira phaso nya ditshedzo, kholu Pfhumu Nungungulu gorogide ngudzu; wu ngu phela tungu.”

Mitengo 26:61

Nadhabhi ni Abhiyu va difa gikhati va nga ningelago nilo nya gunyenyeze ga Pfhumu Nungungulu.

Mitengo 4:18

“Thelani kota khu nyangwa nya lihundzu la Khowati, va si duswi vbakari ga va na Levhi.

Dhewuteronome 12:32

Satshavbo esi nyi gu leletelago u na si sayisa; u nga engedzeli gilo mwendro gu vbungula.

Dhewuteronome 17:3

khu gu hongola aya thumela vambe vanungungulu, ni gu va khozela, ni gu khozela lidambo mwendro ngima, ambari libutho latshavbo la ndzadzini, iso eni nyi ngamba mi leletela;

Dhewuteronome 4:2

Mu nga engedzeli gilo ga magana nyi mi rumago, gambe mu nga vbunguli gilo, gasi mu vegedze sirumo sa Pfhumu Nungungulu wanu, kha nga edzi nyi mi ningago khidzo.

Vahebheru 9:4

Khumo gu nga bani guromo giluvelo nya ndralama, va nga bani va gu vbisela avbo libani. Gu di khala umo ngasa nya gidzumeledzwano nya gugirwe khu ndralama. Ndrani nya ngasa gu diromo gikhalyana nya ndralama ni manaha ni ndronga ya Aroni, eyi yi nga thungago senge, ni siwindri sivili gu nga bani gu lovidwe avbo milayo nya gidzumeledzwano.