Josuwa 8:1 - Bhibhiliya Nya Guage

¹ Pfhumu Nungungulu a di embela Josuwa, khuye: “U nga thavi gambe u nga vbeli tshivba, dzega vama vatshavbo va somidego, u gwela u ya dwana ni Ayi; wona gukhuwe nyi ningede mandzani gwago mufumeli wa Ayi, gumogo ni vathu vaye, lidhoropa laye ni litigo laye.

Josuwa 8:1 Iomraidhean Croise

Dzindzimo 27:1

Pfhumu Nungungulu khuye wenengedzo ni guvbanyiswa gwangu; nyi na thava mani? Pfhumu Nungungulu muvhikeli nya guvbanye gwangu; nyi na thava mani?

Dzindzimo 44:3

Khandri khu tshivba nya matshari va nga wandra khiyo litigo, gambe khandri mawogo yawe ma nga va ninga gupala; aholu khu libogo lago la nyamudye, ni wenengedzo nya khovbe yago, kholu u di gu va gola.

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 43:2

Ambari wa guvbindra khu matini, eni nyi na bani nyiri nago, wa gu tsemakanya mitsongo, gima khu na dzama. Wa guvbindra khu vbakari nya nilo, gima khu na nga vbya, ambari gu vbiswa khu malavbelavbe.

Jeremiya 46:27

Gasi uwe, githumi gyangu Jakobe, u nga thavi, u nga khali hwanga, uwe Israyeli, kholu nyi na gu vbulugisa nyi gu wuyisa khu mayigoni yoyo ya hwindzo, ni livelego lago khu tigoni nya wugumbi; Jakobe a nata vbanyedza nyaluphye khu gurula, na tangade nyamba thurugiswa khu muthu.

Jeremiya 49:3

Womba huwa uwe Hesibhoni, Wombani huwa enu vanyamahegyane va Rabha! Ambalani silendra mu lila! Dzundrulugelani eno ni eno, kholu Malikani a na vbagedwa a yiswa wugumbini gumogo ni vaphasi vaye nya mhamba ni dzindruna dzaye.

Dhaniyeli 2:21

Uye a ngu vbindrugedza dzinango ni gikhati, uye a ngu dusa vafumeli ni gu tiyisa vafumeli, uye a ngu ninga guti va nya gugengela ni wugengeli ga va nya mapimo.

Dhaniyeli 4:25

Silo sesi satshavbo si dugelede ga mufumeli Nabhukodhonosori.

Matewu 8:26

Jesu a di va embela, khuye: “Mwa gu thava ginani, vathu nya gukhodwe vbadugwana?” Na khugide, a di kawuka phuvbo ni mavimbi. Khavbo avbo, gu di manega malenga nya makhongolo.

Dhewuteronome 1:21

Wona nya gukhuwe Pfhumu Nungungulu wago, a gu ningide litigo leli. Gwela, u ya li dzege, u li fumula kha nga idzo a ganedego khidzo Pfhumu Nungungulu wa vababe vago: U nga thavi, gambe u nga thurugi.

Dhewuteronome 31:8

Pfhumu Nungungulu khuye a na thangago mbeli gwago; Uye a na bani nari nago, kha na hambana nago ambari gu gu diga; u nga vbeli tshivba ambari gu khala hwanga.

Dhewuteronome 7:18

U nga va thavi. Dundruga esi Pfhumu Nungungulu wago, a giridego ga Faro gumogo ni Vagipiti vatshavbo:

Dhewuteronome 7:21

U nga khali hwanga mbeli gwawe, kholu Pfhumu Nungungulu wago, a gu Nungungulu nya khongolo ni guthavisega, womo vbakari gwago.

Josuwa 1:9

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”

Josuwa 10:7

Khavbo avbo, Josuwa a di khuga khu Giligali, uye gumogo ni vathu vaye vatshavbo nya dzindrena nya nyimbi.

Josuwa 10:8

Pfhumu Nungungulu a di embela Josuwa, khuye: “U nga khali hwanga kholu vatshavbo nyi na va ningela mandzani gwago; mwalo na moyo wawe a na tiyago guta mbeli gwago.”

Josuwa 2:24

Avo va di mu embela, khavo: Pfhumu Nungungulu ningede mandzani gwathu latshavbo litigo leli; vavbanyi vaye vatshavbo va gu ndrendremela khu hwanga mbeli gwathu.

Josuwa 6:2

Khavbo avbo, Pfhumu Nungungulu a di embela Josuwa, khuye: Wona, nyi ningede mandzani gwago Jeriko, ni mufumeli waye gumogo ni dzindrena dzaye.

Josuwa 7:9

Avbo Vakhanani ni vatshavbo vavbanyi va tigoni va na gu pwago esi, va na hi randrela va fuvisa lina lathu omu mafuni; khu guralo, U na khuwe ginani khu lina lago nya likhongolo?”