Josuwa 8:19 - Bhibhiliya Nya Guage

¹⁹ Avbo a nga khusedza mandza yaye, avo va nga bani va varamide, va di khuga khu guvbiredza khu malangani yawe, va ta dhoropani va ta liphanga; va dzegela gu li vbisa khu nilo.

Josuwa 8:19 Iomraidhean Croise

Josuwa 8:18

Pfhumu Nungungulu a di embela Josuwa, khuye: Khwandra giholoma u gu nagyo mandzani gi thonona dhoropani ga Ayi; kholu nyi na li ningela mandzani gwago; khavbo avbo, Josuwa a di khusedza giholoma gi nga bani giri mandzani gwaye gi thonona dhoropani.

Josuwa 8:2

U na ya gira Ayi gumogo ni mufumeli waye, kha nga edzi u nga girago Jeriko gumogo ni mufumeli waye; mu na ya phanga dzithomba ni sifuyo sakone si khala sanu. Vega vathu khu hwane nya lidhoropa va varamela.”

Josuwa 8:20

Avbo vama va dhoropani ga Ayi, va nga thendregedza va khedza hwane, va di wona wutshi nya lidhoropa na wu gwela wuya ndzadzini, va si kodzi gu thavela ni yevbini phuvbo; kholu va na Israyeli va nga bani va gu pfhadzedzela gu thavela va di thendregedza va wuyela vale va nga bani va gu va lundra.

Valamuli 20:33

Khavbo avbo, vatshavbo va na Israyeli va di duga khu malangani va nga bani va fode khumo, vaya fola khu Bhahali-Tamari, va na Israyeli va nga bani va varamide va di duga khu wulangani wule va nga bani na va romo, khu kovani wa Gibheya.

Valamuli 20:37

Vale va nga bani va varamide, va di dzegela gu duga va bela dhoropani ga Gibheya khu giviti, va phalalega va songetela khu matshari vavbanyi vatshavbo va Gibheya.