Josuwa 9:14 - Bhibhiliya Nya Guage

¹⁴ Va na Israyeli va di dzumela gu hakha dzisagwati dzawe, nyamba phela khu gu wudzisa Pfhumu Nungungulu.

Josuwa 9:14 Iomraidhean Croise

2 Samuweli 2:1

Khu hwane nya esi, Dhavhidhe a di wudzisa ga Pfhumu Nungungulu, khuye: “Ina nyi na gwela ga lidhoropa nya gukari la Judha, gani?” Pfhumu Nungungulu a di mu hakha, khuye: “Indra.” Dhavhidhe, khuye: “Nyiya hayi?” A di phindrudwa gupwani: “Hebroni.”

2 Samuweli 5:19

Khavbo avbo, Dhavhidhe a di wudzisa Pfhumu Nungungulu, khuye: “Ina nyi ngu yela gu dwana ni Vafilistiya, gani? U na va ningela mandzani gwangu, gani?” Pfhumu Nungungulu a di mu hakha, khuye: “Indra, khu lisine Eni nyi na va ningela mandzani gwago.”

Ezira 8:21

Na hiri vbafuvbi ni tsongo wa Ahavha, nyi di emisa litshigu nya guhale gasi gu dzi sola mbeli ga Nungungulu wathu, gasi hi mu lomba gu a hi yeyedze ndzila nya yadi, ethu ni sanana sathu, gumogo ni silo sathu satshavbo.

Ekisodha 28:30

U na vega gambe gikhwesoni nya mahungu “Urimi” ni “Tumimi” dzi fela gu manega avbo nya khana ya Aroni, gikhati aya belago mbeli ga Pfhumu Nungungulu; khu magirelo yoyo, Aroni a na rwala monyoni gwaye, gulamula ga sanana sa Israyeli mbeli ga Pfhumu Nungungulu kala gupindruga.

Mitengo 27:21

Uye a na ya ema mbeli ga muphasi nya mhamba, Eleyazari; muphasi nya mhamba a na wudzisa khu uye ga Pfhumu Nungungulu khu gulola solo nya guage, khu guleleta nya Urimi; khuye a na ningago lito nya gu va duga, khuye gambe a na ningago lito gukhuye va bele, uye gumogo ni va na Israyeli ni tshangano watshavbo.”

Jakobe 1:5

A gu bani a romo moyo wanu a keneledwago khu guti, a na gu lombe ga Nungungulu a ningago khu wuhindzi ga vatshavbo nyamba sola, a na ningwa.

Josuwa 9:13

Mikwama yeyi nya wadwa yi di bani yi ngari yiphya gikhati hi nga yi tadzago; gasi olu yi hagade ni gu tshulegela. Guambala gwathu ni silato sathu si hagade ni gughuka, khu kotani nya ndzila yi nga laphago ngudzu.”

Valamuli 1:1

Hwane nya gufe ga Josuwa, va na Israyeli va di wudzisa Pfhumu Nungungulu, khavo: “Khu mani vbakari gwathu a na gu phela khuye gu gwela aya dwana ni Vakhanani?”

Valamuli 20:18

Va na Israyeli va di khuga va gwela Bheteli, vaya wudzisa Nungungulu, khavo: “Khu mani wa vbakari gwathu, a na gu phelago khuye a gwela guya dwana ni va na Bhejami?” Pfhumu Nungungulu a di va embela, khuye: “Va na phele khu va na Judha.”

Valamuli 20:28

gumogo ni Finiyasi, mwamana wa Eliyazari, tugulu wa Aroni, khuye a nga bani a yi sayisa khu matshigu yoyo. Va di wudzisa nyaluphye, khavo: “Ina hi ngu si kodza gu bwelela gambe hi ya dwana ni vandriyathu va na Bhejami mwendro hi si hongoli, gani?” Pfhumu Nungungulu a di mu hakha, khuye: “Indrani, kholu mindru nyi na va ningela mandzani gwanu.”

1 Samuweli 22:10

Uye a di mu wudzisela ga Pfhumu Nungungulu; a mu ninga dzimbuva ni litshari la Gholiya, Mufilisitiya.”