Levhi 1:1 - Bhibhiliya Nya Guage

¹ Pfhumu Nungungulu khu Tshatshani nya Tshangano, a di rana Mosi a gu ganela naye, khuye:

Levhi 1:1 Iomraidhean Croise

2 Dzipfhumu 16:13

A di gira phaselo waye nya guvbiswe, ni ningelo waye nya dzimbewu, ni ningelo nya wadwa, a mitegedzela novba nya miphaso yaye nya gurule vbagiluvelotunu vbale.

2 Dzikoronika 29:32

Tengo nya dzimhamba nya guvbiswe dzi residwego khu tshangano, a diri livbandre na mavili magumi (70) dzimombe, lizana (100) dzihamba ni mazana mavili (200) dzinvuta; dzatshavbo dzedzi, a diri miningelo nya mhamba nya guvbiswe yi nga giredwa Pfhumu Nungungulu.

Ekisodha 19:3

Mosi a di lita kala vbafuvbi ni Nungungulu. Khu mugigomoni Pfhumu Nungungulu a di mu rana, a mu embela, khuye: “U na ganela esi ga nyumba ya Jakobe, u tivisa esi ga sanana sa Israyeli, khuwe:

Ekisodha 24:12

Pfhumu Nungungulu a di embela Mosi, khuye: “Lita u ta eno gwangu tshokatunu nya gigomo; u na khala iyo gasi nyi gu ninga sivatu nya siwindri nyi lovidego avbo milayo ni sirumo u fanedego gu va hevbudza.”

Ekisodha 25:22

Nyi na ta dzi wonegisa gwago khu vbagikhalotunu nya ditshedzo, vbakari nya dzikerubhimi dzi guromo Vbatshani nya ngasa nya gidzumeledzwano, khuwo wulanga wowo nyi na ta gu tivisago khavbo milayo yangu yatshavbo ga sanana sa Israyeli.

Ekisodha 29:42

Owu wu na bani wuri phaso nya guvbiswe, wu yelago gu ningedwa khu enu matshigu yatshavbo ga situgulwana sanu satshavbo. Wu na ningedwa vbamwanyatunu nya Tshatsha nya Tshangano, mbeli gwa Pfhumu Nungungulu, avbo nyi nata mananago nanu, nyi ganela nago.

Ekisodha 3:4

Avbo Pfhumu Nungungulu a nga wona gukhuye Mosi a ngu hidzimela gasi guta wona gwadi, a di mu rana khu vbakari nya gipopo, khuye: “Mosi! Mosi!” Uye a di hakha, khuye: “Nyi womo avba.”

Ekisodha 33:7

Mosi a di gu olovela gu tsitsa tshatsha vbavbandze nya lizumbo. A di wu rana khuye Tshatsha nya Tshangano Vathu vatshavbo va nga bani va gu vbweta gu wudzisa mahungu ga Pfhumu Nungungulu, va diya Tshatshani nya Tshangano vbavbandze nya lizumbo.

Ekisodha 39:32

Khu kharati, va di vbedza thumo watshavbo nya guvbahe Wulanga nya Guage, Tshatsha nya Tshangano; sanana sa Israyeli si thumide satshavbo esi Pfhumu Nungungulu a leletedego Mosi.

Ekisodha 40:29

A di vega giluvelo nya miphaso nya guvbiswe nyangwatunu nya Wulanga nya Guage, nya Tshatsha nya Tshangano, a gu gira miphaselo nya guvbiswe ni wuguvbi vbatshani nya giluvelo, kha nga idzo Pfhumu Nungungulu a nga leletelago khidzo Mosi.

Levhi 7:38

gulandra khedzi Pfhumu Nungungulu a nga rumago khidzo Mosi, gigomoni ga Sinayi, avbo a nga rumago sanana sa Israyeli gukhuye si mu bikele miningelo yawe nya miphaso giwulani ga Sinayi.

Levhi 9:16

A di ningela gambe phaso nya guvbiswe, kha nga edzi gu vegidwego khu nayo.

Mitengo 1:1

Khu litshigu nya guhegule, nya ngima nya wuvili, nya mwaga nya wuvili, nya guduge ga va na Israyeli khu tigoni ga Egipito, na vari giwulani ga Sinayi, Tshatshani nya Tshangano, Pfhumu Nungungulu a di ganela ga Mosi, khuye:

Mitengo 7:15

ni gimombyana gimwegyo, ginvutana gimwegyo ni gihambana gimwegyo nya mwaga moyo, gasi gu gira phaso nya guvbiswe;

Mitengo 7:89

Avbo Mosi a nga bani a gu bela Tshatshani nya Tshangano gasi gu ganela ni Pfhumu Nungungulu, a dipwa Pfhumu Nungungulu na gu ganela naye, lito laye na li gu duga khu vbatshani nya Ngasa nya Gidzumeledzwano, khu vbakari nya dzikerubhimi dzimbili. Uye nuye a di ganela naye.

Johane 1:17

Kholu, Nayo wu vegidwe khu Mosi, gasi wuhigo ni lisine, hi si hakhide khu tshivba ya Jesu Kristo.

Dhewuteronome 27:6

Giluvelo gegi mu na gu vbahelago Pfhumu Nungungulu wanu, mu na gi emisa khu siwindri nyamba vatwa, mu ningela avbo miphaso nya guvbiswe.