Josuwa 8:22 - Bhibhiliya Nya Guage

²² Vambe va na Israyeli va di duga khu dhoropani va ya dwana ni nala, khu guralo, avo va di randredwa khu va na Israyeli, khu maphuvbo yatshavbo, avbo va ngamba tshiya ni moyo nya guvbanye mwendro nya guthave.

Josuwa 8:22 Iomraidhean Croise

Joba 20:5

wudhumo wa va nya guvivbedwa khu monyo kha wuyi danga, ni gunengela nya sighohi, khwa matshigwanyana, gani?

Dhewuteronome 7:2

avbo Pfhumu Nungungulu wago, a na va ningelago mandzani gwago u va khozisa, u na va mbembisela muphelo. U nga giri navo pwanano, ambari gu va pwela gisiro.

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.

Josuwa 10:28

Khu litshigu lolo, Josuwa a di khozisa litigo la Makedha a va songa khu matshari, gumogo ni mufumeli wawe; a di sasela vatshavbo va nga bani vari umomo nyamba tshiya ni moyo. Mufumeli wa Makedha, a di mu gira kha nga idzo a nga girago mufumeli wa Jeriko.

Josuwa 6:21

Satshavbo si nga bani si romo dhoropani va di si khungumulela, va songetela khu litshari vama, vanyamayi, sanana ni sikhosane gumogo ni dzimombe, dzinvuta ni dziburu.

Josuwa 8:21

Josuwa ni vatshavbo va na Israyeli, na va wone gukhavo va na gyawe va nga bani va sihade va phangide lidhoropa, ni gu li wona tuviga wutshi, va di bwelela va ta dhumela vama va dhoropani ga Ayi.

Josuwa 8:23

Khu guralo, va di mola mufumeli wa Ayi na nga gu vbanya va mu yisa ga Josuwa.

Josuwa 8:8

Avbo mu na gu phangago lidhoropa, li khondriseni khu nilo, kha nga guruma ga Pfhumu Nungungulu. Wonani; esi khu sileletelo sangu.”