Josuwa 8:2 - Bhibhiliya Nya Guage

² U na ya gira Ayi gumogo ni mufumeli waye, kha nga edzi u nga girago Jeriko gumogo ni mufumeli waye; mu na ya phanga dzithomba ni sifuyo sakone si khala sanu. Vega vathu khu hwane nya lidhoropa va varamela.”

Josuwa 8:2 Iomraidhean Croise

2 Dzikoronika 13:13

Aholu Jerobhowamo a di ruma gimbe gikwata nya masotshwa gi siyamela Vajudha gasi gu va dhumela khu hwane. Khu magirelo yoyo gidzemo nya gingi nya masotshwa gi di dhumela Vajudha khu mbeli, aholu vasiyameli va di va dhumela khu hwane.

2 Dzikoronika 20:22

Avbo va nga phela gu embelela ni gu kulungela va dhumisa Nungungulu, Uye Pfhumu a di varamela khu hwane ga na Amoni ni ga na Mowabhi ni avo va nga bani va romo khu gigomoni gya Seyiri, va ngatago guta dwana ni va na Judha, vatshavbo va di sasedwa.

Dzindzimo 39:6

Muthu a gimbilago a gu fanana ni mwedzi, dzithomba a wungedzelago gambe kha dziti khu mani a na dzi hodzago.

Mavingu 13:22

Muthu nya wadi a gu tshiyela thomba vatugulu vaye, gasi iyo nya sighohi, ya gu tshalela va nya gululama.

Mavingu 28:20

Muthu a tumbegidego a na tala khu makategwa, aholu uye a vbwetago gufuma khu givbiredza, gima kha na hamuga tsayiso.

Jeremiya 17:11

Muthu a wungedzelago thomba khu wukanganyisi; a gu fanana ni tshugwa yi fundramelago mandra yi ngamba ma vega; vbakari nya matshigu yaye a na yi luza, khu guhegisani a na khala madhadhavale.

Jeremiya 51:12

Ghwimbani ngavbya mudzindzarini ga Bhabhiloni, engedzelani vaemeledzi mu vega dzighadhi, va vandrameleni, kholu Pfhumu Nungungulu a ngu tadzisa gikungo a hungidego khu gale nya guwugele vavbanyi va Bhabhiloni.

Dhewuteronome 2:35

Hi di dzega basi sifuyo si khala sathu ni gu phanga madhoropa hi nga bani hi ma wandride.

Dhewuteronome 20:14

Aholu vanyamayi, sanana, sifuyo, ni satshavbo si na manegago dhoropani si na lumba uwe. U na hodza iso u na gu phangago ga valala vago, avo Pfhumu Nungungulu wago, a gu ningidego.

Dhewuteronome 3:2

Khavbo avbo, Pfhumu Nungungulu a di nyi embela, khuye: U nga mu thavi, kholu nyi mu ningede mandzani gwago uye ni vathu vaye ni litigo laye; u na mu gira kha nga idzo u giridego Seyoni, mufumeli wa Vaamori va nga bani na va gu vbanya Hesibhoni.

Josuwa 10:1

Avbo Adhoni-Zedheki, mufumeli wa Jerusalema, a nga pwago gupwani Josuwa phangide lidhoropa la Ayi bwelo khavbo a li khungumula kha nga idzo a giridego Jeriko ni ga mufumeli waye, ni gupwane vathu va Gibheyoni va lombide gurula ga va na Israyeli, olu va gu vbanya vbakari gwawe,

Josuwa 10:28

Khu litshigu lolo, Josuwa a di khozisa litigo la Makedha a va songa khu matshari, gumogo ni mufumeli wawe; a di sasela vatshavbo va nga bani vari umomo nyamba tshiya ni moyo. Mufumeli wa Makedha, a di mu gira kha nga idzo a nga girago mufumeli wa Jeriko.

Josuwa 11:14

Va di kabana satshavbo va nga phangago madhoropani mule ni mitshambi; aholu vathu vatshavbo va di va sasela khu matshari, kala va va mbembisa, nyamba tshiya ni moyo nya guvbanye.

Josuwa 6:21

Satshavbo si nga bani si romo dhoropani va di si khungumulela, va songetela khu litshari vama, vanyamayi, sanana ni sikhosane gumogo ni dzimombe, dzinvuta ni dziburu.

Josuwa 8:12

Josuwa a di hatha tengo nya livbandre magumi mazana (5.000) vama va ya varama khu Pfoladambo ga Bheteli ni Ayi.

Josuwa 8:14

Avbo mufumeli wa Ayi, a nga si wonago, a di khuga khu guvbiredza dhoropani, uye gumogo ni vathu vaye va di khuga ni mambagugya va ya tshangana ni va na Israyeli va dwanana navo, va di ya tombana ga wulanga nya kova, na va si dziti nya gukhavo vambe va sihade khu hwane nya lidhoropa.

Josuwa 8:19

Avbo a nga khusedza mandza yaye, avo va nga bani va varamide, va di khuga khu guvbiredza khu malangani yawe, va ta dhoropani va ta liphanga; va dzegela gu li vbisa khu nilo.

Josuwa 8:24

Avbo va nga vbedzago gu sasela vavbanyi va Ayi, avo va khabini navo va giwulani, avo va nga lundrwago khu va na Israyeli, hwane nya gu bani vatshavbo na va sasedwe khu matshari, va na Israyeli vatshavbo va di wuya dhoropani va ta sasela vatshavbo khu matshari.

Josuwa 8:3

Khavbo avbo, Josuwa a di bela ndzilani gumogo ni vama vatshavbo va somidego gasi gu gwela aya dwana ni Ayi. A di hatha magumararu magumi mazana (30.000) vama nya dzindrena, a va rumela va hongola ni vbakari nya wutshigu.

Josuwa 8:7

Khavbo avbo, enu mu na dugani mu va dhumela mu phanga lidhoropa. Pfhumu Nungungulu wanu, a na va ningela mandzani gwanu.

Josuwa 8:8

Avbo mu na gu phangago lidhoropa, li khondriseni khu nilo, kha nga guruma ga Pfhumu Nungungulu. Wonani; esi khu sileletelo sangu.”

Josuwa 8:9

Josuwa a di va ruma va hongola, avo va di ya va varamela khu vbakari nya eno khu Bheteli eno khu Ayi khu phuvbo ga Pfoladambo. Josuwa a di lala wutshigu wowo vbakari nya vathu.

Josuwa 9:3

Aholu vavbanyi va Gibheyoni, avbo va nga pwa iso si nga girwa khu Josuwa dhoropani ga Jeriko ni Ayi,