Joyele 1:4 - Bhibhiliya Nya Guage

⁴ Esi si tshidwego khu pungu, si hodzidwe khu khaba; iso si nga tshidwago khu khaba si hodzidwe khu mbasa niso si nga tshidwago khu mbasa, si hodzidwe khu sibukhwa.

Joyele 1:4 Iomraidhean Croise

1 Dzipfhumu 8:37

Gwa gu manega ndzala tigoni, mwendro tungu, ni gihala gi vbisa dzimbewu, maluvbya, dzimbera ni siwungu; va gu randredwa khu valala vawe, tigoni gu gu ni dzindranga dzawe, mwendro gu manega dzingumbe nya guhambanelane ni mitungu,

2 Dzikoronika 6:28

Mafuni ya gu manega ndzala, gu manega mitungu, gihala ni guhina nya dzimbewu, mbasa nya guhambanelane, ni gu valala va sasela vathu vago dzindrangani gwawe, ni gu mana mitungu ni madwali nya guhambanelane,

2 Dzikoronika 7:13

Nya gu sega gupindruga yi siwi ndzadzi, ni gu, nyi rumela mbasa guta vbedza marembwe yanu, ni gu, Nyi rumela mitungu ga vathu vangu;

Dzindzimo 105:34

A di ganela, dzi duga dzimbera, yi vboha mbasa nya gutale nyamba saywa.

Dzindzimo 78:46

A di rumela gambe siwungu si hodza dzimbewu dzawe ni mbasa yi hodza mihandro nya thumo wawe.

Ekisodha 10:4

Kholu wa gu simama gu bomba gu tshula vathu vangu va hongola, mindru nyi na guhula mbasa tigoni gwago gwatshavbo.

Ekisodha 10:5

Mbasa yi na fenengedza mafuni gwatshavbo ni mafu kha ma na nga wonega. Yi na hodza satshavbo esi si nga tshalago ni esi si nga vbuluga maralala; yi na hodza ni misimbo yatshavbo yi thungago marembweni gwanu.

Isaya 33:4

Khu guralo, silo sanu mu phangidego, si na wungedzedwa kha nga idzo yi wungedzedwago khidzo mbasa; kha nga dzimbera dzi ndragandragago, kharato nugo, vathu va na ndragandraga navo.

Jeremiya 51:14

Pfhumu Nungungulu nya Tshivba Yatshavbo, sambanyide khu wurumba waye kamwe, khuye: “Nyi na rumela vathu nya gutale, nya gufanane ni mwamba nya dzimbera, va nata womba mikulungwane nya gu ghiye khu gu gupala.”

Jeremiya 51:27

Ghwimbani ngavbya mafuni, mu womba pundru vbakari nya mayigo, mu rana mayigo ma ya mu sasela; mu mu rambela mifumo ya Ararati, Mini ni Asikinazi! Mu hatha muthangeli nya nyimbi, mu rumela dzikavalu nya gutale, dzi mu fenengedza kha nga mwamba nya dzimbera.

Joyele 2:25

Nyi na mi bweledzela nyaluphye myaga yile dzimbewu dzanu dzi nga mbembiswago khu mbasa, khaba, sibukhwa, mipungu ni libutho langu nya likhongolo nyi nga mi rumelago.

Amosi 4:9

Nyi vetide marembwe yanu nya mangi khu nilo ni gipupwane, ni marembwe yanu nya miuvha, miguhu ni miolivha yanu, satshavbo si hodzidwe khu mbasa, ambari khu guralo, enu kha mwa vbindrugedza mu wuya avbo gwangu, a ngu ganela Pfhumu Nungungulu.

Amosi 7:1

Pfhumu Nungungulu a di nyi yeyedza esi: Wonani, guphelani nya gurumbuge nya mela nya wuvili nya mwasi, uye a di gira mbasa. Hwane nya gu mufumeli na vbedzide guvbwera dzimbewu.

Malakiya 3:11

“Khu gufela enu, nyi na fuvisa humbi nya dzimbera gasi yi si ghoheteli mihandro nya mafu; misimbo yanu nya miuvha kha yi na nga khala nyamba ninga mihandro marembweni gwanu,” a ngu ganela Pfhumu Nungungulu nya Tshivba Yatshavbo.

Dhewuteronome 28:38

Mahangeni gwago u na yala dzimbewu nya dzingi; aholu uwe u na vbwera dzidugwana, kholu dzi na bani dzi hodzidwe khu dzimbera.

Dhewuteronome 28:42

Misimbo yatshavbo yi ningago mihandro ya tigoni gwanu, yi na hodzwa khu mbasa.