Joyele 2:29 - Bhibhiliya Nya Guage

²⁹ Ga matshigu yale nyi na guhula gambe Liphuvbo langu ga sithumi nya vama niso nya vanyamayi.

Joyele 2:29 Iomraidhean Croise

Ezekiyeli 36:27

Nyi na thela ndrani gwanu liphuvbo langu, nyi mi gira mu landrisa sileletelo sangu, mu vegedza milayo yangu ni gu yi landrisa.

Ezekiyeli 37:14

Nyi na mi thela Liphuvbo langu, mu na vbanya, nyi na mi tiyisa tigoni gwanu nya mavelego. Khavbo mu na dzitigo gukhenu Eni Pfhumu Nungungulu nyi ganede esi nyi wuya nyi si gira,” a ngu ganela Pfhumu Nungungulu.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

1 Vakorinto 12:13

Ethu hatshavbo: Vajudha ni ava va si gu Vajudha, dzikhumbi ni va nya gutshulega, hi bhapatisidwe khu Liphuvbo la limwedo, gasi hi khala givili gimwegyo basi. Ethu hatshavbo hi hakhide Liphuvbo la limwedo.

Vagalatiya 3:28

Khavbo avbo, olu gumwalo gambe guhambana Vajudha ni va nya mayigo, dzikhumbi ni va nya gutshulega; vama ni vanyamayi. Enu mwatshavbo mu moyo basi khu gu hengela gumogo ni Kristo.

Vakolosi 3:11

Gukhugela olu, gu mwalo gambe guhambana nya va nya mayigo ni Vajudha, va nya gu hana wugwera ni ava nyamba hana wugwera, va dhoropani ni va vbavbandze, khumbi ni muthu nya gutshulege. Kristo khuye satshavbo, gambe womo ga satshavbo.