Joyele 3:4 - Bhibhiliya Nya Guage

⁴ Gasi mahungu muni mu gu nawo ni eni, enu vathu va Tiro, va na Sidhoni ni maphuvbo yatshavbo ya Finisiya? Khuwo owu tshatshazelo mu nyi ningago, gani? Kholu mwa gu nyi livbisa khu malivbiselo yaya, khu guvbiredza nyi na thesa tshatshazelo yanu mihungoni gwanu.

Joyele 3:4 Iomraidhean Croise

2 Dzikoronika 21:16

Pfhumu Nungungulu a di khendzugisa Vafilisitiya, ni Vaarabhiya va nga bani vari vaakelane ni Vaetiyopiya, va wugela Jeyoramo.

Isaya 14:29

Enu Vafilisitiya mwatshavbo mu nga nengeli, kholu yi fanyeledzedwego ndronga yi nga bani yi mi tshanisa, kholu girumbi nya nyoga gya gu dusa wuhungu, ni umo nya litandra nya nyoga gu duga mwamilambo.

Isaya 34:8

Kholu gu na bani guri litshigu nya guphodze ga Pfhumu Nungungulu, ni mwaga nya gubweledzele valala, khu kotani ya Siyoni.

Isaya 59:18

A na bweledzela tshatshazelo ga moyo ni moyo gukhedza khu mithumo yaye; a na yisa likhulo laye ga valala vaye; ni gu bweledzela ga avo a dwanago navo iso si vbwetago; ni mayigo ya sidwani, a na ma ninga tshatshazelo yawe.

Jeremiya 47:1

Aya khu magana Pfhumu Nungungulu a ma tivisidego ga muprofeti Jeremiya, khu kotani ya Vafilisitiya, Faro nasi gu saseli lidhoropa la Gaza.

Jeremiya 47:4

kholu litshigu nya gumbembiswe Vafilisitiya vatshavbo li vbohide, li segela ni ndzila madhoropa ya Tiro ni Sidhoni, ni mayigo yatshavbo ma tshadego ma mu phasedzelago. Pfhumu Nungungulu a na mbembisa Vafilisitiya va tshadego gidwani gya Kafitori.

Jeremiya 51:6

Thavani khu dhoropani ga Bhabhiloni! Moyo ni moyo, a na vbulugise womi waye! Mu nga songwa khu kotani nya sighoho sawe, Kholu, egi khu gikhati Pfhumu Nungungulu a dzi phodzelago; a va bweledzela gukhedza khu mithumo yawe.

Joyele 2:10

Mbeli gwawe mafu ma gu tsekatseka, ni damboni gu ndrendremela; lidambo ni ngima si pfhupela, ni dzinyeledzi dzi na dusa wenengedzo wawe.

Joyele 2:2

Litshigu nya gidema ni gutshaniseka; litshigu nya mapfhi ni gidema nya guphume. Gufanana ni wuronga wu wenengedzago sigomoni, vathu nya vangi ni tshivba va ngu hidzimela, avo nya gu gukhugela gikhati gya gale gima kha va nga manega, ambari khu hwane gwawe kha va na nga manega ga situgulwana ni situgulwana kala gupindruga.

Matewu 11:21

“Libango lago, Khorazini! Libango lago, Bhetisayidha! Kholu nari pwani Tiro ni Sidhoni va di wonide siliwugiso nya nga iso mu nga si wonago enu, na va dzi vbindrugedzide gale khu gu ambala dzisaku ni gu phorola nguma.

Matewu 11:22

Khu kharato, nyi ngu mi embelani, kheni: Litshigu nya gulamudwe, gu na vbevbugisedwa Tiro ni Sidhoni guvbindra enu.

Luka 10:13

“Libango lago Khorazini! Libango lago, Bhetisayidha! Kholu nari pwani Tiro ni Sidhoni va di wonide siliwugiso nya nga iso mu nga si wonago enu, na va dzi sodziside gale khu kotani nya sighoho sawe, va ambala dzisaku ni gu phorola nguma.

Luka 10:14

Khu kharato, litshigu nya gulamule gu na tsetseledwa Tiro ni Sidhoni guvbindra enu.

Luka 18:7

Ina Nungungulu khuye a na gumba lamula sihathwa saye, si mu ranago wutshigu ni mihani, ambari a gu gira gukhwatshi a gu hwela, gani?

Mithumo 9:4

A di thega vbavbatshi a pwa lito na li gukhilo “Sawule, Sawule, khu ginani u nyi sanisago?”

Dhewuteronome 32:35

Guphodza ni gubweledzela sa gu lumba eni, li na vboha litshigu eli ngondro wawe wu na kwirigago; kholu mahegiso gwawe gu na vboha nyamba hwela, silo va dongisedwago si nguta khu guvbiredza.

2 Vatesalonika 1:6

Khu magirelo ya mamowo, vale va mi sanisago, va na hakha ga Nungungulu tsayiso nya lisine.

Valamuli 11:12

Jefiti a di rumela myango ga mufumeli wa va na Amoni a mu wudzisa, khuye: “Ginani gi guromo ga eni ni uwe, gu kala u ta dhumela litigo lathu?”