Joyele 1:7 - Bhibhiliya Nya Guage

⁷ Va sasede marembwe yangu nya miuvha, va kuluwula ngwandzi nya kandzu wangu, va wu dzudzuga vbavbatshi wu tshala nyambana gilo; matamo yaye ma kwalala.

Joyele 1:7 Iomraidhean Croise

Dzindzimo 105:33

A di songa misimbo nya mikandzu ni miguhu; a fanyeledzela misimbo yawe yi guromo mivbinganoni.

Ekisodha 10:14

Mbasa yi di gwela tigoni gwatshavbo ga Egipito, yi ta mbaka khu talo malangani gwatshavbo ya Egipito. Gima yi di si gu manegi mbasa nya yingi nya kharati, gukhugela guhegulani, gambe gima kha yi na nga manega yimbe nya nga kharato.

Ekisodha 10:15

Mbasa yi di fenengedza mafu yatshavbo ma vbindrugedza ma sivbala hayo phum. Yi di hodza mwasi watshavbo wa tigoni ni mihandro yatshavbo nya misimbo yi nga tshidwago khu maralala. Kha gwa tshala ni lihagane nya gunagane misimboni, mwendro mwasi tigoni gwatshavbo ga Egipito.

Isaya 24:7

Vbinyu yi ngu lila miuvha nya yiphya yi ngu wu na; ni wadwa wu na kala ngudzu, ava va nga bani va tsaka va ngu lila.

Isaya 32:12

Nogisani dzithamo dzanu mu lilela marembwe yanu nya gunone ni dzimbewu mu nga bani mu gu fuma.

Isaya 5:6

Nyi na li vbindrugedza li khala giwula, miuvha gima kha yi na avbuledwa gambe, mwendro gu limedwa, aholu umomo, gu na dandra miba ni sirangalabwa, nyi na ruma mapfhi ma si wisi ndzadzi umo.

Jeremiya 8:13

“Nyi na va vbiyela havo bhi.” A ngu ganela Pfhumu Nungungulu. Kha gu na tshala likandzu vbatshani nya kandzu, ambari lidimwa dimwani ni mahagane ma na wu na; olu nyi rumede avo va na gu ya va sasela.

Hoseya 2:12

Nyi na mu thela dzitshoni mbeli ga sibhayi saye; mwalo a na gu mu vbulugisa mandzani gwangu.

Joyele 1:12

Miuvha yi bangide, gu wu na ni kandzu; dimwa, ni ngindru ni manga; misimbo yatshavbo ya mahangeni yi bangide gu fuva litsako vbakari nya sanana nya vathu.

Amosi 4:9

Nyi vetide marembwe yanu nya mangi khu nilo ni gipupwane, ni marembwe yanu nya miuvha, miguhu ni miolivha yanu, satshavbo si hodzidwe khu mbasa, ambari khu guralo, enu kha mwa vbindrugedza mu wuya avbo gwangu, a ngu ganela Pfhumu Nungungulu.

Habhakuka 3:17

Ambari mikandzu ya gumba thela nyenvu, gu si manegi dziuvha umo nya miuvha, gu si manegi mihandro nya olivha, mahange ma si dusi mihandro, gu si manegi dzinvuta pandroni, dzimombe dzi si manegi phandroni,

Malakiya 3:11

“Khu gufela enu, nyi na fuvisa humbi nya dzimbera gasi yi si ghoheteli mihandro nya mafu; misimbo yanu nya miuvha kha yi na nga khala nyamba ninga mihandro marembweni gwanu,” a ngu ganela Pfhumu Nungungulu nya Tshivba Yatshavbo.