Joyele 2:12 - Bhibhiliya Nya Guage

¹² Khu guralo, olu kamwe, a ngu ganela Pfhumu Nungungulu, khuye: Vbindrugedzani mu wuye gwangu khu monyo wanu watshavbo; isoso na mu gu hala khu gu lila ni gu womba dzihuwa.

Joyele 2:12 Iomraidhean Croise

2 Samuweli 24:10

Hwane nya gu bani na sayede vathu, Dhavhidhe a di vetwa khu livhalo a vbisega monyoni gwaye; Dhavhidhe a ganela ga Pfhumu Nungungulu, khuye: “Nyi ghohide ngudzu khesi nyi giridego, gasi olu uwe Pfhumu Nungungulu, nyi ngu gu lomba gukheni u duse guvivba ga githumi gyago, kholu nyi thumide silo nya wupumbu ngudzu.”

2 Dzikoronika 30:6

Khu guralo, myango yi di phalalega gumogo ni malangalila, ma nga lowago khu mufumeli ni manganagana yaye tigoni gwatshavbo ga Israyeli ni ga Judha, va tivisa kha nga guleletisa ga mufumeli a nga khuye: “Enu va na Israyeli, vbindrugedzani mavbanyelo mu wuye ga Pfhumu Nungungulu wa Abrahama, wa Isaki ni wa Israyeli; gasi a wuye ga enu mu vbulugidego khu mandzani ga vafumeli va Asiriya.

2 Dzikoronika 6:27

Uwe khu ndzadzini yoyo, va yingise ni gu tsetselela gighoho u giredwego khu sithumi sago ni vathu vago va na Israyeli, U va hevbudza ndzila nya yadi nya gugimbile khiyo, U wisa ndzadzi tigoni gwago U ningidego vathu vago gu khala thomba yawe.

Ekisodha 33:5

Pfhumu Nungungulu a di embede Mosi, khuye: “Embela sanana sa Israyeli, khuwe: Enu mu vathu nya gubange mihungo. Nya gu manega gikhati gi dugwana basi vbakari gwanu, nyi na mi mbembisa, khu kharato, tshulani esi mu dzi mburisedego khiso, gasi eni nyi giti egi nyi na gu girago.”

Isaya 22:12

Ga litshigu lolo, Mune, Pfhumu Nungungulu nya Tshivba Yatshavbo, a ngu mi ramba gu muta lila, ni gutsikwila, mu vbalula ndzudzu hungoni ni gu ambala myendra nya silendra.

Isaya 58:4

Wonani nya gukhenu, mwa gu hala na mu gu ganedzisana ni gu dwanisana, na mu gu vetana khu sibhakela nya dzihanyi; mwa gu hala kharato, nombelo wanu kha wu na vboha ndzadzini.

Jeremiya 3:22

Vbindrugedzani mu wuya eno gwangu enu sanananu nyamba tumbega, eni nyi na mi vbanyisa madwali nya gukanyise gwanu.” Avo va di hakha, khavo: Hi womo avba; kholu uwe khuwe Pfhumu Nungungulu wathu.

Jeremiya 36:7

A gu dzina saye nombelo wawe wu na vboha mbeli ga Pfhumu Nungungulu, muthu ni muthu a vbindrugedza ndzilani gwaye nya guwegele, kholu likhulo li tivisidwego khu Pfhumu Nungungulu ga vathu vava, likhongolo ngudzu.”

Jeremiya 4:1

Pfhumu Nungungulu a ngu ganela, khuye: Wa gu vbindrugedza mavbanyelo uwe Israyeli, u na wuya avbo gwangu. Wa gu ndreyisa mbeli gwangu manyala yago, khu na legalega gambe,

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Ezekiyeli 33:11

Va embele, khuwe: Mune Pfhumu Nungungulu, a ngu sambanya khuye, kha nyi tsakiswi khu gufa ga muthu nya guvivbedwe khu monyo, aholu nya gu tsakiswa khu gu muthu nya guvivbedwe khu monyo a ndreye ndzilani gwaye nya guwegele a kodza guvbanya, vbindrugedzani, vbindrugedzani dzindzilani gwanu nya guwegele; khu ginani vathu vago va na fago, uwe litigo la Israyeli?

Dhaniyeli 9:3

Khu guralo, nyi di khusedza maho yangu ga Pfhumu Nungungulu nyi gira milombelo, nyi lila ni guhala, nyi ambala silendra ni gu phorola nguma.

Hoseya 12:6

Khu guralo, vbindrugedza u wuya ga Nungungulu wago, gira wuwadi ni gululama u tumba Nungungulu wago gikhati gyatshavbo

Hoseya 12:7

Efrayimi mahungane, mandzani gwaye a na gikalo nya wudambane a gu gola ngudzu dzihanyi.

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Hoseya 6:1

Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Joyele 1:13

Enu vaphasi nya mhamba, ambalani silendra mu lila; wombani huwa enu mu thumelago vbagiluvelotunu; belani na mu ambade silendra, mu lila wutshigu watshavbo, enu mu thumelago Nungungulu wangu; kholu miningelo nya dzimbewu niyo nya wadwa, kha yi ningedwi gambe Nyumbani ga Nungungulu wanu.

Zakariya 7:3

ni guya wudzisa ga vaphasi nya mhamba va nga bani va romo Nyumbani ga Pfhumu Nungungulu nya Tshivba Yatshavbo ni ga vaprofeti, khavo: “Ina hi ngu yela gu lila ni gu hala khu ngima nya livbandre, kha nga idzo hi tago na hi gu gira myaga yatshavbo, gani?”

Zakariya 7:5

“Nga wudzisa ga vathu vatshavbo va tigoni momu ni ga vaphasi nya mhamba, khuwe: Avbo mu nga lilani ni gu hala khu ngima nya livbandre ni oyu nya livbandre na mivili, ndrani nya myaga yeyi nya livbandre na mavili magumi, ina mu di hala khu kotani gwangu, gani?

Malakiya 1:9

Gasi olu nga lombani ga Nungungulu khu satshavbo esi mu giridego khu mandza yanu, gasi a mi tsetselela; na mu giride satshavbo sesi khu mandza yanu, ina mwa gu pimisa gukhenu uye a na mi yingisa a mi hakha khu mandza mavili, gani? A ngu ganela Pfhumu Nungungulu nya Tshivba Yatshavbo.

Mithumo 26:20

Guphela nyi di tshumayela dhoropani ga Dhamasiko, nyi bela Jerusalema ni litigo latshavbo la Judheya nyi vbindrela mayigoni ya vbavbandze. Ga vatshavbo nyi tivisa gukheni gu vbwetega gu vbindrugedza mavbanyelo, va diga sighoho sawe, va wuya ga Nungungulu, va yeyedze gu vbindrugedza gwawe khu mithumo ya yadi.

Valamuli 2:4

Avbo Ngilozi ya Pfhumu Nungungulu yi nga ta ganela magana yaya ga vatshavbo va na Israyeli, vathu va di khusa malito va lila.

Valamuli 20:26

Khavbo avbo, vatshavbo va na Israyeli, ni vathu vatshavbo, va di gwela dhoropani ga Bheteli vaya lila, va di khala vbale mbeli ga Pfhumu Nungungulu, va hala litshigu latshavbo kalani silambo, va ningela miphaso nya guvbiswe ni miningelo nya gurule mbeli ga Pfhumu Nungungulu.

1 Samuweli 7:3

Khavbo avbo, Samuweli a di ganela ga va na Israyeli vatshavbo, khuye: “A gu bani nari mwa gu wuyani ga Pfhumu Nungungulu khu monyo wanu watshavbo, dusani vbakari gwanu, vanungungulu nya valombo ni sifananiso sa Asitaroti, mu namarela khu monyo wanu watshavbo ga Pfhumu Nungungulu, mu thumela uye basi, uye a na mi vbanyisa mandzani ga Vafilisitiya.”

1 Samuweli 7:6

Va di tombana dhoropani ga Misipa, va rega mati va ma vbaladza mbeli ga Pfhumu Nungungulu; va hala litshigu latshavbo lolo, va ganela, khavo: “Hi ghohede Pfhumu Nungungulu.” Samuweli a di lamula va na Israyeli dhoropani ga Misipa.