Joyele 2:14 - Bhibhiliya Nya Guage

¹⁴ A gu dzina saye a na bwelela hwane a dzi laya, a mu ninga makategwa, a mu ninga wuguvbi ni miningelo nya vhinya nya guphasele khiso Pfhumu Nungungulu wanu.

Joyele 2:14 Iomraidhean Croise

2 Samuweli 12:22

Dhavhidhe a di va hakha, khuye: “Eni nyi di hala nyi lombelela khu gyanana na gi nga gu vbanya, kholu nyi di gukheni: A gu dzina saye Pfhumu Nungungulu, a na nyi pwela gisiro a nyi vbanyisela gyanana!

2 Samuweli 16:12

A gu dzina saye Pfhumu Nungungulu a na wona gutshaniseka gwangu, a nyi ninga gurula khu kotani nya gu nyi vale gwaye.”

2 Dzipfhumu 19:4

A gu dzina saye, Pfhumu Nungungulu wago, a yingiside magana ya Rabhisaki ayo a rumedwego khu mune waye, mufumeli wa Asiriya, guta vala Nungungulu a vbanyago, mwendro saye Pfhumu Nungungulu wago a na kawuka magana yaya a ma pwidego; gasi olu gira nombelo khu vathu vava vatshadego!”

Ekisodha 32:30

Khu mindru gakone, Mosi a di ganela ga vathu, khuye: “Mu giride gighoho nya gikhongolo. Aholu, muhuno, nyi na gwela ga Pfhumu Nungungulu, gufela gukheni mwendro a gu dzina saye nyi naya dzi kodza gu hakha ditshedzo nya sighoho sanu.”

Isaya 65:8

Pfhumu Nungungulu a ngu ganela kharati, khuye: “Gwa gu bani gu ngari ni dosi gitsatsani nya dziuvha, vathu vari, khavo: Mu nga gi pili kholu gu nga guromo silo nya sadi, kharati nyi na gira khu kotani nya lihaladzo nyi gu nalo ni sithumi sangu; kha nyi na va mbembisa vatshavbo.

Jeremiya 18:8

vathu nya litigo lolo va gu dzi laya, va vbindrugedza mavbanyelo, va diga sighoho va girago, eni neni, nyi na dzi laya, nyi si va rumeli tsayiso nyi wu dongisedego gu va rumela.

Jeremiya 26:13

Gasi olu, vbindrugedzani mavbanyelo yanu ni sigiro sanu mu yingisani lito la Pfhumu Nungungulu wanu; khavbo uye a na gu bweledzago tsayiso a wu ganedego khu kotani yanu.

Jeremiya 26:3

A gu dzina saye va na ma yingisa va vbindrugedza mavbanyelo, muthu ni muthu a ndreya ndzilani gwaye nya guwegele, gasi eni neni nyi kodza gu diga makungo nya tsayiso nyi va dongisedego gu va resela, khu kotani nya sigiro sawe nya guvivbe.

Joyele 1:13

Enu vaphasi nya mhamba, ambalani silendra mu lila; wombani huwa enu mu thumelago vbagiluvelotunu; belani na mu ambade silendra, mu lila wutshigu watshavbo, enu mu thumelago Nungungulu wangu; kholu miningelo nya dzimbewu niyo nya wadwa, kha yi ningedwi gambe Nyumbani ga Nungungulu wanu.

Joyele 1:16

Ina kha ha dzegedwa guhodza na hi gu si wona khu maho yathu, gani? Ina gutsaka ni gunengela kha ga fuviswa Nyumbani ga Nungungulu wathu, gani?

Joyele 1:9

Miningelo nya dzimbewu, niyo nya wadwa, yi mwalo gambe Nyumbani ga Pfhumu Nungungulu; vaphasi nya mhamba a gu sithumi sa Pfhumu Nungungulu, va swihade.

Amosi 5:15

Nyenyani guvivba, mu gola wuwadi; mu tiyisa lisine gulamulani gwanu. A gu dzina saye Pfhumu Nungungulu nya Tshivba Yatshavbo, a na pwela gisiro mitshaledwa ya Josefe.

Jona 1:6

Mugimbidzisi nya litaro a di hidzimela gwaye aya, khuye: “Khu ginani u khalago umomo nu lade? Wuga u lomba ga Nungungulu wago! A gudzina saye Nungungulu yoyo a na hi alakanya gasi hi si mbembi.”

Jona 3:9

A gu dzina saye Nungungulu a na dzi laya a bosa giviti nya likhulo laye, gasi hi si mbembi.”

Sofoniya 2:3

Vbwetani Pfhumu Nungungulu, enu mwatshavbo, va nya gurula va mafuni, enu mu landrisago milayo yaye. Zamani guvbweta gululama, dzi nogiseni mbeli gwaye, a gu dzina saye mu na mana wuthavelo litshigu nya likhulo la Pfhumu Nungungulu.

Agewu 2:19

Ina yi nga romo mbewu githungani, gani? Gu diga nya isoso, ambari mikandzu miromani kha yi nga gu ninga gambe mihandro. Aholu, gukhugela muhuno, Eni nyi na mi kategisa.

2 Thimoti 2:25

Gu vbwetega u kodza gu kawuka valala vaye khu gwadi, gasi Nungungulu, a gu dzina saye, a va ninge mapimo nya gulandre lisine.

Josuwa 14:12

Gasi olu nyi ninge litigo la musigomoni momu eli Pfhumu Nungungulu a li ganedego litshigu lile, kholu litshigu lile u pwide gupwani Vaanaki va nga gu khala mule ni madhoropa yawe nya makhongolo nya gubhiywe. A gu dzina saye Pfhumu Nungungulu a na ni eni, nyi na va tutumisa, kha nga a nyi tumbisidego.

1 Samuweli 6:5

Khu guralo, girani sifananiso nya sithunya ni magondzo ma saselago litigo lanu, mu ninga wudhumo ga Nungungulu wa Israyeli; khu guralo, Uye a na dusa gyandza gyaye vbatshani gwanu, ga nungungulu wanu ni ga litigo lanu.