Levhi 1:3 - Bhibhiliya Nya Guage

³ A gu vbweta gu gira ningelo nya phaso nya guvbiswe nari wa mombe, a na dusa matune nyamba hasa, a ta wu bikela nyangwatunu nya Tshatsha nya Tshangano, gasi aya mana gu hakhwa gwadi mbeli ga Pfhumu Nungungulu.

Levhi 1:3 Iomraidhean Croise

Genesi 22:13

Khavbo avbo, Abrahama a di khusa maho, a wona nvuta mweyo na yi khwetede khu dzikeho misimboni. A di yi dzega a gu gira khiyo mhamba nya miphaso nya guvbiswe, a dzegisa khiyo mwanaye.

Genesi 22:2

A di mu embela, khuye: “Dzega mwanago Isaki, gyanana gyago gya gimwegyo basi u gi golago ngudzu, u bela ndzilani u gu hongola tigoni ga Muriya. Nu vbohide iyoyo, u na mu songa u gira khuye mhamba nya phaso nya guvbiswe, gigomoni nyi na gu nonedzago.”

Genesi 22:8

Abrahama a di hakha, khuye: “Nungungulu a na hi ninga nvuta nya miphaso nya guvbiswe, mwanangu.” Khu guralo, va di gimbila gumogo vatshavbo.

Genesi 8:20

Nowa a di gira giluvelo a gi phasela ga Pfhumu Nungungulu. A di dzega gimwegyo ga lifumbu ni lifumbu nya sinyoni ni sirengo sile nyamba loledziswa gu hodzwa, a gu luva Pfhumu Nungungulu khu phaselo nya mhamba nya guvbiswe vbagiluvelotunu.

2 Dzikoronika 29:32

Tengo nya dzimhamba nya guvbiswe dzi residwego khu tshangano, a diri livbandre na mavili magumi (70) dzimombe, lizana (100) dzihamba ni mazana mavili (200) dzinvuta; dzatshavbo dzedzi, a diri miningelo nya mhamba nya guvbiswe yi nga giredwa Pfhumu Nungungulu.

2 Dzikoronika 35:12

Miningelo nya guvbiswe va di yi vega phuvbo, gasi va yi ningela khu mitsawa nya dzinyumba, mayelano ni magimbilelo nya dzinyumba dzawe nya mavelego, gasi va ningela ga Pfhumu Nungungulu, kha nga idzo gu lovidwego khidzo Libhukuni la Mosi; va gira gambe kharato ni dzimombe.

Dzindzimo 110:3

Vathu vago va nata dzi ningela gwago, litshigu u na somago matshari yago nya gudwane; madzaha ma nata gwago khu sigomoni kha nga hunguva yi thegago gikhati wu khugago Wuronga.

Dzindzimo 40:8

Nyi ngu tsaka khu gu gira guhaladza gwago, Nungungulu wangu; ndrani nya monyo wangu womo nayo wago.

Ekisodha 12:5

Guvbwetega nvutana mweyo mwendro giphongwana nyamba hasa, nya matune, gya tshambini, nya mwaga moyo basi.

Ekisodha 24:5

A di rumela madzaha nya sanana sa Israyeli va ningela miphaso nya guvbiswe; va paya dzimombe, va gu ningela dzimhamba nya pwanano ga Pfhumu Nungungulu.

Ekisodha 29:18

U na vbisa nvuta yatshavbo vbatshani nya giluvelo. Eyi i mhamba nya miphaso nya guvbiswe ya Pfhumu Nungungulu, phaselo nya mahema nya gusalalegise gasi gu rungudza Pfhumu Nungungulu.

Ekisodha 29:4

U na rana Aroni gumogo ni sanana saye va hidzimela kala Tshatshatunu nya Tshangano, u na va handza khu mati.

Ekisodha 29:42

Owu wu na bani wuri phaso nya guvbiswe, wu yelago gu ningedwa khu enu matshigu yatshavbo ga situgulwana sanu satshavbo. Wu na ningedwa vbamwanyatunu nya Tshatsha nya Tshangano, mbeli gwa Pfhumu Nungungulu, avbo nyi nata mananago nanu, nyi ganela nago.

Ekisodha 32:6

Khu mindru gakone, ni dzimindru, va di ningela dzimhamba nya miphaso nya guvbiswe ni dzimhamba nya gubonge. Vathu va di khala vbavbatshi va hodza, va sela, va khuga va hana, va gu ghiya.

Ekisodha 35:21

Vathu vatshavbo nya myonyo nya yadi ni lihaladzo, na va tshulegide, va di hongola va yisa mihengo yawe ga Pfhumu Nungungulu, gasi yi ta thuma gu vbahisa Tshatsha nya Tshangano, ni mithumo yaye gumogo ni guambala nya guagiswe.

Ekisodha 35:29

Sanana satshavbo sa Israyeli, nya vama ni vanyamayi, va nga bani va gola khu myonyo yawe guhengela ga wevbi ni wevbi thumo owu Pfhumu Nungungulu, khu lito la Mosi, a nga khuye wu na thumwe, a di dzega miningelo yaye na tshulegide aya bikela ga Pfhumu Nungungulu.

Ekisodha 35:5

Mu na dzegani esi mu gu naso mu gira hwengo wa Pfhumu Nungungulu; muthu ni muthu a gu na ni monyo nya wuhindzi, khu gudzina gwaye, a nata bikela ga Pfhumu Nungungulu; ndralama, parata ni sugu;

Ekisodha 36:3

Ava va di hakha khu ga Mosi, mihengo yatshavbo yi nga reswago khu sanana sa Israyeli, gasi gu gira khiyo thumo wa vbawulangatunu nya guage, gambe va na Israyeli dzimindru ni dzimindrudzile gugyago va di simama gu yisa mihengo ga Mosi.

Ekisodha 38:1

A di gira giluvelo nya miphaso nya guvbiswe khu mapulango nya sena, gi gu na ni livbandre mikono gulapha ni livbandre mikono gugula. Maphuvbo yaye ya mana ma diri ni pimo moyo gugula; aholu gukhugega mikono miraru.

Isaya 1:11

Dza gu nyi phasa ginani dzimhamba dzanu nya dzingi? A ngu wudzisa Pfhumu Nungungulu. Nyi garade khu miphaso yanu nya guvbiswe nya dzinvuta ni mafura nya sifuyo nya gunone. Kha nyi tsakiswi khu novba nya sikuzyana, nya dzinvuta, ni vanyamabhongwe.

Ezekiyeli 20:40

Kholu, gigomoni gwangu nya gukatege, gigomo nya gulaphe gya Israyeli, a ngu ganela Mune Pfhumu Nungungulu, vbale ndranga yatshavbo ya Israyeli yi na nyi khozela, avbo eni nyi naya va hakha. Gambe, nyi naya va gurumedza gu nyi ninga miphaso ni miningelo yawe nya yadi nya mihandro nya guhegule, gumogo ni silo sawe satshavbo nya guage.

Ezekiyeli 40:39

Vbalidimbatunu nya mwanya gu diromo dzimeza dzimbili khu eno ni eno, avbo gu nga bani gu songedwa avbo sirengo nya miphaso nya guvbiswe, miningelo ni mihengo nya lombe guhandzwa sighoho.

Levhi 1:10

A gu bani ningelo nya phaso nya guvbiswe wuri wa girengo nya gidugwana, nvuta mwendro phongo, gu vbwetega matune nyamba hasa.

Levhi 14:10

Khu litshigu nya livbandre na mararu a na dzega dzinvutana dzimbili nyamba hasa ni nvuta nya ngadzi nya mwaga moyo nyamba hasa, ni sipandre siraru nya likhumi avba nya efa nya wuguvbi nya gupfangwe ni mafura, a ta gira ningelo, ni ndrengo nya mafura.

Levhi 16:7

Khu gulandrela a na dzega dziphongo dzimbili, a dzi resa mbeli gwa Pfhumu Nungungulu nyangwatunu nya Tshatsha nya Tshangano.

Levhi 17:4

nyamba phela khu gu yi dzega a hongola nayo nyangwatunu nya Tshatsha nya Tshangano, gasi aya yi bikela ga Pfhumu Nungungulu, mbeli nya Wulanga nya Guage, a na ningwa nandru nya guvbaladze novba; khu gu na vbaladzide novba, a na fuviswa vbakari nya vathu vaye.

Levhi 17:8

U na va embela gambe, khuwe: Muthu watshavbo wa nyumbani ga Israyeli, mwendro valuveli va vbanyago vbakari gwawe a na ningelago phaso nya guvbiswe, ambari wuri wumbe phaso,

Levhi 17:9

nyamba phela khu gu bikela girengo gyakone nyangwatunu nya Tshatsha nya Tshangano, gasi gu ningela ga Pfhumu Nungungulu, muthu yoyo a na fuviswa vbakari nya vathu vaye.”

Levhi 23:12

Litshigo la limwedo Muphasi nya mhamba a na ndziwitelago gitundru, mu na bikela ginvutana nyamba hasa, nya mwaga moyo, mu gira phaso nya guvbiswe ga Pfhumu Nungungulu;

Levhi 23:18

Mu na ningela sibaba, mu pata gumogo ni livbandre na sivili sinvutana nya mwaga moyo, nyamba solega mwendro guhasa, ni gimombyana ni dzihamba dzimbili nya phaso nya guvbiswe, gumogo ni miningelo nya guhodza ni mawadwa yakone; mu gira phaso nya guvbiswe nya gunungele gwadi wu salalegisago Pfhumu Nungungulu.

Levhi 3:1

Muthu a gu bikela ningelo wuri wa mhamba nya patano, khu mombe nya kuzi, mwendro nya ngadzi, gu vbwetega nyamba hasa, a yi bikela mbeli ga Pfhumu Nungungulu.

Levhi 4:15

Madhota nya tshangano wa na Israyeli ma na handzega mandza hungoni nya kuzi, va yi paya avbo vbale mbeli ga Pfhumu Nungungulu.

Levhi 4:23

Avbo gi na tugudwago gighoho a giridego, a na resa nyamabhongwe nyamba hasa gasi gu gira khuye phaso.

Levhi 4:3

Oyu a nga ghohago, a gu bani ari muphasi nya mhamba a agisidwego, girede libango vathu vatshavbo, khu kotani nya gughohe gwaye, a na bikela ga Pfhumu Nungungulu ningelo nya gimombyana nyamba hasa, a gira mhamba nya ditshedzo

Levhi 4:32

Aholu, a gu bikela ningelo nya phaso nya ditshedzo, khu nvuta a na dusa ngadzi nyamba hasa.

Levhi 5:15

“Muthu a gu ghoha, ambari nari a di phazama, a divala gu livba gikhaba nya esi si fanelago guagisedwa Pfhumu Nungungulu, muthu yoyo fanede gu bikela, khu kotani nya nandru waye, matune nya nvuta nyamba hasa yi hathidwego tshambini gwaye. Tengo wakone nya nvuta yoyo, wu na pimwa khu sekeli nya parata ya wulangani nya guage; a nata gira ningelo nya phaso nya gulivbe nandru.

Levhi 5:18

A na ningela ga muphasi nya mhamba matune nya nvuta nyamba hasa, yi hathidwego tshambini gwaye nya tengo wu na pimwago khu muphasi a ta gira phaso nya gulivbe nandru. Muphasi nya mhamba a na mu girela phaso nya guditshedzwe gihoso a gi giridego khu guphazama, khu guralo a na tsetseledwa nandru yoyo.

Levhi 6:2

“Muthu a gu ghoha, a gira sihoso sile nya sikhongolo si hambanago ni milayo ya Pfhumu Nungungulu; a gu bomba gu bweledza ga muthu kwawe gilo a nga phariswago, mwendro gu mu hodzela silo a nga mu lombago, mwendro gu mu bela khu mambe magirelo, gu kalavela muthu kwawe;

Levhi 6:8

Pfhumu Nungungulu a di embela gambe Mosi, khuye:

Levhi 7:16

A gu bani ari phaso owu muthu a wu bikelago khu kotani nya gisambanyo a giridego, mwendro khu gudzina gwaye basi, wu na hodzwa litshigu lolo wu ningedwago, aholu esi si tshalago si na hodzwa khu mindru gakone.

Levhi 8:18

A di ruma va hidzimisa nvuta nya miphaso nya guvbiswe, Aroni ni sanana saye va di yi handzega mandza hungoni.

Levhi 8:21

Aholu a di handza matini mahembe ni dzizondzo dzakone; a gu vbisa nvuta yatshavbo vbatshani nya giluvelo. Eyi i mhamba nya guvbiswe nya mahema ma salalegisago Pfhumu Nungungulu; kha nga idzo Pfhumu Nungungulu a leletedego khidzo Mosi.

Levhi 9:2

a embela Aroni, khuye: “Dzega gikuzyana u ta ninga ningelo nya phaso nya ditshedzo, ni nvuta nya guta gire ningelo nya phaso nya guvbiswe, sirengo sa sivili, gu vbwetega nyamba hasa, gasi uta si bikela ga Pfhumu Nungungulu.

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Malakiya 1:14

Kholu libango ga muthu nya mukanganyisi a pimisago gu nyi luva khu girengo nya gyadi gya tshambini gwaye, aholu a tumbisa guluva Pfhumu Nungungulu khu girengo nya guhase; kholu eni kheni Pfhumu nya Yikhongolo, a ngu ganela Pfhumu Nungungulu nya Tshivba Yatshavbo, lina langu li ngu ningwa githawo vbakari nya mayigo.

Mitengo 15:3

mwa gu girani ningelo ga Pfhumu Nungungulu, nya phaso nya guvbiswe mwendro phaso nya gudzise gifungo, mwendro nya guye khu gugola, mwendro nya mibuzo mu yi vegidego; na mu gu vbweta gu ningela mahema nya gunungele gwadi ga Pfhumu Nungungulu, khu mombe mwendro nvuta,

Mitengo 15:8

Wa gu ningela gimombyana gasi gu gira phaso nya guvbiswe, mwendro phaso nya gu tadzise gifungo ni phaso nya gurule ga Pfhumu Nungungulu,

Mitengo 19:2

Egi khu gileletelo nya nayo mu ningwago khu Pfhumu Nungungulu, a gu khuye: Ganela ga va na Israyeli va nyi resela gimombyana nya ngadzi nya gufuvile, nyamba hasa, nyambana mavalavala, gi si gu rwaligo kanga.

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?

Mitengo 23:27

Bhalaki a di embela gambe Bhalahama, khuye: “Hongole nyi gu yise ga wumbe wulanga; mwendro Pfhumu Nungungulu a na ya dzumela gukhuye u va vale khu vbale.”

Mitengo 23:3

Bhalahama a di embela Bhalaki, khuye: “Khala vbafuvbi ni phaso wago nya guvbiswe; nyi nga gu hongola nyi ya wona gu Pfhumu Nungungulu a nata dzi wonegisa avbo gwangu, khu hwane, nyi nata gu embela Uye iso a na gu nyi yeyedzago.” Khavbo avbo, a di hongola wulangani nya gukhugege.

Mitengo 23:30

Bhalaki a di gira kha nga idzo a nga embedwago khidzo khu Bhalahama, a di ningela mombe ni hamba mweyo khu giluvelo ni giluvelo.

Mitengo 28:11

“Khu litshigu nya guhegule nya ngima ni ngima, mu na ningela phaso nya guvbiswe ga Pfhumu Nungungulu, a gu owu: Dzimombe dzimbili, nvuta mweyo, livbandre na dzimbili dzihambana nyamba hasa, nya mwaga moyo,

Mitengo 28:19

Khu guralo, mu na ningelani dzimombe dzimbili, nvutana mweyo ni livbandre na dzimbili dzihambana nyamba hasa, nya mwaga moyo, gasi gu girwa phaso nya guvbiswe wu vbisedwa Pfhumu Nungungulu.

Mitengo 28:31

Mu na ningela silo sesi gumogo ni ningelo nya phaso nya guvbiswe nya gusimamise kala gupindruga, ni ningelo nya guhodza gumogo ni wadwa wakone, satshavbo gu vbwetega na siri silo nya sadi nyamba solega.

Mitengo 29:13

Avbo nya ningelo nya phaso nya guvbiswe nya mahema nya gusalalegise Pfhumu Nungungulu, mu na ningela likhumi na dzitharu dzimombe, dzihamba dzimbili ni likhumi na dzina dzinvutana nya mwaga moyo; dzatshavbo nyamba hasa.

Mitengo 29:2

Mu na paya mombe, hamba ni livbandre na dzimbili dzinvutana nyamba hasa, gasi gu gira phaso nya guvbiswe nya mahema nya gunungele nya gusalalegise Pfhumu Nungungulu.

Luka 1:35

Ngilozi yi di mu hakha, khiyo: “Liphuvbo nya Guage li na gu tshigela; tshivba ya Uye a guromo vbatshani ngudzu yi na gu fenengedza. Khu kharato, Gyanana nya gukatege gi na velegwago gi na ranwa Mwamana wa Nungungulu.

Johane 1:36

Na khuside maho a khedza Jesu a nga bani a guvbindra, a di khuye: “Kha mu yi woni yile Nvutana ya Nungungulu.”

Johane 10:7

Jesu a di engedza gambe, khuye: “Khu lisine, nyi ngu mi embelani, kheni: Eni nyi mwanya dzi belago khavbo dzinvuta.

Johane 10:9

Eni nyi mwanya; uye a belago khavbo gwangu a na vbanyiswa a na bela ni guduga; gambe a na mana mahawo.

2 Vakorinto 8:12

Kholu muthu a gu nigela khu ligolo, satshavbo esi a na ningelago si na hakhwa khu matsenya, na siri egi muthu a gu mwalo nagyo.

2 Vakorinto 9:7

Muthu ni muthu a na ningele khu gu dzina nya monyo waye. Mu nga dileli esi mu ningedego, mu nga ningeli na mu si dzini. Kholu oyu a ningelago khu lihaladzo, a ngu tsakisa Nungungulu.

Vaefeso 2:18

Khu ga Kristo, ethu hatshavbo hi tshanganisidwe khu Liphuvbo la limwedo, hi gu tuledwa kharati ndzila nya guvbohe ga Babe.

Vaefeso 5:27

Khu magirelo yaya, a dzi dongisede abune libandla nya gungangamele nyambana livala, nyambana dzikonye mwendro gimbe gilo nya nga isoso; libandla nya guage nyambana gusolega.

Dhewuteronome 12:27

U na ningela miphaso yago nya guvbiswe, nyama gumogo ni novba vbagiluvelotunu gya Pfhumu Nungungulu wago, novba nya dzimhamba wu na vbaladzwa vbatshani nya giluvelo gya Pfhumu Nungungulu wago; aholu nyama u na yi hodza.

Dhewuteronome 15:21

Aholu ma gu bani ma haside, gu ndzodola mwendro nari gikhumu, mwendro khu wumbe wulima nya wukhongolo, u nga si phaseli Pfhumu Nungungulu wago.

Dhewuteronome 17:1

U nga tshuki u girela phaso ga Pfhumu Nungungulu wago, khu gikuzyana mwendro nvuta nya libawa ambari guhasa nya gukari; kholu isoso si nyenyezide ngudzu mahoni ga Pfhumu Nungungulu wago.

Vahebheru 7:26

Jesu khuye Muphasi nya Khongolo nya mhamba hi mu vbwetago. Uye agide, uye mwalo gihoso ambari gighoho, uye hambanisidwe ni sighohi, a gu khusedzwa guvbindra vbatshani ndzadzini.

Vahebheru 9:14

A gu bani ari guralo, nga pimisani edzi novba wa Kristo wu gu wukhongolo khidzo! Uye, khu tshivba nya Liphuvbo nya gupindruge, a dzi ningede ga Nungungulu kha nga mhamba yi vbeledego. Novba waye wa gu hi handza khu ndrani, wu dusa mithumo yathu nya gufe. Gasi hi kodza gu thumela Nungungulu a vbanyago.