Levhi 1:14 - Bhibhiliya Nya Guage

¹⁴ Muthu a gu dusela Pfhumu Nungungulu ningelo nya guvbiswe, wa gu bani wuri wa sinyoni, a na resa matuva mwendro sifondro nya sipomba.

Levhi 1:14 Iomraidhean Croise

Genesi 15:9

Pfhumu Nungungulu a di mu hakha, khuye: “Nyi resele gimombyana nya nyamayi, phongo nya nyamayi ni nvutana; satshavbo nya myaga miraru nya guvelegwe. U resa gambe lituva ni gipomba.”

Levhi 12:8

Aholu a gu hamuga nvuta, a ngu dzi kodza gu bikela sifondro sivili nya matuva. Gifondro gimwegyo nya phaso nya guvbiswe, ni gimbe nya gughohe. Muphasi nya mhamba, a na mu girela nayo nya phaso nya gulivbe nandru, khavbo avbo a na agiswa.”

Levhi 5:10

Gasi lituva nya wuvili, a na ningela khilo phaso nya guvbiswe, kha nga edzi wu rumago khidzo nayo. Khu magirelo yoyo, muphasi nya mhamba a na girela muthu yoyo mhamba nya guhandze gighoho a giridego, uye a na tsetseledwa.

Levhi 5:11

Aholu, a gu hamuga sifondro sivili nya matuva, a na ningela khu guhandza gighoho gyaye, gipandre nya likhumi nya Efa nya wuguvbi, a gira ningelo nya phaso nya ditshedzo, a nga theli mafura mwendro libani nya gunungele, kholu phaso nya gughohe.

Levhi 5:7

Gighohi gya gu hamuga nvuta mwendro phongo nya guhandzwe khiyo gighoho gi giridego, gi na resa ga Pfhumu Nungungulu, khu mhamba nya gighoho gyaye, matuva mavili mwendro sifondro sivili nya sipomba: Gimwegyo a na gira khigyo phaso nya guditshedzwe gighoho, ni gimbe nya phaso nya guvbiswe.

Matewu 11:29

Rwalani pingwi wangu, mu hevbula kheni nyi gu ni monyo nya gurule nuwo nya gu dzi sodzise, gasi mu mane gutangala nya mihefemulo yanu.

Matewu 21:12

Jesu a di bela Nyumbani ga Nungungulu a tutumisa vatshavbo va nga bani varomo mule va rengisa, navo va nga bani va renga, a gu reda vbavbatshi dzimeza dza va nya dzituruku nidzo nya varengisi nya matuva, a gu va embela, khuye:

Luka 2:24

ni guya gira ningelo nya matuva mavili, khonge ni mbaha mwendro sipombana sivili, kha nga guruma nya Nayo wa Pfhumu.

2 Vakorinto 8:12

Kholu muthu a gu nigela khu ligolo, satshavbo esi a na ningelago si na hakhwa khu matsenya, na siri egi muthu a gu mwalo nagyo.

Vahebheru 7:26

Jesu khuye Muphasi nya Khongolo nya mhamba hi mu vbwetago. Uye agide, uye mwalo gihoso ambari gighoho, uye hambanisidwe ni sighohi, a gu khusedzwa guvbindra vbatshani ndzadzini.