Joyele 2:9 - Bhibhiliya Nya Guage

⁹ Va gu vbindra khu madhoropani; va tutumatutuma vbatshani nya mabhiyo, va lita dzinyumbani, va bela khu sihogo nga mbafa.

Joyele 2:9 Iomraidhean Croise

Ekisodha 10:14

Mbasa yi di gwela tigoni gwatshavbo ga Egipito, yi ta mbaka khu talo malangani gwatshavbo ya Egipito. Gima yi di si gu manegi mbasa nya yingi nya kharati, gukhugela guhegulani, gambe gima kha yi na nga manega yimbe nya nga kharato.

Ekisodha 10:6

Dzinyumba dzago ni dzinyumba dza sithumi sago satshavbo ni dzinyumba dza vathu vago vatshavbo va tigoni ga Egipito dzi na tala khu mbasa, eyi nya gu ambari vababe wago ni vakokwe vago gima kha va yi wona, gukhugela guvelegwa kala litshigu la muhuno.” Na vbedzide a di thendregedza a gu khuga mbeli ga Faro.

Jeremiya 9:21

Kholu lufu li litide li bela khu sihogo nya dzinyumba dzathu, li ya bela ni dzinyumbani nya wufumu; li sasede sanana dzindzilani ni madzaha malangani nya mitendrela nya madhoropa.

Joyele 2:8

Kha va liginyani; moyo ni moyo a na thonona guya mbeli; va vbindra khu vbakari nya litshari, nyamba bayiswa.

Johane 10:1

Jesu a di engedza gambe, khuye: “Khu lisine, nyi ngu mi embelani kheni, wule a si beligo khu mwanya, aholu a gu bela khu gihogo phandroni nya dzinvuta, mbafa, gighevenga.