Joyele 1:19 - Bhibhiliya Nya Guage

¹⁹ Nyi ngu lila avbo gwago uwe Pfhumu Nungungulu, kholu nilo wu vbiside mahawo ya giwulani, ni malavbelavbe nya nilo ma khondriside misimbo yatshavbo ya khabini.

Joyele 1:19 Iomraidhean Croise

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 91:15

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Jeremiya 14:4

Valimi navo va fenengedzide dzikhovbe dzawe khu dzitshoni, khu kotani nya mafu ma bangidego, kholu ndzadzi kha yiwi mafuni.

Jeremiya 3:9

Khu gumba khathala gwaye, nyenyeziside litigo latshavbo, khu gu khozela sifananiso nya siwindri ni misimbo.

Jeremiya 9:10

Nyi na lila khu kotani nya sigomo ni gu womba huwa ni gu embelela dzindzimo nya gililo khu kotani nya wuhaviselo wa giwulani; kholu malanga yaya ma dagarede khu luvbya, olu mwalo ni moyo a vbindrago gambe khumo; mule kha gu nga gu pwala gambe ligwaha nya mitshambi; ambari sinyoni sa damboni gumogo ni sirengo si phalalegide.

Jeremiya 9:9

Pfhumu Nungungulu a ngu ganela, khuye: “Ina kha nyi na va tsayisa khu kotani nya sihoso sesi, gani? Ina kha nyi na dzi phodzela ga litigo nya gufanane ni eli, gani?

Joyele 2:3

Mbeli gwawe gu thangide nilo nya gumbembise; khu hwane gwawe gu wonega malavbelavbe nya nilo; mbeli gwawe mafu ma gu fanana ni lithembwe la Edheni, aholu khu hwane gwawe gu di fanana ni giwula nya gihala; mwalo a na vbulugago.

Amosi 1:2

Uye a di ganela, khuye: “Pfhumu Nungungulu a na bhonga khu Siyoni, a pwadza lito laye khu Jerusalema; gu manega gililo wuhaviseloni ga vahavisi, gubanga tshokatunu nya gigomo gya Karimelo.”

Amosi 7:4

Pfhumu Nungungulu a di nyi yeyedza esi, khuye: Wona nya gukhuwe Pfhumu Nungungulu a ngu vbweta guta lamula vathu vaye khu nilo, uwo wu na vbisago nondrwa nya guete, wu gu mbembisa gambe linene.

Mikeya 7:7

Gasi eni, nyi na tumba Pfhumu Nungungulu; nyi na namarela ga Nungungulu a gu muvbulugisi wangu; kholu Nungungulu wangu a na nyipwa.

Luka 18:1

Khavbo avbo, a di va embela gipimaniso gi yeyedzago giguruvedzo nya gulombelele nyamba garala, khuye:

Luka 18:7

Ina Nungungulu khuye a na gumba lamula sihathwa saye, si mu ranago wutshigu ni mihani, ambari a gu gira gukhwatshi a gu hwela, gani?