Josuwa 8:35 - Bhibhiliya Nya Guage

³⁵ Gu mwalo ni gimwegyo nya magana ma nga leletedwago khu Mosi, Josuwa a ngamba ma hevbulela tshangano wa Israyeli, gu pata gumogo ni vanyamayi, sanana sa beleni ni valuveli va nga bani va gu vbanya vbakari gwawe.

Josuwa 8:35 Iomraidhean Croise

Ezira 10:1

Avbo Ezira a nga bani a lombelela ni gu gira dawulelo na gu lila na nogide mbeli nya Nyumba ya Nungungulu, gu dita tombana gwaye tshangano nya wungi wa na Israyeli, nya vama, vanyamayi ni sanana; kholu vathu va di gu lila khu wuvi nya wukhongolo ngudzu.

Nehemiya 8:2

Muphasi nya mhamba Ezira, a dita ni Libhuku nya Nayo mbeli ga gidzemo gi nga bani na gi hengeledzanide nya vama ni vanyamayi, ni vatshavbo avo va nga bani na vari ni tanga nya guyingise iso si hevbudwago. A diri litshigu nya guhegule nya ngima nya livbandre na wuvili.

Nehemiya 8:3

A di ema a li hevbula tendrelani wu nga bani wu romo vbafuvbi ni Mwanya nya Mati, gukhugela dzimindrudzile kala vbakari nya mihani, a di hevbulela vama ni vanyamayi ni vatshavbo avo va nga bani na vari ni tanga nya guyingise, vathu vatshavbo va di yingisa khu githawo Libhuku nya Nayo.

Ekisodha 12:38

Vambe vathu nya vangi nya mambe mafumbu va dugide navo gumogo ni va na Israyeli ni mitshambi nya dzinvuta ni dzimombe nya gutale ngudzu.

Jeremiya 26:2

Pfhumu Nungungulu a ngu ganela kharati, khuye: Ema likupakupani nya Nyumba ya Pfhumu Nungungulu, u embela madhoropa yatshavbo ya Judha matago mata khozela Nyumbani ga Pfhumu Nungungulu, u va embela magana yatshavbo nyi gu rumidego gukheni u va tivisa; u nga tshiyi ni limwedo nya ayo.

Joyele 2:16

Tombanisani vathu, mu agisa tshangano; rambani madhota, mu tombanisa sanana ambari niso sa beleni; mudzegi a na duge khu makhuvini gwaye nuye, a dzegwago a na duge khu wulangani gwaye.

Zakariya 8:23

Pfhumu Nungungulu nya Tshivba Yatshavbo a ngu ganela kharati, khuye: “Ga matshigu yoyo, likhumi vama nya gute khu mafumbu yatshavbo nya malimi ma ganedwago khu vathu nya mayigo, va na phara tshoka nya mwendra wa moyo nya Mujudha nya gukari, va mu embela, khavo: Ethu ha guvbweta gu hongola gumogo nanu, kholu hi pwide gupwani Nungungulu womo gwanu.”

Marko 10:14

Jesu, na si wone, a di garadzega a va embela, khuye: “Digani sanana sita gwangu. Mu nga si himbedzeli, kholu Mufumo wa Nungungulu wa gu lumba iso.

Mithumo 20:27

kholu eni nyi mi tiviside makungo yatshavbo ya Nungungulu. Gimwalo nyi mi sihedego.

Mithumo 21:5

Aholu, gu vbelani nya matshigu yoyo, hi di simama ni liendro lathu. Vakhodwa vatshavbo ni vanyamayi ni sanana va di hi bangaladza kala vbavbandze nya lidhoropa. Na hi dugide khu dhoropani, hatshavbo hi di khidzima funguni hi lombelela ga Nungungulu.

Dhewuteronome 29:10

sanana sanu, vagadzi vanu, gumogo ni muluveli a vbanyago vbakari nya lizumbo lanu, gukhugela mukoki nya dzikhuni kala muregeleli wanu nya mati;

Dhewuteronome 29:11

gasi mu bele ga gidzumeledzwano Pfhumu Nungungulu wanu, a gi giridego khu gisambanyo; gidzumeledzwano egi Pfhumu Nungungulu wanu, a gi tiyisidego muhuno nanu,

Dhewuteronome 29:9

Enu mwatshavbo, vathangeli vanu, mahundzu yanu, madhota yanu, dzindruna dzanu, vavbanyi vatshavbo va Israyeli, mu womo muhuno mbeli ga Pfhumu Nungungulu wanu,

Dhewuteronome 31:12

Tombanisa vathu, vama, vanyamayi, sanana, ni valuveli vatshavbo va na gu bani va romo dhoropani gwago, gasi va wu yingise, ni gu wu hevbula, va kodza gu ninga githawo Pfhumu Nungungulu wanu ni gu zama gu landrisa magana yatshavbo nya Nayo yoyu;

Dhewuteronome 4:2

Mu nga engedzeli gilo ga magana nyi mi rumago, gambe mu nga vbunguli gilo, gasi mu vegedze sirumo sa Pfhumu Nungungulu wanu, kha nga edzi nyi mi ningago khidzo.