Joyele 3:21 - Bhibhiliya Nya Guage

²¹ Nyi na agisa novba wa avo nyi nga bani nyi si gu va agisi, kholu Pfhumu Nungungulu a na khala dhoropani ga Siyoni.

Joyele 3:21 Iomraidhean Croise

Isaya 4:4

Gikhati Pfhumu a na handzago manyala ya vanyamahegyane va Siyoni ni gu handza novba wu guromo vbakari ga Jerusalema, khu Liphuvbo nya gululame ni Liphuvbo nya agise.

Ezekiyeli 36:25

Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.

Ezekiyeli 36:29

Nyi na mi vbulugisa guvivbani gwanu gwatshavbo; nyi na mu resela tirigu, gambe nyi na yi andrisa, kha nyi na mu resela gambe ndzala.

Ezekiyeli 48:35

Pfhuka wa maphuvbo yatshavbo wu diri wa likhumi na livbandre na mararu magumi mazana (18.000); lina nya lidhoropa, gukhugela litshigu lile li na pwani: Pfhumu Nungungulu womo vbale.

Joyele 2:27

Khavbo mu na dzitigo gukhenu, eni nyi womo vbakari gwa va na Israyeli, a gu eni Pfhumu Nungungulu wanu, mwalo mumbe; vathu vangu gima kha va na thega dzitshoni kala gupindruga.

Joyele 3:17

Khavbo avbo, mu na dzitini nya gukhenu: Eni kheni Pfhumu Nungungulu wanu, nyi vbanyago Siyoni, gigomoni gwangu nya gukatege; Lidhoropa la Jerusalema li na bani li kategide, vathu nya mambe mayigo, gima kha va na li khozisa gambe.

Matewu 27:25

Gasi gidzemo gyatshavbo gi di hakha, khigyo: “Nandru yoyo nya lufu laye wu na thegele ethu ni sanana sathu!”

Gutuledwa 21:3

Khavbo avbo, nyi di pwa lito nya tshivba na li guta khu gikhalotunu nya wufumu, khilo: “Wonani Nyumba ya Nungungulu vbakari nya vathu. Nungungulu a na vbanya vbakari nya vathu, avo va na khala vathu vaye, uye vbakari gwawe, a na bani ari Nungungulu wawe.