Josuwa 8:29 - Bhibhiliya Nya Guage

²⁹ Josuwa a di rumela gu va vbayega mufumeli wa Ayi vbasimbotunu va mu diga avbovbo kala ni silambo gupfolani nya lidambo; khu guruma ga Josuwa, va di dusa girumbi vbasimbotunu va ya gi dzudzuga vbafuvbi ni nyangwa nya lidhoropa, vbatshani gwaye va di wungedzela gigomo nya siwindri, gi nga guromogo kala na muhuno.

Josuwa 8:29 Iomraidhean Croise

2 Samuweli 18:17

Va di dzega Abhisalamo va ya mu rinya umo nya liphala nya likhongolo vbakari nya likhabi, va di wungedzela siwindri nya singi vbatshani gwaye; va na Israyeli vatshavbo va di tutuma va thava, moyo ni moyo a hongola gaya gwaye.

Dzindzimo 107:40

Nungungulu a di nyenya vatshanisi, a va dzimedza va legalega giwulani nyambana ndzila.

Dzindzimo 110:5

Pfhumu womo nyamudye gwago; Litshigu nya likhulo laye a na mbembisa vafumeli;

Johane 19:31

Kha nga ulo a nga bani ari litshigu nya gudongisele Phasika, Vajudha va diya lomba ga Pilato guya va fanya mawundru, gasi gu va tshisa, gufela gu sirumbi si si khali vbagihambanotunu litshigu nya Sabhadho, kholu a diri litshigu likhongolo Sabhadho yile.

Mithumo 12:23

Khu gikhati gyogyo a di vetwa khu ngilozi ya Pfhumu, a gu hodzwa khu siwungu afa, kholu kha nga rungudza Nungungulu.

Josuwa 10:30

Pfhumu Nungungulu a di va ningela mandzani ga va na Israyeli, avo gumogo ni mufumeli wawe, gu sasedwa khu matshari lidhoropa gumogo ni vavbanyi waye, nyamba tshidwa ni moyo. Mufumeli wawe a di girwa kha nga idzo a nga girwago mufumeli wa Jeriko.

Josuwa 10:33

Khavbo avbo, Howamu, mufumeli wa Gezeri, a di hongola aya phasedzela Lakisi; aholu Josuwa a di sasela gumogo ni vathu vaye nyamba tshala ni moyo.

Josuwa 12:9

A gu ava: Mufumeli wa Jeriko, moyo; mufumeli wa Ayi, vbafuvbi ni Bheteli, moyo;

Josuwa 7:26

Va wungedzela vbatshani ga Akani gigomo nya gikhongolo nya siwindri gi nga guromo kala na muhuno. Khavbo avbo, Pfhumu Nungungulu a di bosa likhulo laye. Khu guralo, wulanga wule wa gu ranwa kala na muhuno gupwani Kova wa Akori.

Josuwa 8:23

Khu guralo, va di mola mufumeli wa Ayi na nga gu vbanya va mu yisa ga Josuwa.