Levhi 1:4 - Bhibhiliya Nya Guage

⁴ Khavbo avbo, a na handzega mandza yaye hungoni nya gifuyo nya miphaso nya guvbiswe, gasi mhamba yi hakhwe gwadi, a kodza gu mana gutsetseledwa sighoho saye.

Levhi 1:4 Iomraidhean Croise

Ekisodha 28:38

Li bani li romo vbagiwombotunu ga Aroni, khu magirelo yaya, Aroni a na rwala hungoni gwaye sighoho si girwago khu sanana sa Israyeli gikhati si dusago miningelo yawe nya miphaso. Li na khala giwomboni ga Aroni gikhati gyatshavbo a naya emago mbeli ga Pfhumu Nungungulu, gasi sanana sa Israyeli si mane wuhindzi mahoni ga Pfhumu Nungungulu.

Ekisodha 29:10

U na vbindrisa gimombyana gita mbeli nya Tshatsha nya Tshangano. Aroni ni sanana saye va na handzega mandza hungoni nya gimombyana.

Ekisodha 29:15

Khu hwane u na dzega nvuta mweyo, Aroni ni sanana saye va na yi handzega mandza hungoni.

Ekisodha 29:19

Khu gulandrela u na dzega eyi yimbe nvuta, Aroni ni sanana saye va na yi handzega mandza hungoni.

Ekisodha 29:33

Kharati, avo va na hodza esi si thumisidwego gu handza sighoho sawe gikhati va wumbedwego ni gu todzwa; valombo kha va yeli gu hodza silo sesi kholu si agide.

Isaya 56:7

avo navo nyi na va dzega nyi va yisa gigomoni gwangu nya gukatege, nyi ya va tsakisa Nyumbani gwangu nya Milombelo. Miphaso yawe nya guvbiswe ni dzimhamba dzawe, si na hakhwa siluveloni gwangu, kholu Nyumba yangu yi na ranwa nyumba nya Milombelo ga mayigo yatshavbo.

Ezekiyeli 45:15

Guvbwetega gambe gu dzega nvuta ga tshambi ni tshambi nya mazana mavili (200) dzinvuta dza wuhaviseloni nya gunyuge wa Israyeli. Satshavbo si gira miningelo nya guhodze ni miphaso nya guvbiswe, ni dzimhamba nya pwanano, gasi gu girwa ditshedzo nya sighoho nya vathu; a ngu ganela Mune Pfhumu Nungungulu.

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Levhi 16:21

Aroni a na handzega mandza yaye ya mavili hungoni nya nyamabhongwe wu vbanyago a dawulela vbatshani nya phongo yeyi guvivba gwatshavbo ga sanana sa Israyeli, gumba khodwa gwawe ni sighoho sawe, a vega kharati satshavbo hungoni nya nyamabhongwe; khu gu hegisa wu na rumedwa giwulani, wu vbelegedzwa khu mwama a emisidwego gu thuma thumo yoyo.

Levhi 16:24

A na hamba khu mati givili gyaye wulangani wu agidego, a gu ambala gambe dzingandzu dzaye; khavbo avbo, a na duga aya gira ningelo waye nya phaso nya guvbiswe, ni owu wa vathu, a dzi girela nayo nya gu dzi agise uye mune ni gu agisa vathu.

Levhi 22:21

Muthu a gu vbweta gu dusa phaso nya pwanano, nya gutadzise gisambanyo a giridego ga Pfhumu Nungungulu, mwendro kha nga ningelo nya gugole gwaye; gani a gu ningela khu girengo nya gikhongolo, gani khya gidugwana, gasi gi kodza gu hakhwa, gu vbwetega na gi vbelede nyamba solega.

Levhi 22:27

“Gwa gu velegwa gimombyana, mwendro ginvutana, mwendro giphongwana gi na khala ni mayi wakone livbandre na mavili matshigu; gukhugela eli nya livbandre na mararu matshigu nya guvelegwe gwaye, wa gu gi ningela ga Pfhumu Nungungulu kha nga phaso nya guvbiswe, gi na hakhwa gwadi.

Levhi 3:13

a na handzega mandza hungoni nya gifuyo nya miphaso, a gi paya mbeli nya Tshatsha nya Tshangano. Khavbo avbo, sanana sa Aroni si na mitegedzela khu novba giluvelo maphuvbo yatshavbo.

Levhi 3:2

A na handzega mandza hungoni nya girengo nya miphaso gi bikedwego, aya gi paya nyangwatunu nya Tshatsha nya Tshangano, khu hwane, vaphasi nya mhamba, sanana sa Aroni, va na mitegedzela novba maphuvbo yatshavbo nya giluvelo.

Levhi 3:8

A na handzega mandza hungoni nya gifuyo nya miphaso, aya gi paya nyangwatunu nya Tshatsha nya Tshangano; khavbo avbo, sanana sa Aroni si na mitegedzela khu novba maphuvbo yatshavbo nya giluvelo.

Levhi 4:15

Madhota nya tshangano wa na Israyeli ma na handzega mandza hungoni nya kuzi, va yi paya avbo vbale mbeli ga Pfhumu Nungungulu.

Levhi 4:20

a na gira kuzi yeyi idzosaye ni idzo a nga girago kuzi nya phaso nya ditshedzo, khu magirelo yoyo va na Israyeli va na ditshedzwa sighoho sawe satshavbo.

Levhi 4:24

A na handzega mandza hungoni nya nyamabhongwe a wu paya wulangani wu giredwego gu payela avbo miphaso nya guvbiswe, mbeli ga Pfhumu Nungungulu. Owu ningelo nya phaso nya ditshedzo.

Levhi 4:26

A na vbisa mafura yatshavbo vbatshani nya giluvelo, kha nga idzo gu girwago mafura nya phaso nya patano, khavbo avbo, muphasi nya mhamba a na gira mhamba nya ditshedzo khu gighoho gyaye, khu guralo, uye a na tsetseledwa.

Levhi 4:29

A na handzega mandza hungoni nya phongo nya mhamba nya guhandze sighoho, a yi payela wulangani va payelago avbo sifuyo nya miphaso nya guvbiswe.

Levhi 4:31

Khavbo avbo, a na dusa mafura yatshavbo, kha nga avbo nya phaso nya patano, a ma vbisa vbatshani nya giluvelo, kha nga mahema nya gunungele gwadi ma salalegisago Pfhumu Nungungulu; khavbo avbo, muphasi nya mhamba a na mu girela phaso nya mhamba nya ditshedzo, giwono gyaye gi na tsetseledwa.

Levhi 4:33

A na handzega mandza hungoni nya gifuyo nya guhandze gighoho, a gi paya wulangani nya miphaso nya guvbiswe.

Levhi 4:35

Khavbo avbo, a na dusa mafura yatshavbo, kha nga avbo nya phaso nya patano, a ma vbisa vbatshani nya giluvelo, kha nga ningelo nya phaso wu vbisedwago Pfhumu Nungungulu. Khu kharati, muphasi nya mhamba a na girela muthu yoyo mhamba nya ditshedzo, uye a na tsetseledwa sighoho a giridego.

Levhi 4:4

A na dzega gimombyana aya gi bikela nyangwatunu nya Tshatsha nya Tshangano, mbeli ga Pfhumu Nungungulu, a na gi handzega mandza hungoni; a hegisa a gi paya mbeli ga Pfhumu Nungungulu.

Levhi 5:6

Khavbo avbo, a na ningela ga Pfhumu Nungungulu mhamba khu gighoho a giridego, nvuta nya ngadzi mwendro phongo nya ngadzi, gasi gu tsetseledwa sighoho saye; khu guralo, muphasi nya mhamba, a na mu girela mhamba nya guhandze giwono gyaye.

Levhi 6:7

Muphasi nya mhamba a na mu girela phaso nya ditshedzo mbeli ga Pfhumu Nungungulu, khavbo avbo, a na tsetseledwa milandru yatshavbo a ghohidego.”

Levhi 8:14

Khu gulandrela a di ruma gu hidzimisa kuzi nya phaso nya ditshedzo, Aroni ni sanana saye, va di handzega mandza hungoni nya kuzi.

Levhi 8:18

A di ruma va hidzimisa nvuta nya miphaso nya guvbiswe, Aroni ni sanana saye va di yi handzega mandza hungoni.

Levhi 8:22

Khu gulandrela a di ruma gukhuye va hidzimisa nvuta nya wuvili, a gu nvuta nya phaso nya guwumbele vaphasi nya mhamba. Aroni ni sanana saye va di yi handzega mandza hungoni.

Levhi 9:7

A di embela gambe Aroni, khuye: “Hidzimela vbagiluvelotunu, bikela ningelo wago nya phaso nya ditshedzo ni phaso nya guvbiswe, u gira gambe nayo nya gu dzi agise uwe mune ni gu agisa vathu vago; khu hwane, bikela ningelo nya phaso nya gulivbe nandru wawe gasi gu va handza siwono sawe; kha nga edzi Pfhumu Nungungulu a leletedego khidzo.”

Mitengo 15:25

Muphasi nya mhamba a na gira phaselo nya guditshedzwe sighoho ga tshangano watshavbo wa na Israyeli, avo va na tsetseledwa, kholu va giride sighoho khu wuhangi; ni gu avo va reside ningelo wawe, a gu phaselo nya guvbisele Pfhumu Nungungulu ni phaso wawe nya gulivbe sighoho mbeli ga Pfhumu Nungungulu, va si giridego khu guphazama.

Mitengo 15:28

Muphasi nya mhamba a na girela muthu yoyo a ghohedego Pfhumu Nungungulu khu wuhangi, phaso nya gulivbe sighoho, uye a na tsetseledwa.

Mitengo 25:13

Gi na khala avbo gwaye; ni ga situgulwana saye, gidzumeledzwano nya wuphasi nya mhamba kala gupindruga, kholu simamide gu yeyedza githawo ga Nungungulu waye, a girela gutsetseledwa nya sighoho sa na Israyeli.”

Mitengo 8:10

Avbo u na bani u hidzimiside va na Levhi mbeli ga Pfhumu Nungungulu, va na Israyeli va na handzega mandza vbatshani gwawe.

Mitengo 8:12

Va na Levhi va na handzega mandza yawe vbatshani nya simombyana. Uwe u na paya gimwegyo gasi gu gira phaso nya gutsetseledwe sighoho; gasi egi gimbe gi na girwa phaso nya guvbiswe ga Pfhumu Nungungulu, gasi va na Levhi va ditshedzwa sighoho.

Varoma 12:1

Nyi ngu mi lomba vandriyangu khu wuhindzi wa Nungungulu, gukheni mu dzi ningele wurumba wanu mu khale mhamba nya guvbanye, nya gukatege, nya gunengedzise Nungungulu. Eyi khiyo mhamba nya lisine nya maningano yi tsakisago Nungungulu.

Varoma 3:25

Nungungulu giride gukhuye khu gufa gwa Kristo, vathu vatshavbo va khodwago gwaye va mane gu tsetseledwa sighoho sawe. A gu yeyedza kharati wuwadi waye, kha nga matshigu ya gale a nga hunisela, a si tsayisi vathu khu kotani nya sighoho sawe.

Varoma 5:11

Gambe khandri iso basi. Ethu hi na ni gunengela nya gukhongolo ngudzu mbeli gwa Nungungulu khu kota ya Jesu Kristo, a gu uye hi manago khuye gutshangana ni Nungungulu.

Vafilipi 4:18

Eni nyi naso satshavbo khu gutala nya iso. Olu nyi hakhidego satshavbo esi mu nga nyi rumela khu mandzani ya Epafrodito, nyi si mane khu gutala guvbindra esi nyi si vbwetago. Ningelo yoyu kha nga mahema nya yadi nya mhamba yi hakhwago khu Nungungulu yi mu salalegisa.

Vahebheru 10:4

Kholu novba nya dzikuzi ni dziphongo gima kha wu dzi kodzi gu handza sighoho nya muthu.

1 Johane 2:2

Kholu, Jesu Kristo a dzi ningede a songwa a gu khala mhamba gasi sighoho sathu si gu tsetseledwa, nasiri esi sathu basi, aholu ni sa vathu vatshavbo.