Josuwa 8:10 - Bhibhiliya Nya Guage

¹⁰ Josuwa a di wuga ni mambagugya a tshanganisa vathu a hongola gu ya dwana ni Ayi, uye ni madhota ya Israyeli va di thanga mbeli ga vathu.

Josuwa 8:10 Iomraidhean Croise

Genesi 22:3

Khavbo avbo, Abrahama a di wuga ni dzimindru ngudzu, a ambagisa sighwabhata giburwana, a dzega sithumi saye sivili, ni mwanaye Isaki, a di koka dzikhuni nya miphaso, a bela ndzilani nya guhongole wulanga a nga leletedwago khu Nungungulu.

Dzindzimo 119:60

Nyi ngu vbiredza kha nyi hweli, gu landrisa sileletelo sago.

Josuwa 3:1

Josuwa a di wuga ni mambagugya gumogo ni vatshavbo va na Israyeli, va khuga khu tigoni ga Sitimi, va hongola kala tsongoni wa Joridhani, vaya zumba vbale na va si gu tshatugi.

Josuwa 6:12

Josuwa a di wuga ni mambagugya, vaphasi nya mhamba va di rwala Ngasa ya Pfhumu Nungungulu.

Josuwa 7:16

Ni dzimindrudzile, nya litshigu li landrelago, Josuwa a di rumela gu vate vathu khu lihundzu ni lihundzu; aholu yi di modwa nyangwa ya Judha.

Josuwa 8:11

Vama vatshavbo a nga bani ari navo va di hongola naye, na va vbohide vbafuvbi nya lidhoropa va di ghova khu phuvbo ga wuronga, kova wu khala khu vbakari gwawe ni Ayi.

Josuwa 8:9

Josuwa a di va ruma va hongola, avo va di ya va varamela khu vbakari nya eno khu Bheteli eno khu Ayi khu phuvbo ga Pfoladambo. Josuwa a di lala wutshigu wowo vbakari nya vathu.