Joyele 2:27 - Bhibhiliya Nya Guage

²⁷ Khavbo mu na dzitigo gukhenu, eni nyi womo vbakari gwa va na Israyeli, a gu eni Pfhumu Nungungulu wanu, mwalo mumbe; vathu vangu gima kha va na thega dzitshoni kala gupindruga.

Joyele 2:27 Iomraidhean Croise

Dzindzimo 46:5

Nungungulu khade vbakari gwaye; gima kha li na nga tsekatseka, Nungungulu a ngu ta li phasa gukhugela marandragugya.

Dzindzimo 68:18

Uwe u gwede gigomoni nya gulaphe, u dzegide sibotshwa nya singi; u hakhide miningelo ga vathu, ni ava va gu wugelago navo va reside miningelo yawe, Pfhumu Nungungulu a na vbanya vbakari gwawe.

Mavingu 1:23

Vbindrugedzani mu yingisa gu kawuka gwangu, nyi na mi thela liphuvbo langu ndrani gwanu, nyi na mi gira muti magana yangu.

Isaya 12:6

Wombani mikulungwane mu tsaka, enu vavbanyi va Siyoni, kholu vbakari gwanu, khongolo khu Nyaguage wa Israyeli.”

Isaya 44:3

Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Isaya 44:8

Mu nga thavi, gambe mu nga vbeli tshivba; ina gukhugela gale kha nya mi embela mahungu yaya, kha nya mi tivisa, gani? Enu mu dzifakazi dzangu, womo mumbe Nungungulu vbavbandze ga Eni, gani? Gi mwalo gimbe Giwindri nyi gitigo.”

Isaya 45:18

Kholu Pfhumu Nungungulu, oyu a vangidego ndzadzini, Nungungulu a wumbidego litigo ni gu li gira, uye a li tiyiside, kha li gira nari liphanga; aholu a di li girela gukhuye li khala wulanga nya gu vathu va khala umo, a ngu ganela kharati, khuye: Eni kheni Pfhumu Nungungulu, mwalo mumbe.

Isaya 45:5

Eni kheni Pfhumu Nungungulu, vbavbandze gwangu, mwalo mumbe Nungungulu Eni nyi na gu tiyisa, ambari olu u si nyitigo,

Isaya 45:6

gasi gukhugela Khugadambo kala Muhwadambo, vatshavbo va dziti gukhavo mwalo mumbe vbavbandze gwangu. Eni kheni Pfhumu Nungungulu, mwalo mumbe.

Isaya 46:9

Alakanyani silo si vbindridego gukhugela gale ngudzu! Wonani nya gukhenu Eni kheni Nungungulu, mwalo mumbe Nungungulu a fananago ni eni;

Isaya 49:23

Vafumeli va na khala vasayisi vago, ni dzipfhumugadzi dzawe, dzi na khala vamayi vago; va na noga mbeli gwago va tsitsa khu khovbe va dandzela kudzudzwane wa migondroni gwago. Khavbo avbo, u na si pima gukhuwe, eni kheni Pfhumu Nungungulu, avo va nyi tumbago kha va na thedwa dzitshoni.

Isaya 53:6

Ethu hatshavbo hi di gu legalega kha nga dzinvuta nya gudzimele; muthu ni muthu a di gu bela khu yaye ndzila, aholu, Pfhumu Nungungulu a di mu rwega guvivba gwa ethu hatshavbo.

Ezekiyeli 37:6

Nyi na vega misivba gwanu, nyi bugisa nyama gwanu, nyi mi fenengedza khu lidowo, nyi thela gwanu liphuvbo, enu mu na vbanya. Mu na dziti gukhenu eni kheni Pfhumu Nungungulu.”

Ezekiyeli 39:22

Khu litshigu lolo, ni mambe ma nga gutago, va na Israyeli va na dziti gukhavo Eni kheni Pfhumu Nungungulu wawe.

Ezekiyeli 39:28

Va na dziti gukhavo Eni kheni Pfhumu Nungungulu wawe, gikhati va na wonago gukhavo nyi va yiside wugumbitunu, bwelo khavbo nyi va tombanisa nyi va wuyisa tigoni gwawe, nyamba tshiya ni moyo hwane.

Ezekiyeli 39:29

Gima kha nyi na va sihela gambe khovbe yangu, khu guralo, nyi na guhula Liphuvbo langu ga va na Israyeli,” a ngu ganela Mune, Pfhumu Nungungulu.

Joyele 2:26

Mu na hodza mu khura, gambe mu na tsaka mu rungudza lina la Pfhumu Nungungulu wanu, a mi giredego silo nya gusamadzise; ni vathu vangu gima kha va na thega gambe dzitshoni.

Joyele 3:17

Khavbo avbo, mu na dzitini nya gukhenu: Eni kheni Pfhumu Nungungulu wanu, nyi vbanyago Siyoni, gigomoni gwangu nya gukatege; Lidhoropa la Jerusalema li na bani li kategide, vathu nya mambe mayigo, gima kha va na li khozisa gambe.

Joyele 3:21

Nyi na agisa novba wa avo nyi nga bani nyi si gu va agisi, kholu Pfhumu Nungungulu a na khala dhoropani ga Siyoni.

Sofoniya 3:11

Litshigu lolo, uwe khu na ngapwa gambe dzitshoni khu sigiro u nyi giredego, kholu nyi na fuvisa vbakari gwago, vatshavbo va nya matshandza ni gu dzi khusedza, uwe gima khu na dzi gugumugisa gambe mugigomoni gwangu nya Gukatege.

Sofoniya 3:17

Pfhumu Nungungulu wago, womo vbakari gwago, kha nga muvbanyisi nya tshivba; Uye a ngu nengela khu gutsaka khu kotani gwago, khu lihaladzo laye, a na gu wusedza u khala muphya, khu kotani yago, uye a na hana ni guwomba mikulungwane nya litsako.

Zakariya 2:9

Wonani, eni nyi na khusa gyandza gyangu nyi va bayisa va fela gu khoziswa khu dzikhumbi dzawe. Khavbo enu mu na dzitigo gukhenu khu Pfhumu Nungungulu nya Tshivba Yatshavbo a nyi rumedego.

Mitengo 11:29

Khu guralo, Mosi a di hakha, khuye: “Gasi uwe wa gupwa wufu khu eni, gani? A diri tshukwana naripwani Pfhumu Nungungulu a ngu thela Liphuvbo ga vathu vatshavbo va profeta!”

Mitengo 23:21

Kha gu wonegi libango ga Jakobe, gu mwalo guvivba ga vathu va Israyeli. Pfhumu Nungungulu wawe a na ni avo, a ngu kulungedwa vbakari gwawe kha nga Mufumeli wawe.

2 Vakorinto 6:16

Gu mwalo gupwanana Nyumba ya Nungungulu ni vanungungulu nya malipha. Kholu ethu hi Nyumba ya Nungungulu a vbanyago, kha nga a ganelago uye mune Nungungulu, khuye: “Nyi na vbanya, nyi gu gimbila vbakari gwawe; eni nyi na khala Nungungulu wawe, avo va na khala vathu vangu.”

Dhewuteronome 23:14

Kholu, Pfhumu Nungungulu wago, womo vbakari nya lizumbo gasi gu gu vhikela, ni gu ningela valala vago mandzani gwago; khu kharato, lizumbo lago gu vbwetega na li agide, gasi uye a si woni ndzilo avbo gwago, a dzi hambanisa nago.”

1 Pedro 2:6

Kholu, isoso somo ga Milowo nya Guage yi ganelago, khiyo: “Eni nyi hathide giwindri nya lisima ngudzu; nyi gi vega Siyoni kha nga giwindri nya gikoli nya nyumba; aholu, wule a khodwago ga egi giwindri gima kha na khala dzitshoni.”

Gutuledwa 21:3

Khavbo avbo, nyi di pwa lito nya tshivba na li guta khu gikhalotunu nya wufumu, khilo: “Wonani Nyumba ya Nungungulu vbakari nya vathu. Nungungulu a na vbanya vbakari nya vathu, avo va na khala vathu vaye, uye vbakari gwawe, a na bani ari Nungungulu wawe.