Josuwa 7:4 - Bhibhiliya Nya Guage

⁴ Khu guralo, gu di hongola iyoyo vama nya tengo nya magumararu mazana (3.000) avo va nga ya tutuma mbeli ga vama va Ayi.

Josuwa 7:4 Iomraidhean Croise

Dzindzimo 89:43

U lambiside matshari yaye, u mu diga a padwa nyimbitunu.

Isaya 30:17

Likhumi mazana (1.000) vama nya lihundzu lanu va na tutuma khu gu thava muthu moyo basi; enu mwatshavbo mu na tutumani mbeli mu lundrwa livbandre vathu va vbakari ya valala vanu, kala mu ya manegani kha nga ningwati wu guromo vbatshani nya gigomo, ni ngavbya yi guromo vbagigomwanatunu.

Isaya 59:2

Aholu, guvivba gwanu khugo gu mi hambanisago ni Nungungulu wanu; sighoho sanu si sihide khovbe yaye gasi a si mi yingisi.

Levhi 26:17

Nyi na mi pfhurarela, mu na padwa khu valala vanu, mu fumedwa khu avo va mu nyenyago; khu guralo mu na tutuma nyamba lundrwa khu muthu.

Dhewuteronome 28:25

Pfhumu Nungungulu a na gu thesa mbeli ga valala vago; khu ndzila mweyo u na duga guya dwana ni valala vago, aholu u naya tutuma mbeli gwawe khu livbandre na dzimbili dzindzila; khu guralo, u na khala gihegiso ga mayigo yatshavbo ya mafuni.

Dhewuteronome 32:30

Ga gu kodzega kharini muthu moyo basi a lundra likhumi mazana (1.000), ni vathu vavili va lundra likhumi magumi mazana (10.000) vathu? Kholu Muvhikeli wawe, ava digidego, Pfhumu Nungungulu a va rengiside ga valala.

Josuwa 7:3

Va di wuya ga Josuwa vata mu embela, khavo: “Gu nga hongoli vathu vatshavbo; va na hongole basi tengo nya magumavili mazana (2.000) mwendro magumararu mazana (3.000) vama va ya sasela Ayi; u nga dzi garadzi khu gu dzega vathu vatshavbo va hongola iyoyo, kholu valala vadugwana.”