Joyele 2:3 - Bhibhiliya Nya Guage

³ Mbeli gwawe gu thangide nilo nya gumbembise; khu hwane gwawe gu wonega malavbelavbe nya nilo; mbeli gwawe mafu ma gu fanana ni lithembwe la Edheni, aholu khu hwane gwawe gu di fanana ni giwula nya gihala; mwalo a na vbulugago.

Joyele 2:3 Iomraidhean Croise

Genesi 13:10

Loti a di khedzisa lipani latshavbo nya tsongo wa Joridhani. Lithembwe li di theledzedwe gwadi mati, gufanane ni Egipito, li anama kala gu vboha tigoni gwa Zowari. Esi satshavbo si giregide Pfhumu Nungungulu na si gu khungumuli Sodhoma ni Ghomora.

Genesi 2:8

Pfhumu Nungungulu a di yala lithembwe Edheni, khu phuvbo ga Khugadambo a gu vega umo muthu a nga mu wumbago.

Dzindzimo 50:3

Nungungulu wathu a nguta, kha nata degula; mbeli gwaye wu ngu dzura nilo nya guvbise; randredwe khu phuvbo nya gingulu.

Dzindzimo 97:3

Nilo wa gu thanga mbeli gwaye, wu vbisa valala va mu randredego.

Ekisodha 10:15

Mbasa yi di fenengedza mafu yatshavbo ma vbindrugedza ma sivbala hayo phum. Yi di hodza mwasi watshavbo wa tigoni ni mihandro yatshavbo nya misimbo yi nga tshidwago khu maralala. Kha gwa tshala ni lihagane nya gunagane misimboni, mwendro mwasi tigoni gwatshavbo ga Egipito.

Ekisodha 10:5

Mbasa yi na fenengedza mafuni gwatshavbo ni mafu kha ma na nga wonega. Yi na hodza satshavbo esi si nga tshalago ni esi si nga vbuluga maralala; yi na hodza ni misimbo yatshavbo yi thungago marembweni gwanu.

Isaya 14:17

A nga bani a gira litigo li khala giwula, madhoropa ma khala marumbi, a nga bani a si tshuli dzikhumbi dzaye dzi bwelela magaya gwawe, gani?

Isaya 15:6

Kholu mati ya Ninirimi ma vbwide, wuhaviseloni gu bangide, guvbela mwasi, gu mwalo gambe mitongwe.

Isaya 33:4

Khu guralo, silo sanu mu phangidego, si na wungedzedwa kha nga idzo yi wungedzedwago khidzo mbasa; kha nga dzimbera dzi ndragandragago, kharato nugo, vathu va na ndragandraga navo.

Isaya 51:3

Kholu Pfhumu Nungungulu a na tangadzisa Siyoni, ni gupwa gisiro khu malanga yatshavbo ma khadego marumbi; giwula gyaye, a na gi gira gi fanana ni Edheni, marumbi yaye ma fanana ni lithembwe la Pfhumu Nungungulu. Umomo gu na manega litsako ni gughiya, gu na manega gubonga ni dzindzimo nya sizimba.

Isaya 9:18

Kholu guvivba gwa gu vbisa nga nilo, wu vbisago sirangalabwa ni miba, wu vbisa ni magabi nya gukhume, gasi wutshi wu gwela vbatshani nga mapfhi.

Isaya 9:19

Khu kotani nya likhulo la Pfhumu Nungungulu nya Tshivba Yatshavbo, litigo li dagarede, ni vathu va gu gira gukhwatshi dzikhuni dzi vbyago niloni, mwalo a tsetsago ndriyaye.

Jeremiya 5:17

Va nata hodza dzimbewu dzago ni guhodza gwago, va hodza madzaha yago ni dzimbiri dzago; va na hodza dzinvuta ni dzimombe dzago; va na ghohetela gambe marembwe yanu nya mikandzu nayo nya miuvha; va khungumulela khu matshari madhoropa yago nya makhokhola u ma tumbago.

Ezekiyeli 36:35

Va na ganela, khavo: Litigo leli li nga bani li khade marumbi, li khade nga lithembwe la Edheni; madhoropa ma nga bani ma khungumudwe ma vbindrugedza ma khala marumbi, olu ma vbahedzidwe ma bwelo khavbo gu khala vathu.

Amosi 7:4

Pfhumu Nungungulu a di nyi yeyedza esi, khuye: Wona nya gukhuwe Pfhumu Nungungulu a ngu vbweta guta lamula vathu vaye khu nilo, uwo wu na vbisago nondrwa nya guete, wu gu mbembisa gambe linene.

Habhakuka 1:6

Kholu wonani nya gukhenu nyi na mi resela Vakalidhiya, litigo nya guleve ni dzihanyi, li tsemakanyago gulapha gwatshavbo nya litigo, va phanga malanga va si lumbwigo khayo.

Zakariya 7:14

Uye a di va phalalegisa khu phuvbo nya gingulu vbakari nya mayigo yatshavbo va nga bani va si mati; hwane gwawe, litigo li di tshala li phangwa khu gu avo na va dugide, mwalo muthu a na vbindrago, mwendro gu bela ni gu duga gambe khumo. Kholu va dzegide litigo nya ladi nya wurendra va li vbindrugedza li khala giwula.