Joyele 2:1 - Bhibhiliya Nya Guage

¹ Wombani pundru Siyoni; mu lila khu lito nya gukhugege gigomoni gwangu nya guage; va na khale hwanga vavbanyi vatshavbo va tigoni, kholu litshigu la Pfhumu Nungungulu li ngu vboha, gambe lomo vbafuvbi;

Joyele 2:1 Iomraidhean Croise

1 Dzikoronika 15:28

Vatshavbo va na Israyeli, avo va nga bani va gu vbwelegedza Ngasa nya Gidzumeledzwano gya Pfhumu Nungungulu, va di kulungela khu gutsaka na va gu womba siphaphato ni mipundru, singomana, sitendre ni dzimbila.

Dzindzimo 119:120

Mili wangu wu ngu ndrendremela mbeli gwago khu gu gu thava, khu kotani nya guthave milayo yago. Ain

Dzindzimo 87:1

Pfhumu tsitside lidhoropa laye sigomoni nya guage.

Ekisodha 10:14

Mbasa yi di gwela tigoni gwatshavbo ga Egipito, yi ta mbaka khu talo malangani gwatshavbo ya Egipito. Gima yi di si gu manegi mbasa nya yingi nya kharati, gukhugela guhegulani, gambe gima kha yi na nga manega yimbe nya nga kharato.

Isaya 13:6

Wombani huwa khu guvbisega, kholu Litshigu la Pfhumu Nungungulu li vbohide; la guta khiyo ga uye nya Tshivba Yatshavbo gasi guta mbembisa.

Isaya 13:9

Wonani, li nguta Litshigu la Pfhumu Nungungulu, litshigu nya guthise ni likhulo li khondrago, gasi gu vbindrugedza litigo li khala marumbi, gumogo ni gu mbembisa sighohi si vbanyago umo.

Isaya 2:12

Kholu Litshigu la Pfhumu, Nungungulu nya Tshivba Yatshavbo, li nata ga va nya matshandza ni ga va nya gu dzi khusedza, ni ga vatshavbo va nya gu dzi gugumugisa gasi va vbwasamiswa;

Isaya 66:2

Kholu mandza yangu, khayo ma giridego silo satshavbo sesi, ni silo satshavbo sesi si di girega; a ngu ganela Pfhumu Nungungulu, aholu nyi na khedza uye a dzi thesago vbavbatshi: Wule a gu ni monyo wu khuvegidego, sisiwana ni vale va ndrendremelago khu gupwa magana yangu.

Isaya 66:5

Yingisani magana ya Pfhumu Nungungulu enu mu mu thavago, enu mu ndrendremelago mbeli nya magana yaye. Vandriyanu va na mi nyenya va mi tutumisa, muya hwindzo khu kotani nya lihaladzo lanu khu lina langu, va ganela, khavo: “Pfhumu Nungungulu a na yeyedze wudhumo waye, gasi hi kodze gu wona gutsaka gwanu, vathu vovo va na thedwa dzitshoni.”

Jeremiya 16:10

Aholu gikhati u na va tivisago mahungu yaya yatshavbo, va gu wudzisa, khavo: Gasi khu ginani Pfhumu Nungungulu a fungidego khu gu hi tsayisa khu dzimhango dzedzi? Gasi gighoho muni hi ghohedego Pfhumu Nungungulu wathu?

Jeremiya 16:7

Gambe mwalo a na gu hodzago navo guhodza nya gililo gasi gu va tangadzisa, kholu va fedwego, ambari gu va ningwa libogo nya gu thaveledwe, ga vale va fedwego khu vavelegi vawe.

Jeremiya 4:5

Tivisani tigoni gwa Judha! Mu huwelela Jerusalema, khenu: Wombani pundru tigoni momu gwatshavbo! Khusani malito mu laledza mu ganela, khenu: Tombanani! Hongoleni hi thave hi tutumela madhoropani nya makhokhola!

Jeremiya 5:22

Pfhumu Nungungulu a ngu ganela, khuye: Ina kha mu nyi thavi, gani? Ina kha mu ndrendremeli mbeli gwangu, gani? Kholu kheni nyi nga girago vbingano nya linene khu mafu, vbingano nya gukala gupindruga nyamba ndragwa. Ambari ma gu khusega mavimbi yaye li dzuma linene kha wu na ndragwa.

Ezekiyeli 12:23

Va embele, khuwe: Mune Pfhumu Nungungulu a ngu ganela kharati, khuye: Nyi na vbedza mavingu yoyo, kha ma na ganedwa gambe tigoni ga Israyeli. U va embela gambe, khuwe: Gu ngu vboha matshigu siwoniso satshavbo si na giregago.

Ezekiyeli 21:12

Womba huwa ni gu dilela, uwe mwamana wa muthu, kholu, ilo li na songetela vathu vangu, ni dzindruna dzatshavbo dza Israyeli. Avo, gumogo ni vathu vangu va ningedwe gasi gu songwa khu matshari; khu guralo, lila u dzi veta nyonga yago.

Ezekiyeli 30:3

Kholu litshigu lomo vbafuvbi, lisine, lomo vbafuvbi litshigu la Pfhumu Nungungulu, litshigu nya mazuvi; a na bani ari gikhati nya tsayiso wa va nya mayigo.

Ezekiyeli 33:3

a gu wona gukhuye nyimbi yi nguta gasi guta sasela litigo, a na wombe pundru gasi gu tivisa vathu;

Ezekiyeli 33:6

Aholu, muwoneleli, a gu wona gukhuye yi nguta nyimbi ni valala a si wombi pundru, gasi gu tivisa vathu; valala vata songa moyo nya avo, mwama yoyo a na songwa khu kotani nya wuvivbi waye, aholu eni nyi na rwega nandru muwoneleli khu kotani ya wule a songidwego.

Ezekiyeli 7:10

“Wonani litshigu li vbohide! Gu vbohide gumbemba gwago; olu lipitso li rumbugide, matshandza ma thede senge!

Ezekiyeli 7:12

Gu vbohide gikhati, litshigu li vbohide. Murengi a nga nengeli, ambari murengisi a nga khuveki; kholu likhulo lomo vbatshani ga gidzemo gyatshavbo.

Dhaniyeli 6:26

Nyi ngu lova khwepa yoyu gasi nyi rumela malangani gwatshavbo nya mufumo wangu, gu vathu va na ndrendremele va thava Nungungulu wa Dhaniyeli. Kholu uye Nungungulu a vbanyago a ngu simama kala gupindruga; mufumo waye wu mwalo mahegiso, gufuma gwaye gwa gu simama kala gupindruga.

Dhaniyeli 9:16

Gasi olu, uwe Pfhumu, gukhedza khu sigiro sago satshavbo si lulamidego, hi ngu lomba u ndreyisa likhulo lago dhoropani gwago gwa Jerusalema, li guromo gigomoni gwago nya gukatege. Kholu sighoho sathu ni guvivba gu giridwego khu vababe vathu, va girede Jerusalema gumogo ni vathu vago gilo nya gihegiso ga mayigo ma hi randredego.

Dhaniyeli 9:20

Na nyi nga guganela ni gu lombelela, nyi dawulela sighoho sangu ni sighoho sa vathu vangu va na Israyeli, nyi resa gilombo gyangu ga Pfhumu Nungungulu wangu, khu kotani nya gigomo gyaye nya gukatege,

Hoseya 5:8

Wombani pundru dhoropani ga Gibheya, mu womba pundru dhoropani ga Rama, laledzani khu tshivba Bheti-Avheni! Dzi woneleni enu va na Bhejami.

Hoseya 8:1

Thela pundru kanani gwago! Kholu nala a nguta khu guvbuvba kha nga lighama, guta dhumela Nyumba ya Pfhumu Nungungulu, kholu mu hambanide ni gidzumeledzwano gyangu, mu wugela nayo wangu.

Joyele 1:15

Yowe! Litshigu lile! Kholu litshigu la Pfhumu Nungungulu lomo vbafuvbi.

Joyele 2:11

Pfhumu Nungungulu a ngu khusedza lito laye mbeli nya mabutho yaye; kholu masotshwa yaye mangi ni tshivba ngudzu kholu a na ni tshivba uye a yingisago milayo yaye; kholu litshigu la Pfhumu Nungungulu likhongolo ni guthisa ngudzu, khu mani a na gu li tiyelago?

Joyele 2:15

Wombani pundru Siyoni, vegani litshigu nya guhale nya gu dzi agise, mu huwelela litshigu nya gulolele.

Joyele 2:31

Lidambo li na vbindrugedza li khala gidema, ngima wu fuvila wu khala novba, li si gu vbohi litshigu nya likhongolo nya guthise la Pfhumu Nungungulu.

Joyele 3:14

Sidzemo ni sidzemo nya vathu si tade kovani gu lamuledwago mahungu! Kholu litshigu la Pfhumu Nungungulu lomo vbafuvbi, li na vboha kovani gu lamuledwago umo mahungu.

Joyele 3:17

Khavbo avbo, mu na dzitini nya gukhenu: Eni kheni Pfhumu Nungungulu wanu, nyi vbanyago Siyoni, gigomoni gwangu nya gukatege; Lidhoropa la Jerusalema li na bani li kategide, vathu nya mambe mayigo, gima kha va na li khozisa gambe.

Amosi 3:6

Ina gu ngu wombwa pundru dhoropani, vathu va si ndrendremeli khu hwanga, gani? Ina gu ngu kodzega gu dugelela mhango dhoropani nyambata khiyo ga Pfhumu Nungungulu, gani?

Amosi 5:18

Libango ga vale va vbwetago gu wona litshigu la Pfhumu Nungungulu! Mwa gu li vbwetela ginani gu li wonani litshigu leli la Pfhumu Nungungulu? A na bani nari litshigu nya gidema, nyambana wenengedzo.

Amosi 8:2

A di nyi wudzisa, khuye: “Amosi, ginani u gi wonago?” Eni nyi di mu hakha, kheni: “Nya gu wona gitundru nya mihandro nya guvidzwe.” Khavbo avbo, Pfhumu Nungungulu a di nyi embela, khuye: Ma vbohide mahegiso ya vathu vangu va na Israyeli; gukhugela olu guya mbeli, gima kha nyi na va tsetsa gambe.

Obhadhiya 1:15

Kholu litshigu la Pfhumu lomo vbafuvbi, ga mayigo yatshavbo, a nata gu gira kha nga idzo u nga girago khidzo vakwanu; wuvivbi wago wu na thegela hungoni gwago.

Sofoniya 1:14

Li ngu vboha litshigu nya likhongolo la Pfhumu Nungungulu, lomo vbafuvbi li nata khu guvbiredza. Upwani! Litshigu la Pfhumu Nungungulu li na bani liri la wuvi; ambari ni dzingwazi dzi na keta.

Sofoniya 1:16

Litshigu nya guwombwe pundru, gu wombwa huwa nya nyimbi nya gudhumedwe madhoropa ma bhiyidwego khu siwindri nya tshivba ni dzilangwe nya gulaphe.

Sofoniya 1:7

Degulani mu khala khu githawo mbeli ga Pfhumu Nungungulu, kholu litshigu la Pfhumu Nungungulu lomo vbafuvbi ni gu vboha, Pfhumu Nungungulu dongisede miphaso, agiside avo a va ranidego.

Sofoniya 3:11

Litshigu lolo, uwe khu na ngapwa gambe dzitshoni khu sigiro u nyi giredego, kholu nyi na fuvisa vbakari gwago, vatshavbo va nya matshandza ni gu dzi khusedza, uwe gima khu na dzi gugumugisa gambe mugigomoni gwangu nya Gukatege.

Zakariya 14:1

Wonani, li ngu vboha litshigu la Pfhumu Nungungulu, avbo phango wanu wu na guta kabaniswa vbakari gwanu.

Zakariya 8:3

Pfhumu Nungungulu a ngu ganela kharati, khuye: “Nyi na bwelela Siyoni, nyi ya vbanya vbakari nya lidhoropa la Jerusalema; Jerusalema gu na ranwa lidhoropa nya lisine, ni gigomo gya Pfhumu Nungungulu nya Tshivba Yatshavbo gi na ranwa gupwani Gigomo nya Guage.”

Mitengo 10:2

“Gira mipundru mivili nya parata; u na yi gira khu parata nya gupfhudwe, u na yi thumisa gu tombanisa khiyo mitshangano ni gu tivisa gukhuga nya mazumbo.

Mitengo 10:3

Ya gu wombwa ya mivili, tshangano watshavbo wu na ta tombana gwago vbamwanyatunu nya Tshatsha nya Tshangano.

1 Vakorinto 14:8

Pundru a gu pwala khu madzumelo nyamba tisega, khu mani a na dzi dongiselago guya nyimbini?

Vafilipi 2:12

Khu kharato, vandriyangu, sigodwa sangu, kha nga mu nyi yingisidego gikhati gyatshavbo nyi khadego vbakari gwanu, nyi yingiseni gambe ni olu nyi guromo hwindzo. Thumelani guvbanyiswa gwanu khu githawo ni gu dzi nogisa,

1 Vatesalonika 5:2

Enu mu ngu dziti gwadi nya gukhenu litshigu la Pfhumu li nata nga mbafa, vbakari nya wutshigu.

Jakobe 5:8

Enu nenu, timiselani, mu nga garali, kholu, Pfhumu womo vbafuvbi ni gu vboha.

1 Pedro 4:7

Mahegiso nya silo satshavbo gomo vbafuvbi. Gu vbwetega mu gengela, mu dzi wonela, gasi mu kodze gu lombelela.

Gutuledwa 6:17

kholu Litshigu likhongolo nya likhulo laye li vbohide; khu mani a na gu li tiyelago?”