Joyele 1:10 - Bhibhiliya Nya Guage

¹⁰ Va sasede lithembwe, litigo lomo gililoni, kholu va ghohetede tirigu, wadwa nya dosi nya dziuvha, mafura kha ma manegi gambe.

Joyele 1:10 Iomraidhean Croise

Genesi 4:12

Ambari u lima kharini, mafu kha ma na gu ninga gambe gufuma mihandro khu tshivba yaye. U na penga u legalega ni litigo.”

Isaya 15:6

Kholu mati ya Ninirimi ma vbwide, wuhaviseloni gu bangide, guvbela mwasi, gu mwalo gambe mitongwe.

Isaya 24:11

Vathu va gu lila mudzindzilani khu gu hamugega vbinyu; gutsaka gwatshavbo gu vbede, yi fuvisidwe mihagano yatshavbo ya mafuni.

Isaya 24:7

Vbinyu yi ngu lila miuvha nya yiphya yi ngu wu na; ni wadwa wu na kala ngudzu, ava va nga bani va tsaka va ngu lila.

Jeremiya 12:11

Va li ghohetede, la gu lila avbo gwangu khu kotani nya olu li khadego giwula; litigo latshavbo li pfhungumudwe, aholu mwalo a khathalago khu isoso.

Jeremiya 12:4

Kala lini litigo na liri ni gililo, ni gu banga mwasi wa marembweni gwatshavbo? Khu kotani nya guvivbe nya avo va vbanyago umo, gu ngu mbemba sirengo ni sinyoni; na va gukhavo: “Uye kha na wona mahegiso yathu.”

Jeremiya 48:33

Dzindzimo ni mikulungwane, kha dzi nga gu pwala gambe tigoni nya gunone ga Mowabhi, nyi bangiside miphongolo yi thedwago umo vbinyu; mwalo gambe a na gu gamago dziuvha khu litsako, gwa gu manega ndzimo, yi na bani yiri ya gililo.

Hoseya 4:3

Khu guralo, litigo li ngu lila, vatshavbo va vbanyago umo va ngu vbela tshivba; gumogo ni sirengo sa khabini, sinyoni sa damboni, ni dzindzandzi dza phwani sa gufa.

Hoseya 9:2

Aholu tirigu ya vbasithalatunu ni mafura ya miphongoloni gwanu, kha si na mi hodzisa, ni vbinyu nya yiphya kha mu na yi linga.

Joyele 1:12

Miuvha yi bangide, gu wu na ni kandzu; dimwa, ni ngindru ni manga; misimbo yatshavbo ya mahangeni yi bangide gu fuva litsako vbakari nya sanana nya vathu.

Joyele 1:5

Wugani mu lila, enu sidhakwa; wombani huwa mwatshavbo vaseli nya vbinyu, lilani khu kotani nya wadwa nya dosi nya diuvha, wu dusidwego maganani gwanu.

Joyele 2:19

Pfhumu Nungungulu a na phindrula, a embela vathu vaye, khuye: Wonani, nyi na mi rumela tirigu, vbinyu nya yiphya ni mafura, mu na khura khiso, gambe gima kha nyi na mi ningela mu khala gihegiso vbakari nya mayigo.

Levhi 26:20

Mu na luza tshivba khu guthuma mahala; mafu yanu kha ma na dusa dzimbewu, ni misimbo ya tigoni gwanu kha yi na dusa mihandro yaye.

Habhakuka 3:17

Ambari mikandzu ya gumba thela nyenvu, gu si manegi dziuvha umo nya miuvha, gu si manegi mihandro nya olivha, mahange ma si dusi mihandro, gu si manegi dzinvuta pandroni, dzimombe dzi si manegi phandroni,

Agewu 1:11

Nyi reside gihala mafuni, musigomoni, umo nya tirigu, umo nya miuvha, umo nya mafura ni gwatshavbo umo mafu ma ningago mihandro, gumogo gambe ni umo nya vathu, numo nya sirengo, ni vbatshani nya thumo watshavbo nya mandza yanu.

Malakiya 2:3

Nyi na tsayisa situgulwana sanu, nyi gwiringela khovbeni gwanu, swanyi nya sirengo mu nyi luvago khiso, mu na dzudzugwa vbavbandze gumogo ni swanyi nya mibuzo yanu.