Levhi 1:9 - Bhibhiliya Nya Guage

⁹ Aholu mahembe ni dzizondzo, si na hegula khu gu handzwa khu mati, khavbovbo, muphasi nya mhamba, a na vbisa satshavbo vbatshani nya giluvelo, khiyo mhamba nya gunungele gwadi yi salalegisago Pfhumu Nungungulu.

Levhi 1:9 Iomraidhean Croise

Genesi 8:21

Pfhumu Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.”

1 Dzikoronika 6:34

Aroni ni sanana saye, va di gira miningelo nya guvbiswe vbagiluvelotunu ni gu vbisa libani, ni thumo watshavbo wa Wulangani nya Guage Ngudzu, na va gu girela gu dusa sighoho sa va na Israyeli, kha nga idzo a rumidego khidzo Mosi githumi gya Nungungulu.

2 Dzikoronika 4:6

A di gira gambe likhumi sinamelo; livbandre nya iso a di si vega khu nyamudye, simbe livbandre khu nyambade, gasi gu handzela umo sombo satshavbo nya miphaso nya guvbiswe. Yiphwa yi di khala wuhambelo nya vaphasi nya mhamba.

Dzindzimo 51:6

Uwe u ngu gola muthu nya lisine monyoni gwaye, u ngu nyi hevbudza guti sihaloni nya hefemulo wangu.

Dzindzimo 66:15

Nyi na hatha sifuyo nya gunone, dzimombe, dzinvuta, dziphongo; nyi ta gu girela mhamba nya miphaso nya guvbiswe, nya mahema nya gunungele.

Ekisodha 12:9

Nyama yi nga hodzwi yimbihu; gambe mu nga yi phuli khu mati, aholu yi na vawudwe yatshavbo niloni gumogo ni hungo, mawundru ni mahembe.

Ekisodha 29:18

U na vbisa nvuta yatshavbo vbatshani nya giluvelo. Eyi i mhamba nya miphaso nya guvbiswe ya Pfhumu Nungungulu, phaselo nya mahema nya gusalalegise gasi gu rungudza Pfhumu Nungungulu.

Ekisodha 29:25

Khu hwane u na si dzega gambe mandzani gwawe u si vbisa vbagiluvelotunu, vbatshani nya phaso nya guvbiswe si gira mahema nya gunungele gwadi mbeli gwa Pfhumu Nungungulu; phaso nya guvbisedwe Pfhumu Nungungulu.

Jeremiya 4:14

Handza monyo wago uwe Jerusalema, diga gu gira guvivba, gasi u kodze gu mana guvbanya! Kala lini nu gu fundrela makungo nya guvivbe monyoni gwago?

Ezekiyeli 20:28

Kholu avbo nyi nga va resago ga litigo nyi va tumbiside gu va ninga, gikhati va nga wona vbale gigomo nya gulaphe, mwendro simbo nya khongolo, va di ya gira avbo miphaso yawe, va di gira miningelo yi nga bani yi wusa likhulo langu, va di gu bikela libani ni miningelo yawe nya mawadwa.

Ezekiyeli 20:41

Khu hwane nya gu na nyi mi wuyiside khu mayigoni mu nga bani mu phalalegede umo, nyi mi tombanisa nyaluphye, nyi na hakha khu gutsaka miphaso yanu nya guvbiswe, mahoni ga mayigo yatshavbo, mu na nyiti gukhenu eni nyi agide.

Ezekiyeli 40:38

Likhuvi ni mwanya waye si diromo vbafuvbi ni lidimba nya mwanya nya mihubhe ya ndrani, avbo miphaso nya guvbiswe yi nga bani yi gu handzwa avbo.

Levhi 1:13

Aholu muphasi nya mhamba a na phela khu gu handza mahembe ni dzizondzo matini, a vbedza a vbisa satshavbo vbagiluvelotunu; khuwo phaso nya guvbiswe, ningelo nya guvbiswe nya gunungele gwadi wu salalegisago Pfhumu Nungungulu.

Levhi 1:17

Khavbo avbo, muphasi nya mhamba a na hapfha ginyoni khu vbakari ni vbakari nya mambapi nyamba gi tshapula, a gi vbisa vbagiluvelotunu vbatshani nya dzikhuni dzi guromo niloni; khuwo phaso nya guvbiswe, ningelo nya gunungele gwadi wu salalegisago Pfhumu Nungungulu.”

Levhi 2:16

Khu guralo, muphasi nya mhamba a na vbisa gipandre nya gialakanyiso nya sivbila nya guhindzwe na si patidwe ni mafura, ni libani latshavbo; owu phaso wu vbisedwago Pfhumu Nungungulu.

Levhi 2:2

A na dzega wuguvbi a ningela ga vaphasi nya mhamba, sanana sa Aroni. Moyo wawe, a na baga gyandza nya wuguvbi wu thedwego mafura ni libani latshavbo; muphasi nya mhamba a na si vbisa vbagiluvelotunu si khala gialakanyiso, kha nga phaso nya gunungele gwadi wu salalegisago Pfhumu Nungungulu.

Levhi 2:9

Muphasi nya mhamba a na vbungula gipandre gi yelago gu gira ningelo nya gialakanyiso a wu vbisa vbagiluvelotunu; ningelo nya guvbiswe, nya mahema nya gunungele gwadi wu salalegisa Pfhumu Nungungulu.

Levhi 3:11

Muphasi nya mhamba a na vbisa satshavbo vbatshani nya giluvelo. Ogu guhodza nya ningelo nya phaso wu vbisedwago Pfhumu Nungungulu.

Levhi 3:5

Vaphasi nya mhamba, sanana sa Aroni, va na vbisa satshavbo vbatshani nya giluvelo, gumogo ni phaso nya guvbiswe wu handzegidwego vbatshani nya dzikhuni dzi guromo niloni; Owu ningelo nya phaso nya guvbiswe nya gunungele gwadi wu salalegisago Pfhumu Nungungulu.

Levhi 4:31

Khavbo avbo, a na dusa mafura yatshavbo, kha nga avbo nya phaso nya patano, a ma vbisa vbatshani nya giluvelo, kha nga mahema nya gunungele gwadi ma salalegisago Pfhumu Nungungulu; khavbo avbo, muphasi nya mhamba a na mu girela phaso nya mhamba nya ditshedzo, giwono gyaye gi na tsetseledwa.

Levhi 6:14

Eyi khu milayo nya miningelo nya phaso nya dzimbewu; sanana sa Aroni si na ya bikela mbeli ga Pfhumu Nungungulu na va emide mbeli nya giluvelo.

Levhi 8:21

Aholu a di handza matini mahembe ni dzizondzo dzakone; a gu vbisa nvuta yatshavbo vbatshani nya giluvelo. Eyi i mhamba nya guvbiswe nya mahema ma salalegisago Pfhumu Nungungulu; kha nga idzo Pfhumu Nungungulu a leletedego khidzo Mosi.

Levhi 8:28

Khavbo avbo, Mosi a di dzega satshavbo mandzani gwawe, a gu si vbisa vbatshani nya giluvelo nya miphaso nya guvbiswe. A gira mhamba nya miphaso nya guwumbele vaphasi, nya mahema nya gusalalalegise wu vbisedwago Pfhumu Nungungulu.

Levhi 9:14

A di handza mahembe ni dzizondzo a si vbisa gumogo ni phaso nya guvbiswe vbatshani nya giluvelo.

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Mitengo 15:3

mwa gu girani ningelo ga Pfhumu Nungungulu, nya phaso nya guvbiswe mwendro phaso nya gudzise gifungo, mwendro nya guye khu gugola, mwendro nya mibuzo mu yi vegidego; na mu gu vbweta gu ningela mahema nya gunungele gwadi ga Pfhumu Nungungulu, khu mombe mwendro nvuta,

Mitengo 28:11

“Khu litshigu nya guhegule nya ngima ni ngima, mu na ningela phaso nya guvbiswe ga Pfhumu Nungungulu, a gu owu: Dzimombe dzimbili, nvuta mweyo, livbandre na dzimbili dzihambana nyamba hasa, nya mwaga moyo,

Mitengo 28:7

Ningelo wakone nya wadwa, wu na bani wuri wa gipandre nya wu na nya deva ga gihambana nya guhegule; vbinyu nya yadi yi fanede gu khala mhamba nya guvbaladzedwe Pfhumu Nungungulu Wulangani nya Guage.

Mitengo 28:8

Gihambana nya wuvili guvbwetega mu gi ningela gupfolani nya lidambo, kha nga ningelo wa vbadzimindrutunu; mu na ningelani ningelo nya guhodze ni wadwa wakone, mu gira phaso nya gunungele gwadi ga Pfhumu Nungungulu.”

2 Vakorinto 2:15

Ethu, ga Nungungulu hi mahema nya yadi ga vale va vbanyiswago ni ga vale va mbembago.

Vaefeso 5:2

Vbanyani khu lihaladzo, kha nga Kristo a nga hi haladzago a dzi ningela khu kotani yathu “a khala mhamba nya phaso nya mahema nya gunungele gwadi ga Nungungulu.”

Dhewuteronome 12:27

U na ningela miphaso yago nya guvbiswe, nyama gumogo ni novba vbagiluvelotunu gya Pfhumu Nungungulu wago, novba nya dzimhamba wu na vbaladzwa vbatshani nya giluvelo gya Pfhumu Nungungulu wago; aholu nyama u na yi hodza.

Vafilipi 4:18

Eni nyi naso satshavbo khu gutala nya iso. Olu nyi hakhidego satshavbo esi mu nga nyi rumela khu mandzani ya Epafrodito, nyi si mane khu gutala guvbindra esi nyi si vbwetago. Ningelo yoyu kha nga mahema nya yadi nya mhamba yi hakhwago khu Nungungulu yi mu salalegisa.