Joyele 1:14 - Bhibhiliya Nya Guage

¹⁴ Dzi agiseleni litshigu nya guhale, tivisani litshigu nya guloledziswe, mu tombanisa madhota ni vatshavbo vavbanyi va tigoni momu, Nyumbani ga Pfhumu Nungungulu wanu, mu lila ga Pfhumu Nungungulu.

Joyele 1:14 Iomraidhean Croise

2 Dzipfhumu 10:20

Jewu a di engedza gambe, khuye: “Rambani tshangano nya khongolo nya guage wa Bhahali.” Avo va di wu ramba.

2 Dzikoronika 20:13

Vatshavbo va na Judha va di emide mbeli ga Pfhumu Nungungulu, gumogo ni sanana sawe, ni vagadzi vawe ni sanana sawe nya sikhwathana.

Nehemiya 8:18

Khu litshigu ni litshigu, Ezira, a di hevbula Libhuku nya Nayo wa Nungungulu, gukhugela litshigu nya guphele, kala litshigu nya guhegise, va gira buzo yoyo kala livbandre na mavili matshigu; khu litshigu nya livbandre na mararu, va di tshangana va dhumisa Pfhumu Nungungulu, kha nga idzo gu nga lowago khidzo.

Jeremiya 14:2

Judha a ngu lila, madhoropa yaye ma vbede tshivba; vavbanyi vaye va thegide vbavbatshi na va ambade silendra, gupwala huwa dhoropani ga Jerusalema.

Jeremiya 36:9

Khu ngima nya livbandre na wu na nya mwaga nya livbandre nya gufume ga Jowakimi, mwamana wa Josiya, mufumeli wa Judha, gu di tiviswa ga vathu vatshavbo va Jerusalema, thetho nya guhale mbeli ga Pfhumu Nungungulu, gumogo gambe ni vathu vatshavbo va nga bani va guta Jerusalema khu madhoropani ya Judha.

Joyele 1:2

Upwani esi enu madhota, yingisani, enu vathu vatshavbo mu vbanyago tigoni. Ina gu di nga girega silo nya esi guvbanyani gwanu, gani, mwendro matshiguni ya vakokwe vanu, gani?

Levhi 23:36

Litshigu ni litshigu nya ayoyo nya livbandre na mavili, mu na ningelani phaso nya guvbiswe ga Pfhumu Nungungulu: Khu litshigu nya livbandre na mararu, mu na gira tshangano nya guage, mu gira ningelo nya guvbiswe ga Pfhumu Nungungulu. Tshangano nya buzo nya gunengele, mu nga thumi thumo nya gulemele.

Jona 3:5

Vathu va Ninivha va di khodwa ga Nungungulu, va emisa litshigu nya guhale, va ambala dzisaku, gukhugela avo nya vakhongolo kala avo nya vadugwane.

Jona 3:8

Aholu, vathu ni sirengo va na ambale dzisaku, va lila khu tshivba yawe yatshavbo ga Nungungulu. Muthu ni muthu a leya ndzilani gwaye nya guvivbe a hambane ni wughevenga wa mandzani gwaye.

Sofoniya 2:1

Rambanani mu tshangana mu wuyisela mapimo, enu vathu nyambana dzitshoni.