Josuwa 9:25 - Bhibhiliya Nya Guage

²⁵ Ethu hi womo mandzani gwanu, gira avbo gwathu iso u si wonago nari sadi ni gululama mbeli gwathu.”

Josuwa 9:25 Iomraidhean Croise

Genesi 16:6

Abrama a di mu hakha, khuye: “Githumi gyago gyomo mandzani gwago; gira gugola gwago khu igyo.” Khavbo avbo, Sarayi a di gi tshanisa a gu gi tshonegisa. Agari a di khuga a gu thavela hwindzo.

2 Samuweli 15:26

Aholu Uye a gukhuye: “Eni kha nyi ngo tsakiswa gambe khuwe, eni nyi womo avba, a na gire guhaladza gwaye kheni.”

2 Samuweli 24:14

Khavbo avbo, Dhavhidhe a di embela Gadhi, khuye: “Nyi womo vbakari nya wuvi nya wukhongolo, hi na thegeleni mandzani ga Pfhumu Nungungulu, kholu wuhindzi waye wungi ngudzu, gasi nyi si thegeli mandzani ga vathu.”

2 Dzipfhumu 10:5

Khavbo avbo, uye a nga bani nari kubanati nya nyumba ya mufumeli, ni muthangeli nya lidhoropa, madhota ni sithumi, va di rumela lito ga Jewu li gu, khilo: “Ethu hi sithumi sago, satshavbo u na hi embelago hi na gira; mwalo hi na gu mu emisago a khala mufumeli; gira iso si gu sadi mahoni gwago.”

Isaya 47:6

Na nyi khuvegide ngudzu khu kota ya vathu vangu, nyi di nyenyezisa thomba yangu nyi yi ningela mandzani gwago. Aholu uwe gima khwa va pwela gisiro; ambari ni sikhosane u di si rwega mirwalo nya gulemele ngudzu.

Jeremiya 26:14

Gasi eni kheni oyu, nyi womo mandzani gwanu; girani kheni iso mu si wonago na siri sadi na si lulamide khu eni.

Jeremiya 38:5

Mufumeli Zedhekiya a di ganela, khuye: “Khu yoyo, womo mandzani gwanu; kholu eni gimwalo gihimbedzo nyi dzi kodzago gu mi girela.”

Matewu 11:26

Ina, Baba, kholu khidzo si nga gu nengedzisago khidzo.

Josuwa 9:26

Josuwa a di gira isoso avbo gwawe, a va vbanyisa mandzani ga sanana sa Israyeli gasi si si va songi.

Valamuli 10:15

Aholu va na Israyeli va di embela Pfhumu Nungungulu, khavo: “Hi ghohide; hi gire esi u si wonago nari sadi, aholu hi ngu gu lomba gukhethu, hi tshudzise muhuno.”

Valamuli 8:15

Khavbo avbo, Gidhiyoni a di hongola Sukoti aya embela vathu va iyoyo, khuye: “Avba womo Zebha ni Zalimuna, avo mu nga nyi hega khu avo, mu ganela, khenu: Zebha ni Zalimuna va ngari mwalo mandzani gwago, khu ginani hi na gu ningela guhodza masotshwa yago ma garadego?”

1 Samuweli 3:18

Khavbo avbo, Samuweli a di mu embeledzela satshavbo nyamba siha ni gimwegyo. Eli a di khuye: “Pfhumu Nungungulu a na gire iso a si wonago na siri sadi.”