Joyele 2:18 - Bhibhiliya Nya Guage

¹⁸ Khu guralo, Pfhumu Nungungulu a na pwela wusiwana litigo laye, a na tsetselela vathu vaye.

Joyele 2:18 Iomraidhean Croise

2 Dzipfhumu 19:31

Kholu khu Jerusalema gu na duga mitshaledwa, gasi khu gigomoni gya Siyoni gu duga avo va vbulugidego; isoso si na girega khu kotani nya gukhathale nya idzo a khathalago khidzo Pfhumu Nungungulu.

Dzindzimo 103:13

Kha nga babe a tsetselelago sanana saye, kharato nugo Pfhumu Nungungulu a ngu tsetselela vale va mu ningago githawo.

Dzindzimo 103:17

Aholu, wuhindzi wa Pfhumu Nungungulu, wu ngu simama kala gupindruga ga vale va mu ningago githawo, gululama gwaye gu ngu wonega kala ga situgulwana sawe;

Isaya 37:32

kholu dhoropani ga Jerusalema gu na duga mitshaledwa, khu gigomoni ga Siyoni, gu duga avo va na vbulugago, si na girega isoso khu lihaladzo la Pfhumu Nungungulu nya Tshivba Yatshavbo.

Isaya 42:13

Pfhumu Nungungulu a na duga kha nga ndrena, kha nga muthu a dugago guya nyimbitunu, a goroga a wusa likhulo laye, a huwata, a gira ligwaha nya likhongolo nya nyimbi, a yeyedza tshivba yaye mbeli ga valala vaye.

Isaya 60:10

Va nya mayigo va na vbahedza makhokhola yago, ni vafumeli vawe va na gu thumela, kholu nyi gu tsayiside khu likhulo langu, aholu khu wuhigo wangu, nyi gu pwede wuhindzi.

Isaya 63:15

Khedza khu vbatshani yoyo ndzadzini, u wona khu nyumbani gwago nya guage ni wudhumo. Gomo hayi gukhathalela gwago ni mithumo yago nya tshivba? Wuwadi wa monyoni gwago ni wuhindzi wago, khu si giri gambe avbo gwathu!

Isaya 63:9

Gutshanisekani gwawe gwatshavbo, uye a di tshaniseka gumogo navo, Ngilozi yi guromo mbeli gwaye, yi di va vbulugisa; a di va dzegisa khu lihaladzo ni gu va pwela gisiro, a va dzega, a va hetedza gukhugela matshiguni yawe yatshavbo ma vbindridego.

Jeremiya 31:20

Ina kamwe Efrayimi khandri uye gyanana gyangu nya gigodwa, gani? Gyanana gi godwago khu monyo wangu, gikhati nya gingi mapimo yangu kha ma digi gu mu alakanya; ni monyo wangu wa gu salala mbeli gwaye, khu guralo, nyi na mu pwela wuhindzi; a ngu ganela Pfhumu Nungungulu.

Gililo 3:22

Ethu kha ha mbembiswa khu wuhigo wa Pfhumu Nungungulu; kholu lihaladzo laye li mwalo mahegiso.

Zakariya 1:14

Khavbo avbo, ngilozi yi nga bani na yi ganela ni eni, yi di nyi embela, khiyo: Huwelela esi, u ganela, khuwe: Pfhumu Nungungulu nya Tshivba Yatshavbo, a ngu ganela kharati, khuye: Nyi ngu vbisega ngudzu khu kotani ya Jerusalema ni Siyoni;

Zakariya 8:2

Pfhumu Nungungulu nya Tshivba Yatshavbo a ngu ganela kharati, khuye: “Khu kotani gwago uwe Siyoni, nyi ngupwa likhulo nya likhongolo ngudzu li khondrago monyoni gwangu, li nyi wusela wufu ni khorodza nya yikhongolo ngudzu.”

Luka 15:20

A di phara ndzila aya ga babe waye. “Na nga guta khu hwindzo, a di wonwa khu babe waye, a nga pwago gisiro, a mu khinga khu mazambo, aya mu wugarela ni gu mu bhejari.

Dhewuteronome 32:16

Va Mu giride a khala wufu khu vanungungulu nya valombo. Va Mu wusede likhulo khu silo nya gunyenyeze.

Dhewuteronome 32:36

Kholu, Pfhumu Nungungulu, a na lamulela vathu vaye, ni gupwela gisiro sithumi saye, avbo a na va wonago gukhuye va ngu vbela tshivba, ni gukhuye avbo gwawe mwalo na moyo a na tshalago, gu mwalo khumbi mwendro nya gutshulege.

Dhewuteronome 32:43

Nengelani enu mayigo, gumogo ni vathu vaye, kholu Pfhumu Nungungulu a na phodzela novba wa sithumi saye a na si phodzela vbatshani ga valala vaye, a na pwela wuhindzi litigo laye ni vathu vaye.

Jakobe 5:11

Ha gu wona gukhethu avo va tsakide kholu va nga timisela sigaradzo. Enu mu pwidego na gu ganedwa khu gutimisela ga Joba, mu ngu dzitini edzi Nungungulu a nga mu kategisa khidzo. Kholu Pfhumu tade khu wuwadi ni wuhindzi.

Valamuli 10:16

Khavbo avbo, va di khungumulela vanungungulu nyamba phasa gilo va nga bani varomo vbakari gwawe, va khozela Pfhumu Nungungulu; uye a di vbisega ngudzu khu kotani ya Israyeli.