Josuwa 9:17 - Bhibhiliya Nya Guage

¹⁷ Khavbo avbo, va na Israyeli va di phara ndzila, hwane nya matshigu mararu va di vboha madhoropani. Madhoropa yoyo ma diri aya: Gibheyoni, Kafira, Bheyeroti ni Kiriyati-Jeyarimi.

Josuwa 9:17 Iomraidhean Croise

2 Samuweli 4:2

Uye a diri ni dzindruna dzimbili nya nyimbi, dzi nga bani dzi gu ranwa khu malina yaya: Mweyo a diri iyo Bhahana, yimbe yi di ranwa gupwani khu Rekabhi, sanana sa Remoni-Bheyeroti nya lihundzu la na Bhejami.

1 Dzikoronika 12:4

Isimaya, nya Mugibhiyoni, moyo nya ndrena ni muthangeli wa avo nya magumararu dzindrena;

1 Dzikoronika 2:50

Esi khiso si nga bani siri sanana sa Kalebi. Sanana sa Huri, matiwula ya Efrata si diri esi: Sobhali, babe wa Kiriyati-Jeyarimi,

1 Dzikoronika 2:52

Sanana sa Zobhali, babe wa Kiriyati-Jeyarimi si diri esi: Harowe ni Hazi wa Hamenuwoti.

1 Dzikoronika 2:53

Mapango ya Kiriyati-Jeyarimi a diri aya: Va na Hitiriti, va na Peretewusi, va na Sumati ni va na Misirayi; khu avba gu tumbulugide va na Zorati ni va na Esitawole.

1 Dzikoronika 21:29

Kholu, tshatsha wa Pfhumu Nungungulu, owu Mosi a nga wu vbahago giwulani, ni giluvelo nya dzimhamba nya guvbiswe, khu gikhati gyogyo si di bani si ngari gigomoni gya Gibheyoni.

Ezira 2:25

Va na Kiriyati-Arimi, va na Kefira ni va na Bheyeroti va diri livbandre na mavili mazana ni magumana na vararu (743).

Nehemiya 7:29

Vama va Kiriyati-Jeyarimi, Kefira ni Bheyeroti, livbandre na mavili mazana ni magumana na vararu (743).

Jeremiya 26:20

Gu diromo gambe mumbe muprofeti, lina laye a di ranwa gupwani khu Uriya, mwamana wa Simaya, wa Kiriyati-Jeyarimi, a di ganela nuye khu lina la Pfhumu Nungungulu khu kotani ya Jerusalema ni litigo la Judha, khu magana nya gufanane ni ya Jeremiya.

Josuwa 10:2

a di thava a khala ngudzu hwanga; kholu Gibheyoni a diri lidhoropa nya likhongolo nya gufanane ni mambe madhoropa nya mitsindza gambe li diri likhongolo gu vbindra Ayi, ni vama vaye vatshavbo va diri dzindrena.

Josuwa 15:60

Kiriyati-Bhahali, (a gu Kiriyati-Jeyarimi) ni Rabhani; madhoropa yatshavbo, mavili gumogo ni mitalala yawe.

Josuwa 15:9

Gukhugela tshokatunu nya gigomo kala matini ya Nefitowa; wu duga kala madhoropani ya gigomoni gya Efroni; vbingano wowu wa gu hongola gambe kala Bhahala, mwendro Kiriyati-Jeyarimi.

Josuwa 18:14

Bwelo khavbo wu ladza guya Marandzi, khu Pfoladambo, wu khugela gigomoni gi guromo vbafuvbi ni Bheti-Horoni, khu Marandzi, wu ya hegisela Kiriyati-Bhahali, a gu Kiriyati-Jeyarimi, lidhoropa la na Judha. Egi a diri gipandre gya Pfoladambo.

Josuwa 18:15

Khu phuvbo ga Marandzi, wu di khugela mahegiso nya lidhoropa la Kiriyati-Jeyarimi wu vbindra kala milamboni nya mati ya Nefitowa;

Josuwa 9:16

Hwane nya matshigu mararu na va giride gidzumeledzwano gegi, va di tugula nya gukhavo mafumbu yaya vaakelane vawe gambe va di gu vbanya vbakari gwawe.

Josuwa 9:18

Kha va ma khungumula khu kotani nya gisambanyo gi nga bani gi giridwe khu manganagana nya tshangano, khu lina la Pfhumu Nungungulu wa Israyeli; aholu tshangano watshavbo wu di phela gu lemba manganagana.

Josuwa 9:3

Aholu vavbanyi va Gibheyoni, avbo va nga pwa iso si nga girwa khu Josuwa dhoropani ga Jeriko ni Ayi,

Josuwa 9:9

Avo va di hakha, khavo: Sithumi sago sa guta khu mayigo ya hwindzo ngudzu, hi dipwa ndruma ya Pfhumu Nungungulu wago; khu guralo, hi pwide na gu ganedwa khu satshavbo a giridego tigoni ga Egipito;

Valamuli 18:12

Va di gwela vaya ghova Kiriyati-Jeyarimi, tigoni ga Judha, wulanga gu ranwago pwani, Mahani-Dhani, kala na muhuno, wulanga wowu wu khade khu hwane ga Kiriyati-Jeyarimi.

1 Samuweli 6:21

Khavbo avbo, va di rumela myango ga vavbanyi va Kiriyati-Jeyarimi, va va embela, khavo: “Vafilisitiya va bweledzide Ngasa ya Pfhumu Nungungulu; olu deluni mu ta yi dzega yita iyo gwanu.”

1 Samuweli 7:1

Khavbo avbo, va dita vama va Kiriyate-Jeyarimi va ta rwala Ngasa ya Pfhumu Nungungulu va yi yisa ndrangani ga Abhinadhabhi, yi nga bani yi manega gigomwanani; va hatha mwanaye, Eleyazari gu khala musayisi nya Ngasa ya Pfhumu Nungungulu.