Levhi 1:17 - Bhibhiliya Nya Guage

¹⁷ Khavbo avbo, muphasi nya mhamba a na hapfha ginyoni khu vbakari ni vbakari nya mambapi nyamba gi tshapula, a gi vbisa vbagiluvelotunu vbatshani nya dzikhuni dzi guromo niloni; khuwo phaso nya guvbiswe, ningelo nya gunungele gwadi wu salalegisago Pfhumu Nungungulu.”

Levhi 1:17 Iomraidhean Croise

Genesi 15:10

Abrama a di ya dzega sirengo soso satshavbo, a si hapfha, a si kabanisa khu vbakari, a gu vega gipandre ni gipandre mbeli ga gikwawe; aholu, sinyoni basi khiso a ngamba si kabanisa khu vbakari.

Genesi 8:21

Pfhumu Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.”

Dzindzimo 16:10

Kholu khu na diga guvbanya gwangu phalani nya vafi; khu na diga gihathwa gyago gifa.

Levhi 1:13

Aholu muphasi nya mhamba a na phela khu gu handza mahembe ni dzizondzo matini, a vbedza a vbisa satshavbo vbagiluvelotunu; khuwo phaso nya guvbiswe, ningelo nya guvbiswe nya gunungele gwadi wu salalegisago Pfhumu Nungungulu.

Levhi 2:2

A na dzega wuguvbi a ningela ga vaphasi nya mhamba, sanana sa Aroni. Moyo wawe, a na baga gyandza nya wuguvbi wu thedwego mafura ni libani latshavbo; muphasi nya mhamba a na si vbisa vbagiluvelotunu si khala gialakanyiso, kha nga phaso nya gunungele gwadi wu salalegisago Pfhumu Nungungulu.

Levhi 3:5

Vaphasi nya mhamba, sanana sa Aroni, va na vbisa satshavbo vbatshani nya giluvelo, gumogo ni phaso nya guvbiswe wu handzegidwego vbatshani nya dzikhuni dzi guromo niloni; Owu ningelo nya phaso nya guvbiswe nya gunungele gwadi wu salalegisago Pfhumu Nungungulu.

Levhi 5:8

A na dzega a si yisa ga muphasi nya mhamba. Uye a na phela khu gu ningela phaso nya ditshedzo; a na tshomborosa ngolo nya lituva, aholu nyamba li pila hungo;

Levhi 6:14

Eyi khu milayo nya miningelo nya phaso nya dzimbewu; sanana sa Aroni si na ya bikela mbeli ga Pfhumu Nungungulu na va emide mbeli nya giluvelo.

Levhi 8:21

Aholu a di handza matini mahembe ni dzizondzo dzakone; a gu vbisa nvuta yatshavbo vbatshani nya giluvelo. Eyi i mhamba nya guvbiswe nya mahema ma salalegisago Pfhumu Nungungulu; kha nga idzo Pfhumu Nungungulu a leletedego khidzo Mosi.

Levhi 9:13

Va di mu resela gambe girengo nya phaso nya guvbiswe, gipandre khu gipandre gumogo ni hungo; uye a di vbisa satshavbo vbatshani nya giluvelo.

Mitengo 15:3

mwa gu girani ningelo ga Pfhumu Nungungulu, nya phaso nya guvbiswe mwendro phaso nya gudzise gifungo, mwendro nya guye khu gugola, mwendro nya mibuzo mu yi vegidego; na mu gu vbweta gu ningela mahema nya gunungele gwadi ga Pfhumu Nungungulu, khu mombe mwendro nvuta,

Mitengo 28:8

Gihambana nya wuvili guvbwetega mu gi ningela gupfolani nya lidambo, kha nga ningelo wa vbadzimindrutunu; mu na ningelani ningelo nya guhodze ni wadwa wakone, mu gira phaso nya gunungele gwadi ga Pfhumu Nungungulu.”

Matewu 27:50

Na wombide gimima, a difa.

Johane 19:30

Jesu, na munyide ginageri, a di khuye: “Satshavbo si tadzisegide.” Khavbo avbo, a di nogisa thamo, a gufa.

Varoma 4:25

Uye a di ningedwa a gu songwa khu kotani nya sighoho sathu, aholu wugide gasi gu hi gira vathu nya gululame mbeli gwa Nungungulu.

1 Pedro 3:18

Kristo nuye fude gumogo basi khu kotani nya sighoho, na gufela enu. Muthu nya wadi afela va nya guvivba, gasi gu va yisa ga Nungungulu. Uye fude khu givili, aholu wusidwe khu Liphuvbo nya Guage.