Joyele 3:1 - Bhibhiliya Nya Guage

¹ Dzitini gukhenu khu matshigu yoyo ni gikhati gyogyo, avbo nyi na wuyisago Judha ni Jerusalema khu wugumbitunu,

Joyele 3:1 Iomraidhean Croise

Dzindzimo 14:7

Nari pwani khu Siyoni, gu nguta guvbanyiswa ga Israyeli! Gikhati Pfhumu Nungungulu a na wuyisago nyaluphye sanana nya vathu vaye si vbagedwego, Jakobe a di hadza gu womba mikulungwane, Israyeli a di hadza gunengela ngudzu.

Dzindzimo 85:1

Pfhumu Nungungulu u kategiside litigo lago; u wusedzide guandra ga Jakobe.

Mavingu 1:23

Vbindrugedzani mu yingisa gu kawuka gwangu, nyi na mi thela liphuvbo langu ndrani gwanu, nyi na mi gira muti magana yangu.

Isaya 44:3

Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Jeremiya 16:15

“Gambe va na ganela, khavo: Pfhumu Nungungulu a ngu vbanya, Uye a nga wuyisa sanana sa Israyeli khu tigoni ga Wuronga ni ga mayigoni gwatshavbo a nga bani a va phalalegisede umo; kholu nyi na va wuyisa ga litigo nyi nga ningago vababe vawe.”

Jeremiya 29:14

Pfhumu Nungungulu a ngu ganela kharati, khuye: Nyi na dzi wonegisa vbakari gwanu nyi wuyisa dzikhumbi dzatshavbo ni vatshavbo va phalalegidego mayigoni ni malangani gwatshavbo nyi mi yisidego, a ngu ganela Pfhumu Nungungulu, nyi bwelo khavbo nyi mi wuyisa ga wulanga nyi mi khusidego khavbo mu ya wugumbitunu.

Jeremiya 30:18

Pfhumu Nungungulu a ngu ganela kharati, khuye: “Nyi na wusedza mitshatsha ya na Jakobe, ni gu pwela wusiwana dzindranga dzawe; lidhoropa li na vbahedzwa vbatshani nya marumbi yaye ni nyumba nya mufumo yi na vbahedzwa gu fanana ni idzo yi nga bani yi romo khidzo khu gale.

Jeremiya 30:3

Kholu Pfhumu Nungungulu a ngu ganela, khuye: “Wona, ma nguta matshigu nyi na gu kategisago vathu vangu va na Israyeli ni va na Judha; nyi na va wuyisa tigoni nyi ningidego vababe vawe, gasi va li fumela.”

Ezekiyeli 16:53

Khu guralo, nyi na wuyisa sibotshwa saye ni sa Sodhoma, gumogo ni sanana saye, ni sibotshwa sa Samariya, gumogo ni sanana saye, nyi wuyisa ni sibotshwa sago vbakari gwawe;

Ezekiyeli 39:25

Khu guralo, Mune Pfhumu Nungungulu, a ngu ganela kharati, khuye: “Olu, nyi na bweledza va na Jakobe khu wugumbitunu; nyi bwelo khavbo nyi pwela gisiro va na Israyeli vatshavbo; nyi na khathalela lina langu nya guage.

Dhaniyeli 12:1

Khu gikhati gyogyo, a na dugelela Migeli Ngilozi yi emelago vathu vago, gu na manega gikhati nya gusaniseke, nya gu gima gi si gu manegi gukhugela guhegulani nya mifumo. Aholu khu gikhati gyogyo, uye a na vbanyisa vathu vago, vatshavbo vale va na gu manegago na va lovidwe libhukuni nya womi.

Joyele 2:29

Ga matshigu yale nyi na guhula gambe Liphuvbo langu ga sithumi nya vama niso nya vanyamayi.

Amosi 9:14

Nyi na wuyisa vathu vangu va na Israyeli khu wugumbitunu, va ta vbahedza marumbi nya madhoropa yawe, va khala umo. Va na yala miuvha, va sela vhinya yaye, va yala misimbo, va hodza mihandro yakone.

Mitengo 11:29

Khu guralo, Mosi a di hakha, khuye: “Gasi uwe wa gupwa wufu khu eni, gani? A diri tshukwana naripwani Pfhumu Nungungulu a ngu thela Liphuvbo ga vathu vatshavbo va profeta!”

Mitengo 12:6

A va embela, khuye: “Olu yingisani magana yangu; vbakari gwanu a gu bani na romo muprofeti, Eni Pfhumu Nungungulu, nyi na dzi wonegisa gwaye khu giwoniso, nyi ganela naye khu ndroro.

Dhewuteronome 30:3

khavbo, Pfhumu Nungungulu wago, a na gu wuyisago khu wugumbitunu, a gu pwela gisiro, a gu tombanisa nyaluphye khu ga mayigo ayo a nga bani a gu phalalegisede umo Pfhumu Nungungulu wago.