Josuwa 8:33 - Bhibhiliya Nya Guage

³³ Israyeli watshavbo, madhota yaye, vathangeli vaye gumogo ni valamuli vaye va di khala na va emide va randrela Ngasa, mbeli ga vaphasi nya mhamba va na Levhi va nga bani va rwade Ngasa nya Gidzumeledzwano gya Pfhumu Nungungulu. Vbale va diromo valuveli gumogo ni sivelegwa sa Israyeli; gipandre nya avo va di emide khu mbeli nya gigomo gya Garizimi, gimbe gipandre gi ema khu mbeli nya gigomo gya Ebhali; kha nga idzo va nga leletedwago khidzo khu gale khu Mosi, githumi gya Nungungulu, gukhuye gu kategiswe vathu va na Israyeli.

Josuwa 8:33 Iomraidhean Croise

Ekisodha 12:49

“Gu na bani guri nayo moyo basi wu vegidwego ga givelegwa gya tigoni ni ga valuveli va vbanyago vbakari gwanu.”

Levhi 24:22

Mu na fumwa khu nayo moyo basi mwatshavbo; vawuyi ni sivelegwa sa Israyeli, kholu Eni kheni Pfhumu Nungungulu wanu.

Mitengo 15:15

Wu na manega nayo moyo basi ga enu ni ga muluveli a vbanyago vbakari gwanu; uwowo wu na bani ari Nayo nya kala gupindruga ni ga situgulwana sanu; kha nga enu, gu na girega gambe kharato ga muluveli mbeli ga Pfhumu Nungungulu.

Mitengo 15:16

“Gu na manega nayo moyo basi ni gileletelo gimwegyo basi, gwanu ni ga muluveli a vbanyago vbakari gwanu.”

Mitengo 15:29

Ambari nari givelegwa gya va na Israyeli mwendro muluveli a vbanyago vbakari gwanu, a gu gira gighoho khu wuhangi, mu na bani muri ni nayo moyo basi.

Johane 4:20

Vababe vathu va khozede gigomoni momu. Aholu enu mwari khenu gu vbwetega guya khozela Jerusalema.”

Dhewuteronome 11:29

Khu guralo, avbo Pfhumu Nungungulu wago a na gu vbohisago tigoni u na guya li fuma, avbovbo, u naya huwelela gikategiso vbatshani nya gigomo gya Gerizimi, gasi givalo u na ya gi huwelela vbatshani nya gigomo gya Ebhali.

Dhewuteronome 31:12

Tombanisa vathu, vama, vanyamayi, sanana, ni valuveli vatshavbo va na gu bani va romo dhoropani gwago, gasi va wu yingise, ni gu wu hevbula, va kodza gu ninga githawo Pfhumu Nungungulu wanu ni gu zama gu landrisa magana yatshavbo nya Nayo yoyu;

Dhewuteronome 31:25

a di leletela va na Levhi va nga bani va gu rwala Ngasa nya Gidzumeledzwano gya Pfhumu Nungungulu, khuye:

Dhewuteronome 31:9

Nayo yoyu, Mosi a di wu lova a ningela vaphasi nya mhamba, sanana sa Levhi, va nga bani va gu rwala Ngasa nya Gidzumeledzwano ya Pfhumu Nungungulu gumogo ni madhota yatshavbo ya na Israyeli.

Josuwa 23:2

Josuwa a di tombanisa vatshavbo va na Israyeli, madhota, vathangeli nya dzinyumba, nya wulamuli ni dzindruna dzawe, a va embela, khuye: Eni olu nyi gumbide, nyi na ni matshigu nya gutale,

Josuwa 24:1

Josuwa a di tombanisa mahundzu yatshavbo ya na Israyeli tigoni ga Sikemi, a ranisa gambe madhota yawe, vathangeli, valamuli gumogo ni dzindruna; vatshavbo va di ya dzi bikela mbeli ga Nungungulu.

Josuwa 3:14

Khavbo avbo, vathu, va di duga khu mitshatshani gwawe, va dongisela gu tshatuga tsongo wa Joridhani gumogo ni vaphasi nya mhamba va nga bani va thangide mbeli gwawe, na va rwade Ngasa.

Josuwa 3:3

“Mwa gu wonani Ngasa nya Gidzumeledzwano gya Pfhumu Nungungulu wanu, na yi rwadwe khu vaphasi nya mhamba va na Levhi, mu na khuga vbalizumbotunu gwanu mu phara ndzila mu yi landra.

Josuwa 3:6

Khu hwane, a di embela vaphasi nya mhamba, khuye: “Dzegani Ngasa nya Gidzumeledzwano mu thanga mbeli nya vathu.” Khavbo avbo, avo va di dzega Ngasa nya Gidzumeledzwano va thanga mbeli ga vathu.

Josuwa 4:10

Vaphasi nya mhamba va nga rwalago Ngasa nya Gidzumeledzwano va di simama va ema vbakari nya tsongo wa Joridhani kala gutadzisega esi Pfhumu Nungungulu a nga bani a rumide Josuwa gu embela vathu, mayelano khu sileletelo a nga ningago Mosi. Vathu va di tshatuga tsongo wa Joridhani khu guvbiredza.

Josuwa 4:18

Avbo vaphasi nya mhamba va nga bani va rwade Ngasa nya Gidzumeledzwano gya Pfhumu Nungungulu va nga dugago khu tsongoni wa Joridhani, avbo migondro yawe yi nga gandrago mafuni nya gubange, mati nya tsongo wa Joridhani ma di bwelela ma khulunga gambe wulangani gwaye kha nga gale.

Josuwa 6:6

Josuwa, mwamana wa Nuni, a di tombanisa vaphasi nya mhamba, a va embela, khuye: “Rwalani Ngasa nya Gidzumeledzwano, gumogo ni livbandre na vavili vaphasi nya mhamba ni livbandre na mivili mipundru, va thanga mbeli nya Ngasa.”