Joyele 1:13 - Bhibhiliya Nya Guage

¹³ Enu vaphasi nya mhamba, ambalani silendra mu lila; wombani huwa enu mu thumelago vbagiluvelotunu; belani na mu ambade silendra, mu lila wutshigu watshavbo, enu mu thumelago Nungungulu wangu; kholu miningelo nya dzimbewu niyo nya wadwa, kha yi ningedwi gambe Nyumbani ga Nungungulu wanu.

Joyele 1:13 Iomraidhean Croise

2 Samuweli 12:16

Dhavhidhe a di lombelela khu gyanana ga Nungungulu, a hala a si hodzi gilo, a bela nyumbani gwaye a lala vbavbatshi wutshigu watshavbo.

1 Dzipfhumu 21:27

Avbo Akabi, a ngapwago magana yaya, a di pferula ngandzu yaye a ambala saku a hala; a di lala vbasakutunu a vbisega ni guvbela tshivba.

Isaya 22:12

Ga litshigu lolo, Mune, Pfhumu Nungungulu nya Tshivba Yatshavbo, a ngu mi ramba gu muta lila, ni gutsikwila, mu vbalula ndzudzu hungoni ni gu ambala myendra nya silendra.

Isaya 61:6

Aholu enu mu na ranwa vaphasi nya mhamba ya Pfhumu Nungungulu, va na mi rana sithumi sa Nungungulu wathu. Mu na hodza dzithomba dza va nya mayigo, ni dzithomba dzawe, dzi na khala dzanu.

Jeremiya 4:8

Khu guralo, ambalani silendra mu lila ni gu womba dzihuwa; kholu nilo nya likhulo la Pfhumu Nungungulu kha wa ndreya mbeli gwathu.

Jeremiya 9:10

Nyi na lila khu kotani nya sigomo ni gu womba huwa ni gu embelela dzindzimo nya gililo khu kotani nya wuhaviselo wa giwulani; kholu malanga yaya ma dagarede khu luvbya, olu mwalo ni moyo a vbindrago gambe khumo; mule kha gu nga gu pwala gambe ligwaha nya mitshambi; ambari sinyoni sa damboni gumogo ni sirengo si phalalegide.

Ezekiyeli 21:12

Womba huwa ni gu dilela, uwe mwamana wa muthu, kholu, ilo li na songetela vathu vangu, ni dzindruna dzatshavbo dza Israyeli. Avo, gumogo ni vathu vangu va ningedwe gasi gu songwa khu matshari; khu guralo, lila u dzi veta nyonga yago.

Ezekiyeli 27:31

Va na vidwa likhwalo ni gu ambala silendra khu kotani gwago; va na gu lilela khu wuvi wawe watshavbo; va gira gililo nya gikhongolo.

Ezekiyeli 7:18

Avo va na dzi fenengedza khu myendra nya silendra, na va tade khu gundrendremela. Va na fenengedzwa khovbeni khu dzitshoni, va vidwa likhwalo hungoni.

Hoseya 9:5

Ginani mu na girago matshiguni nya mikhuwo yi vegisidwego, ni matshigu nya buzo wa Pfhumu Nungungulu, na?

Joyele 2:12

Khu guralo, olu kamwe, a ngu ganela Pfhumu Nungungulu, khuye: Vbindrugedzani mu wuye gwangu khu monyo wanu watshavbo; isoso na mu gu hala khu gu lila ni gu womba dzihuwa.

Joyele 2:14

A gu dzina saye a na bwelela hwane a dzi laya, a mu ninga makategwa, a mu ninga wuguvbi ni miningelo nya vhinya nya guphasele khiso Pfhumu Nungungulu wanu.

Joyele 2:17

Va na lile vaphasi nya mhamba, va thumelago Pfhumu Nungungulu, va na lile vbakari nya mwanya nya Nyumba ya Nungungulu ni giluvelo, va lombelela khavo: Uwe Pfhumu Nungungulu tsetsa vathu vago, u nga ningeli thomba yago yi khala gihegiso, va nya mayigo va gira guhaladza khiyo; kholu mambe mafumbu ma nga ganela khayo: Womo hayini Nungungulu wawe?

Mitengo 28:14

Ningelo wakone nya vbinyu wu na bani wuri wa gipandre nya deva khu mombe ni mombe, gipandre nya wuraru nya deva khu nvutana ni nvutana ni gipandre nya wu na nya deva khu gihambana ni gihambana. Owu khu phaso nya guvbiswe nya litshigu nya guhegule nya ngima ni ngima nya mwaga watshavbo.

Mitengo 28:4

U na ningela gihambana gimwegyo dzimindrudzile, gimbe u na ningela gupfolani nya lidambo.

Mitengo 28:7

Ningelo wakone nya wadwa, wu na bani wuri wa gipandre nya wu na nya deva ga gihambana nya guhegule; vbinyu nya yadi yi fanede gu khala mhamba nya guvbaladzedwe Pfhumu Nungungulu Wulangani nya Guage.

Mitengo 29:6

Vbavbandze nya miphaselo yi girwago khu ngima ni ngima ni miningelo yaye nya guhodze ni wadwa, a na bani nari phaselo nya gusimamise kala gupindruga gukhedza khu sileletelo saye; wu na bani wuri phaso nya guvbisedwe Pfhumu Nungungulu, wu dusa mahema nya gunungele nya gu Mu salalegise.”

1 Vakorinto 4:1

Gu vbwetega vathu va hi wone kha nga sithumi sa Kristo hi ningidwego thumo nya gutivise ni gu sayisa misihalo ya Nungungulu.

1 Vakorinto 9:13

Ina mwa gu hangwa khu gukhenu ava va thumelago Nyumbani ga Nungungulu va na ni fanelo nya guhodziswe khu Nyumba ya Nungungulu, gani? Vaningeli nya mhamba kha va ngu hakha gipandre nya miningelo ya vbagiluvelotunu, gani?

2 Vakorinto 11:23

Avo sithumi sa Kristo? Nya gu ganela nga gipumbu, nyi na ganela kheni, eni nyi womo mbeli ngudzu guvbindra avo. Nyi va vbindride mbeli ga mithumo yatshavbo; gu khothedwa mapasoni, gu kwamudwa khu dzimboma, gu vbuluga gufa gikhati nya gingi.

2 Vakorinto 3:6

Uye khuye a nga nyi gira nyi khala githumi nya gidzumeledzwano nya giphya, nasiri gidzumeledzwano nya gulowe, aholu nya Liphuvbo la Nungungulu; kholu nayo nya gulowe wu ngu songa, gasi Liphuvbo la Nungungulu la gu vbanyisa.

2 Vakorinto 6:4

Ga satshavbo hi ngu dzi wonegisa gukhethu hi sithumi sa Nungungulu, khu gu hunisela ngudzu, dzitshanisa, guhamuga, ni sigaradzo,

Gutuledwa 11:3

Nyi na rumela dzifakazi dzangu dza dzimbili na dzi ambade gilendra gasi gu profeta mahungu ya Nungungulu, gipimo nya likhumi mazana ni mazana mavili ni livbandre na limwedo magumi (1.260) matshigu.”