Joyele 1:11 - Bhibhiliya Nya Guage

¹¹ Valimi va va vbede tshivba, va yali nya miuvha va womba huwa khu kotani nya tirigu ni mala, kholu dzimbewu dza mahangeni dzi fuvisidwe.

Joyele 1:11 Iomraidhean Croise

Isaya 17:11

Ambari iso u na si yalago, si vbiredzela gudandra, khu litshigu li landrelago si thela wenge, iso u na vbwerago si na mwalalega khu litshigu nya gutshaniseke ni wuvi nyamba vbela.

Jeremiya 14:2

Judha a ngu lila, madhoropa yaye ma vbede tshivba; vavbanyi vaye va thegide vbavbatshi na va ambade silendra, gupwala huwa dhoropani ga Jerusalema.

Jeremiya 50:16

Fuvisani tigoni ga Bhabhiloni wule a yalago dzimbewu, ni wule a dzegago givbwero gikhatini nya guvbwere dzimbewu; valuveli vatshavbo va na khala hwanga, khu kotani nya nyimbi nya wusaseli, muthu ni muthu a na thavela ga va na gyawe moyo ni moyo a na thavela tigoni gwawe.

Jeremiya 9:12

Khu mani muthu nya gugengele a yelago gu siti silo sesi? Khu mani a layidwego khu Pfhumu Nungungulu, gasi a tshamusela khuye magana yaye? Khu ginani litigo li mbembidego ni gu dagarela kha nga giwula, avbo nya gu mwalo ni muthu a vbindrago khumo?

Ezekiyeli 30:2

Mwamana wa muthu, profeta u ganela, khuwe: Mune Pfhumu Nungungulu, a ngu ganela kharati, khuye: Wombani huwa mu ganela, khenu: Yowe Libango! Ga litshigu lile!

Amosi 5:16

Khu guralo, Pfhumu Nungungulu nya Tshivba Yatshavbo, uye a gu Pfhumu a ngu ganela kharati, khuye: Dzindzilani gwatshavbo gu na manega gililo, ni mitalalani va na ganela, khavo: Yowe! Yowe! Va na rana mulimi gasi guta lila, ni vatshavbo avo va kodzago gulila.

Varoma 5:5

Gitumbo gegi kha gi hi phazamisi kholu Nungungulu tadzide myonyo yathu khu lihaladzo laye khu tshivba nya Liphuvbo nya Guage, a gu giningwa hi ningidwego khu Nungungulu.