Joyele 2:23 - Bhibhiliya Nya Guage

²³ Enu vathu va Siyoni, tsakani mu nengela ga Pfhumu Nungungulu wanu, kholu uye a na mi ninga muhevbudzi nya gululame ni gu wisa ndzadzi khu gikhati ni nango yi vbwetegago, khu ngima nya guhegule.

Joyele 2:23 Iomraidhean Croise

1 Dzipfhumu 8:36

Uwe va yingise khu ndzadzini yoyo, u tsetselela sighoho sa vathu vago va na Israyeli, u va hevbudza gu gimbila khu ndzila nya yadi, u wisa ndzadzi tigoni gwatshavbo u ningidego vathu vago gu khala thomba yawe.

Joba 33:23

Aholu muthu yoyu, ya gu bani yi romo ngilozi yi mu lombelelago ga Nungungulu, na yiri mweyo nya edzi nya likhumi mazana, yi na embela muthu yoyo esi si lulamidego mayelano khuye,

Joba 37:13

Uye a gu resa mapfhi, a gu dzina guta tsayisa vathu, a gu dzina a ta nonisa litigo laye, mwendro gu resa makategwa ga vathu vaye.

Dzindzimo 104:34

Gupimisa gwangu gu na tsakise Uye, eni nyi na nengela ga Pfhumu Nungungulu.

Dzindzimo 147:8

Khuye a fenengedzago ndzadzini khu mapfhi, a wisago ndzadzi mafuni ni gu bugisa mwasi sigomoni;

Dzindzimo 149:2

Israyeli a na nengele ga Muvangi waye, vathu va Siyoni va na tsakele Pfhumu yawe.

Dzindzimo 28:7

Pfhumu Nungungulu tshivba ni gitshangu gyangu, monyo wangu wa gu tumba uye; nyi phasidwe, givili gyangu gi ngu thungedzela, nyi ngu bonga khu monyo wangu watshavbo.

Dzindzimo 32:11

Nengelani ga Pfhumu Nungungulu, kulungelani enu va nya gululama, embelelani dzindzimo nya gutsake, enu mwatshavbo nya myonyo nya yadi.

Dzindzimo 84:6

Va gu tsemakanya mikova yi bangidego, ya gu manega na yiri ni sibuga nya mati; ya gu kategiswa khu ndzadzi nya guphele.

Mavingu 16:15

Gutshulega nya khovbe ya mufumeli gu yeyedza gupwani gomo guvbanya, wa gu tsakedwa khuye, gu fanana ni lipfhi li wisago ndzadzi nya guhegise.

Isaya 30:21

Wa gu dhedhereka u ndreyela nyamudye mwendro nyambade, u napwa mahungu dzindzeveni gwago ma tago khu hwane gwago, khayo: “Eyi khiyo ndzila; gimbilani khiyo.”

Isaya 30:23

Khavbo avbo, Pfhumu a na wisa ndzadzi yi bugisa dzimbewu dzanu edzi mu na yalago mafuni, gumogo ni gu mi ningani guhodza a gu handro nya mafu. Avbo mu na hodzago mu khura mu ena; khu gikhati gyogyo, mitshambi yanu yi na mana mahawo mikovani nya guaname.

Isaya 41:16

U na si vbevbera, si vbuvbiswa khu phuvbo; si phalalegiswa khu gipupwane; aholu uwe u na nengela khu Pfhumu Nungungulu, u zundzega ga oyu a Agidego wa Israyeli.

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Jeremiya 3:3

Khu guralo, ndzadzi kha yiwi, ambari ni iyo nya nango kha yawa; aholu uwe u na ni khovbe nya wubhayi, u si khali dzitshoni.

Jeremiya 5:24

Kha va alakanya khu myonyoni gwawe, khavo: Hongoleni hi ninga githawo Pfhumu Nungungulu wathu, Uye gikhati nya guenele a hi wiselago ndzadzi nya nango nya gu yale ni gu vidzwa dzimbewu, a vegidego dzisemana nya guvbwere dzi gumba vbindra.

Gililo 4:2

Madzaha nya gugolege ya Siyoni, nya wumburi nga ndralama yi hutidwego, olu ma gu fanana ni sombo nya libumba, i thumo wa muwumbi! Guimel

Ezekiyeli 34:26

Eni nyi na dzi kategisa nyi kategisa gambe malanga ma randredego gigomwana gyangu; nyi na wisa ndzadzi khu gikhati gyakone, a na bani nari ndzadzi nya makategwa.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Levhi 26:4

khu guralo mwa gu gira isoso, nyi na mi ninga ndzadzi khu gikhati gi vbwetegago; mafu ma na mi ninga dzimbewu nya gutale, ni misimbo ya thembweni yi na dusa mihandro nya yadi.

Amosi 4:7

Gu diga isoso, nyi mi segede ndzadzi yi siwi, na gu nga tshade migima miraru nya nango nya guvbwere. Nyi yi wisa ga lidhoropa limwedo, aholu ga limbe nyi si yi wisi. Nyi yi wisa ga lithembwe limwedo, aholu ga limbe yi nga ngamba mbawa, ilo li di banga.

Zakariya 10:1

Lombani ndzadzi ga Pfhumu Nungungulu gikhatini nya gilimo, kholu Uye khuye a girago mabara ni gulasa ni gu wisa dzindzadzi nya dzikhongolo, yi nonisa wulime, a ninga ga moyo ni moyo mihandro ya thembweni gwaye.

Zakariya 10:7

Va na Efrayimi va na khala kha nga ndrena, myonyo yawe yi na nengela gukhwatshi va di sela vbinyu. Ina, sanana sawe si na wona satshavbo sesi, si nengela. Myonyo yawe yi na tsakela Pfhumu Nungungulu.

Zakariya 9:13

Kholu Eni nyi na ghwimba Judha kha nga wulaho, nyi khwandra Efrayimi kha nga giholoma; nyi na kutsedzela sanana sago uwe Siyoni, guya wugela sanana sago, uwe Gresiya! Uwe Siyoni u na fanana ni litshari la ndrena nya gukari.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Mithumo 14:17

Kha diga gu dzi yeyedza khu wufakazi nya esi nya sadi a nga girago; a resa khu vbatshani ndzadzi, ndzinango nya dzimbewu, a gu mi khurisa, a tadza myonyo yanu khu gunengela.”

Dhewuteronome 11:14

nyi na wisa ndzadzi tigoni gwanu khu gikhati gi vbwetegago, ndzadzi nya maronga ni ndzadzi nya girame, mu kodze guvbwera tirigu yanu, gasi mu mane vbinyu nya yiphya ni mafura.

Dhewuteronome 28:12

Pfhumu Nungungulu a na gu tulela thomba yaye nya yadi, ndzadzini, a gu ninga ndzadzi tigoni gwago khu gikhati gyakone ni gu kategisa thumo watshavbo nya mandza yago; u na fuyarisa mayigo nya mangi, aholu uwe khu na fuyari gilo.

Dhewuteronome 32:2

Gihevbudzo gyangu gi na dote kha nga ndzadzi, lito langu li naganisa kha nga thondrwane, kha nga humguva vbatshani nya mwasi, kha nga madona nya mati mwasini.

Vafilipi 3:1

Khu guhegisa, vandruye, nya gu gola gu mi embela, kheni: Nengelani ga Pfhumu! Eni kha nyi garali khu gu mi lovela khu mahungu yaya kholu ma ngu mi phasani.

Vafilipi 3:3

Kholu ethu khethu hi hakhidego wugwera nya lisine, ethu hi khozelago khu Liphuvbo la Nungungulu, hi vegago wuzundzo wathu ga Jesu Kristo, ethu hi si vegigo gitumbo gyathu avba nya tumbunugo nya wuthu.

Vafilipi 4:4

Nengelani ga Pfhumu; nyi ngu engedza gu mi embela, nengelani.