Josuwa 8:31 - Bhibhiliya Nya Guage

³¹ gukhedza khu gileletelo gya Mosi, githumi gya Pfhumu Nungungulu, a nga bani a ningide sanana sa Israyeli, kha nga idzo gu lovidwego khidzo libhukuni nya Nayo wa Mosi, pwani: A gi vbahide khu siwindri si si ngamba vatwa khu mbato, va ningela vbatshani gakone miphaso nya guvbiswe ga Pfhumu Nungungulu ni dzimhamba nya pwanano.

Josuwa 8:31 Iomraidhean Croise

2 Dzipfhumu 14:6

Aholu sanana sawe kha si songa, kha nga idzo gu lovidwego khidzo libhukuni nya Nayo wa Mosi, avbo Pfhumu Nungungulu a leletedego gukhuye: “Vavelegi va nga tshuki va songwa khu kotani ya sanana, ni sanana si nga songwi khu kotani ya vavelegi; muthu ni muthu a na songwe khu kotani nya sighoho saye.”

2 Dzipfhumu 22:8

Khavbo avbo, Hilikiya, muphasi nya khongolo nya mhamba, a di embela mulovi Safani, khuye: “Nyi tugude Libhuku nya Nayo Nyumbani ga Pfhumu Nungungulu.” Hilikiya a di ningela Libhuku nya Nayo mandzani ga Safani; uye a di li hevbula.

2 Dzikoronika 25:4

Aholu sanana sawe kha si songa, giride kha nga iso si lovidwego Nayo, umo nya Libhuku la Mosi, umo Pfhumu Nungungulu a nga ningela sileletelo sesi, khuye: “Vavelegi kha va na songwa khu kotani nya sighoho sa sanana sawe, ambari sanana niso, kha si na songwa khu kotani nya sighoho sa vavelegi. Muthu ni muthu a nafa khu gighoho gyaye.”

2 Dzikoronika 35:12

Miningelo nya guvbiswe va di yi vega phuvbo, gasi va yi ningela khu mitsawa nya dzinyumba, mayelano ni magimbilelo nya dzinyumba dzawe nya mavelego, gasi va ningela ga Pfhumu Nungungulu, kha nga idzo gu lovidwego khidzo Libhukuni la Mosi; va gira gambe kharato ni dzimombe.

Ezira 6:18

Va vega vaphasi nya mhamba khu mitsawa yawe, ni va na Levhi va di vegwa mitsawani yawe, gasi va thuma thumo wa Nungungulu, a guromo Jerusalema, kha nga gu lova ga libhuku la Mosi.

Nehemiya 13:1

Khu litshigu lolo, gu di hevbuledwa vathu Libhuku nya Nayo wa Mosi; libhukuni momo gu di manega na gu lovidwe gupwani va na Amoni ni va na Mowabhi, va si beli gambe tshanganoni wa Nungungulu,

Ekisodha 18:12

Khavbo avbo, Jetro, sade wa Mosi, a di ningela miphaso nya guvbiswe ni dzimhamba ga Nungungulu. Aroni ni madhota yatshavbo ya Israyeli ya dita hodza gumogo ni sade wa Mosi mbeli ga Nungungulu.

Ekisodha 24:5

A di rumela madzaha nya sanana sa Israyeli va ningela miphaso nya guvbiswe; va paya dzimombe, va gu ningela dzimhamba nya pwanano ga Pfhumu Nungungulu.

Matewu 12:26

Kharati nugo, Sathane a gu wugela Sathane kwawe, a ngu dzi kabanisa abune. Wu na pindruga kharini mufumo waye?

Dhewuteronome 27:2

Ga litshigu mu na gu tshatugago tsongo wa Joridhani gasi guya bela ga litigo lile Pfhumu Nungungulu wago a na gu ningago, u naya emisa siwindri nya sikhongolo u si pendra khu phembe.

Dhewuteronome 27:8

Mu na lova vbatshani nya siwindri sesi, magana yatshavbo nya nayo yoyu, ma wonega gwadi.

Josuwa 1:8

U nga garali khu gu ganela khu libhuku nya Nayo; aholu gu vbwetega wutshigu ni mihani u alakanyela, gasi u landrisa satshavbo iso si lovidwego umo; khavbo avbo, u na andra ndzilani gwago bwelo khavbo u dugelela.