Levhi 1:10 - Bhibhiliya Nya Guage

¹⁰ A gu bani ningelo nya phaso nya guvbiswe wuri wa girengo nya gidugwana, nvuta mwendro phongo, gu vbwetega matune nyamba hasa.

Levhi 1:10 Iomraidhean Croise

Genesi 4:4

Abheli nuye a di gira phaselo, khu matiwula nya gifuyo nya gunone gya tshambini gwaye. Pfhumu Nungungulu a di hakha gwadi Abheli a gu salalegiswa ngudzu khu ningelo waye.

Genesi 8:20

Nowa a di gira giluvelo a gi phasela ga Pfhumu Nungungulu. A di dzega gimwegyo ga lifumbu ni lifumbu nya sinyoni ni sirengo sile nyamba loledziswa gu hodzwa, a gu luva Pfhumu Nungungulu khu phaselo nya mhamba nya guvbiswe vbagiluvelotunu.

Ekisodha 12:5

Guvbwetega nvutana mweyo mwendro giphongwana nyamba hasa, nya matune, gya tshambini, nya mwaga moyo basi.

Ezekiyeli 43:22

Khu litshigu nya wuvili, u na ningela nyamabhongwe nyambana libawa, gasi gu gira phaso nya guhandze sighoho; giluvelo mu na gi agisa kha nga idzo mu nga gi agisago khidzo khu gimombyana.

Levhi 14:10

Khu litshigu nya livbandre na mararu a na dzega dzinvutana dzimbili nyamba hasa ni nvuta nya ngadzi nya mwaga moyo nyamba hasa, ni sipandre siraru nya likhumi avba nya efa nya wuguvbi nya gupfangwe ni mafura, a ta gira ningelo, ni ndrengo nya mafura.

Levhi 16:3

Aroni a na bela wulangani nya guage ngudzu, nari ni esi: Kuzi nya phaso nya ditshedzo ni nvuta nya phaso nya guvbiswe.

Levhi 16:5

A na hakha dziphongo dzimbili nya vamabhongwe a na ningwago khu tshangano nya sanana sa Israyeli gasi gu gira phaso nya ditshedzo ni hamba nya phaso nya guvbiswe.

Levhi 22:19

gasi wu kodza gu hakhwa, gu vbwetega a ningela gifuyo nya matune nyamba hasa, a gi hathidego vbakari nya dzimombe, nya dzinvuta mwendro nya dziphongo.

Levhi 23:12

Litshigo la limwedo Muphasi nya mhamba a na ndziwitelago gitundru, mu na bikela ginvutana nyamba hasa, nya mwaga moyo, mu gira phaso nya guvbiswe ga Pfhumu Nungungulu;

Levhi 3:1

Muthu a gu bikela ningelo wuri wa mhamba nya patano, khu mombe nya kuzi, mwendro nya ngadzi, gu vbwetega nyamba hasa, a yi bikela mbeli ga Pfhumu Nungungulu.

Levhi 4:23

Avbo gi na tugudwago gighoho a giridego, a na resa nyamabhongwe nyamba hasa gasi gu gira khuye phaso.

Levhi 4:3

Oyu a nga ghohago, a gu bani ari muphasi nya mhamba a agisidwego, girede libango vathu vatshavbo, khu kotani nya gughohe gwaye, a na bikela ga Pfhumu Nungungulu ningelo nya gimombyana nyamba hasa, a gira mhamba nya ditshedzo

Levhi 5:15

“Muthu a gu ghoha, ambari nari a di phazama, a divala gu livba gikhaba nya esi si fanelago guagisedwa Pfhumu Nungungulu, muthu yoyo fanede gu bikela, khu kotani nya nandru waye, matune nya nvuta nyamba hasa yi hathidwego tshambini gwaye. Tengo wakone nya nvuta yoyo, wu na pimwa khu sekeli nya parata ya wulangani nya guage; a nata gira ningelo nya phaso nya gulivbe nandru.

Levhi 9:2

a embela Aroni, khuye: “Dzega gikuzyana u ta ninga ningelo nya phaso nya ditshedzo, ni nvuta nya guta gire ningelo nya phaso nya guvbiswe, sirengo sa sivili, gu vbwetega nyamba hasa, gasi uta si bikela ga Pfhumu Nungungulu.

Malakiya 1:14

Kholu libango ga muthu nya mukanganyisi a pimisago gu nyi luva khu girengo nya gyadi gya tshambini gwaye, aholu a tumbisa guluva Pfhumu Nungungulu khu girengo nya guhase; kholu eni kheni Pfhumu nya Yikhongolo, a ngu ganela Pfhumu Nungungulu nya Tshivba Yatshavbo, lina langu li ngu ningwa githawo vbakari nya mayigo.

Mitengo 15:5

u na thela gipandre nya wu na nya deva nya vbinyu, khu nvuta u na songago nya phaselo nya guvbiswe mwendro nya guhodzwe.

Mitengo 19:2

Egi khu gileletelo nya nayo mu ningwago khu Pfhumu Nungungulu, a gu khuye: Ganela ga va na Israyeli va nyi resela gimombyana nya ngadzi nya gufuvile, nyamba hasa, nyambana mavalavala, gi si gu rwaligo kanga.

Mitengo 6:14

uye a na ningela ningelo waye ga Pfhumu Nungungulu, a gu gihambana nya mwaga moyo nyambana livala, gasi gu gira phaso nya guvbiswe, ni ginvutana nya mwaga moyo nyambana livala, gasi gu tsetseledwa sighoho, ni hamba gasi gu gira phaselo nya gurule.

Johane 1:29

Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”

1 Pedro 1:19

Aholu, enu mu dzegisidwe khu Novba nya lisima wa Kristo, a gu uye Nvutana nyamba hasa, nyambana mavalavala.