Joyele 2:17 - Bhibhiliya Nya Guage

¹⁷ Va na lile vaphasi nya mhamba, va thumelago Pfhumu Nungungulu, va na lile vbakari nya mwanya nya Nyumba ya Nungungulu ni giluvelo, va lombelela khavo: Uwe Pfhumu Nungungulu tsetsa vathu vago, u nga ningeli thomba yago yi khala gihegiso, va nya mayigo va gira guhaladza khiyo; kholu mambe mafumbu ma nga ganela khayo: Womo hayini Nungungulu wawe?

Joyele 2:17 Iomraidhean Croise

1 Dzipfhumu 6:3

Gulapha nya likupakupa la nyangwatunu ya mbeli nya Nyumba ya Nungungulu, li diri ni magumavili (20) mikono, gulandra guanama nya Nyumba ya Nungungulu, gasi guanama gwaye, li diri ni likhumi (10) mikono, khu mbeli nya gulaphe nya nyumba.

1 Dzipfhumu 9:7

Eni nyi na fuvisa va na Israyeli ga litigo nyi va ningidego; ni nyumba yeyi nyi yi phasedego lina langu, nyi va dzudzuga hwindzo gwangu; Israyeli a na khala gihegiso ni givalo vbakari nya mayigo yatshavbo.

2 Dzikoronika 7:20

Eni nyi na mi dusani khu ga litigo langu nyi mi ningidego, ni ga nyumba yeyi nyi yi agisedego Lina Langu, nyi mi dzudzuga hwindzo ni Eni, mu ya khala givalo ni gihegiso ga mayigo yatshavbo.

2 Dzikoronika 8:12

Khavbo avbo, Solomoni a di ningela ga Pfhumu Nungungulu miphaselo nya guvbiswe vbagiluvelotunu, a gi vbahidego nyangwani nya Nyumba ya Nungungulu.

Nehemiya 9:36

Nga wona olu muhuno hi gu dzikhumbi; hi dzikhumbi ni tigoni momu u ningidego vababe vathu gasi va hodze mihandro yaye ni gu khadzisega gwadi.

Dzindzimo 115:2

Khu ginani va nya mayigo va na simamago gu wudzisa, khavo: “Womo hayi Nungungulu wanu?”

Dzindzimo 42:10

Khu ginani nyi tshanisekago kharati? Valala vangu va gu nyi vala, gikhati gyatshavbo va gu nyi wudzisa, khavo: Womo hayi Nungungulu wago?”

Dzindzimo 42:11

Khu ginani hefemulo wangu wu vbelago tshivba? Nya gu vbweta gutumba Nungungulu gambe nyi na mu rungudza. Uye khuye Nungungulu wangu ni muvbanyisi wangu.

Dzindzimo 42:3

Marongo yangu ma gu khala guhodza gwangu wutshigu ni mihani, litshigu ni litshigu na va gu nyi embela, khavo: “Womo hayini Nungungulu wago?”

Dzindzimo 42:4

Nya gu alakanya silo sesi; hefemulo wangu wa gu lila na nyi gu alakanya gukheni nyi di gu gimbila kharini ni gidzemo; nyi gi thangela Nyumbani ga Nungungulu, khu magana nya litsako gumogo ni gu dhumisa; gidzemo gi sayisago matshigu nya simotse.

Dzindzimo 74:10

Ama Nungungulu, valala vathu va na hi poyila kala lini? Ina avo va na simama gu vala lina lago gikhati gyatshavbo, gani?

Dzindzimo 79:10

Kholu mayigo ma na wudzisa, khayo: Womo hayi Nungungulu wawe? Yeyedza vathu vovo hi wona gu phodzela nya novba wa vathu vago va nga wu vbaladza.

Dzindzimo 79:4

Hi khade gihegiso ga vaakelane vathu, vale va nga hi randrela va hi hega ni gu hi tsorodzela.

Dzindzimo 89:41

Vatshavbo vavbindri nya ndzila va gu bela va phanga iso va sinago; khade givalo ga vaakelane vaye.

Dzindzimo 89:51

Uwe Pfhumu Nungungulu, valala vago va ngu vala mufumeli wago, u mu todzidego mafura yago nya guage, ni evbini a hongolago va gu mu vala.

Ekisodha 34:9

a ganela, khuye: “Olu, nya gu bani nyi mane makategwa mbeli gwago, Pfhumu, gira wuhindzi U gimbila vbakari gwathu; kholu khu lisine, ava vathu nya gubange mihungo. Aholu, hi tsetselele guvivba gwathu ni sighoho sathu, U hi hakhe hi khala thomba yago.”

Isaya 22:12

Ga litshigu lolo, Mune, Pfhumu Nungungulu nya Tshivba Yatshavbo, a ngu mi ramba gu muta lila, ni gutsikwila, mu vbalula ndzudzu hungoni ni gu ambala myendra nya silendra.

Isaya 37:20

Gasi olu, uwe Pfhumu Nungungulu wathu, hi vbulugise khu mandzani gwaye, gasi mifumo yatshavbo ya mafuni yi dziti gukhiyo uwe khuwe basi u gu Pfhumu ni Nungungulu.

Ezekiyeli 20:9

Aholu khu lihaladzo nya lina langu, kha nya dzumela gukheni lina langu li nyenyeziswa, li gu wonwa khu mayigo va vbanyidego umo ni mahoni ga vale nyi dzi wonegisidego gwawe, gasi gu va dusa tigoni ga Egipito.

Ezekiyeli 8:16

Khu guralo, uye a di nyi dzega a gu nyi bedza ndrani nya likupakupa la Nyumbani ga Pfhumu Nungungulu; vbale, vbamwanyatunu nya Nyumba ya Pfhumu Nungungulu, vbakari ni vbakari nya mwanya ni giluvelo, gu diromo gipimo nya magumavili na livbandre (25) vama, na va pfhurarede Nyumba ya Pfhumu Nungungulu, dzikhovbe dzawe va khedza Khugadambo; avo va di gu khozela lidambo.

Hoseya 14:2

Indrani na mu dongisede magana nya gu dzi laye, mu bwelela ga Pfhumu Nungungulu; mu ya mu lomba, khenu: “Hi divalele sighoho sathu satshavbo; u hi hakha khu wuhindzi; phaso nya wadi hi gu luvago khuwo, khu malito ma dugago khu kanani gwathu, guvbindra miphaso nya simombyana.

Joyele 1:13

Enu vaphasi nya mhamba, ambalani silendra mu lila; wombani huwa enu mu thumelago vbagiluvelotunu; belani na mu ambade silendra, mu lila wutshigu watshavbo, enu mu thumelago Nungungulu wangu; kholu miningelo nya dzimbewu niyo nya wadwa, kha yi ningedwi gambe Nyumbani ga Nungungulu wanu.

Joyele 1:9

Miningelo nya dzimbewu, niyo nya wadwa, yi mwalo gambe Nyumbani ga Pfhumu Nungungulu; vaphasi nya mhamba a gu sithumi sa Pfhumu Nungungulu, va swihade.

Amosi 7:2

Avbo mbasa yi nga bani yi vbedzide gu hodza mwasi watshavbo wa tigoni, nyi di ganela, kheni: “Pfhumu Nungungulu, va tsetselele!” A na ema kharini Jakobe, olu a ngari dugwana?

Amosi 7:5

Khavbo avbo, nyi di ganela, kheni: Pfhumu Nungungulu gira wuhindzi olu u eme: A na khuga kharini Jakobe? Olu uye a ngarigu gyanana.

Mikeya 7:10

Nala wangu a na si wona isoso, a tedwa khu dzitshoni, uye a nga bani a nyi embela, khuye: “Womo hayi Pfhumu Nungungulu wago?” Maho yangu ma na wona guthega gwaye; na gu gandredzedwa kha nga maraga ya mudzindzilani.

Malakiya 1:9

Gasi olu nga lombani ga Nungungulu khu satshavbo esi mu giridego khu mandza yanu, gasi a mi tsetselela; na mu giride satshavbo sesi khu mandza yanu, ina mwa gu pimisa gukhenu uye a na mi yingisa a mi hakha khu mandza mavili, gani? A ngu ganela Pfhumu Nungungulu nya Tshivba Yatshavbo.

Mitengo 25:6

Khu guralo, gu dita moyo nya sanana sa Israyeli, a resa ga vandriyaye nyamayi moyo nya Mumedhiyani, na gu wonwa khu Mosi gumogo ni tshangano watshavbo wa va na Israyeli, avbo tshangano watshavbo wu nga bani wu gu lila vbamwanyatunu nya Tshatsha nya Tshangano.

Matewu 23:35

gasi gu novba watshavbo wa va nya ndruda wu vbalagele vbatshani gwanu, nya nga uwo wu nga vbaladzwago gukhugela gu songwa gwa Abheli, mululami, kala ugo gwa Zakariya, mwamana wa Bherekiya, mu nga mu songago vbakari nya makhuvi nya guagiswe nya Nyumba ya Nungungulu ni giluvelo.

Matewu 27:43

Tumbide Nungungulu; a na vbulugiswe khuye a gu bani a mu gola, kholu ganede, khuye: ‘Eni nyi gyanana gya Nungungulu!’ ”

Dhewuteronome 28:37

U na khala gipoyilo ni gisamadziso, vbakari nya vathu vale Pfhumu Nungungulu, a na gu yisago gwawe.

Dhewuteronome 32:27

Nasiri ga olu nyi thavago matshandza ya valala vawe, va nga hadza gu dzi zundza, va ghiya, va ganela, khavo: Mandza yathu ma khusegide, ma va pade, khandri Pfhumu Nungungulu a giridego satshavbo sesi.

Josuwa 7:9

Avbo Vakhanani ni vatshavbo vavbanyi va tigoni va na gu pwago esi, va na hi randrela va fuvisa lina lathu omu mafuni; khu guralo, U na khuwe ginani khu lina lago nya likhongolo?”